Askofu Molla wa KLFT aomboleza kifo cha Mkapa

Uongozi wa Kanisa la Furaha Tanzania (KLFT), kwa niaba ya waumini wake wote limetoa pole kwa familia, ndugu, marafiki na watanzania wote kwa msiba huu mzito wa Rais mstaafu Benjamin William Mkapa.

Askofu Mkuu wa Kanisa la Furaha Tanzania Jones Molla, ametuma salam za pole kwa Rais wa Jamhuri ya Muungano wa Tanzania Dkt. John Magufuli na Watanzania wote kwa msiba mzito wa Rais mstaafu wa awamu ya tatu Benjamin Mkapa.

Askofu Molla alisema rais Mkapa ameacha hazina kubwa ya maarifa, uzoefu na maono ambayo ni jukumu la Watanzania kukusanya , kuelewa na kujifunza.

Molla alisema Rais Mkapa atakumbukwa kwa mengi mema yale aliyoyasimamia na kuyapigania katika kipindi chote cha uhai wake hivyo Watanzania hawana budi kuyaendeleza kwa manufaa ya taifa.  Huku akiwaalika wakristo kuendelea kuishi na kuyaenzi mema yote aliyofanya.

Askofu Molla alisema ni vyema wakristo wakakubali kwamba kifo kimeumbwa na Mwenyezi Mungu  hivyo kila mmoja ndio njia yake hiyo atakayoipitia kwani  Miongoni mwetu kuna wagonjwa wa kiroho  wanahitaji kulishwa na neno lako .

“Bwana tumekuja tuwatupu hatuna kitu, kitu pekee tulichonacho ni Imani zetu, tunaamini Bwana utatuhurumia, kanisa linatuita, linatualika kuzama katika maombi ya toba, sala na matendo ya upendo.