Ibrahim Shayo, Priscus Tarimo wachuana kura za maoni Moshi Mjini

Kura za maoni ndani ya Chama cha Mapinduzi (CCM) kwa jimbo la Moshi Mjini zimefanyika huku Ibrahim Shayo akiongoza kura hizo za kuwania kuteuliwa na kamati kuu ya chama hicho kupeperusha bendera katika uchaguzi ujao katika nafasi ya ubunge.

Shayo maarufu kwa jina la Ibra Line amepata kura 140 kati ya kura 371 akifuatiwa na Priscus Tarimo kura 137. Beno Malisa ameshika nafasi ya tatu kwa kura 23, Noel Nnko kura 16 na nafasi ya tano Moses Temba amepata kura 12. Kwa upande wa wanawake Joyce Kiria amepata kura tatu.

Kwa upande jimbo la Vunjo Enock Koola ameongoza kwa kupata kura 187 kati 567, akifuatiwa na aliyekuwa mkurugenzi wa zamani wa benki ya CRDB Dkt. Charles Kimei ambaye amepata kura 178, nafasi ya tatu inashikwa na Chrispine Meela aliyepata kura 47.

Katika Jimbo la Siha Dkt. Godwin Molel ameongoza kura hizo akipata 148 huku nafasi ya pili ikishikwa na Aggrey Mwanri aliyepata kura 147, nafasi ya tatu imeshikwa na Tumsifu Kweka aliyepata kura 53 na mwanamke pekee Yunus Mmari aliyepata kura 37.