January Makamba 'atemwa'

January Makamba

Rais Dkt. John Magufuli amemteua George Boniface Simbachawene kuwa Waziri wa Nchi, Ofisi ya Makamu wa Rais, Muungano na Mazingira.

Simbachawene anachukua nafasi ya January Yusuf Makamba ambaye uteuzi wake umetenguliwa. Wakati huohuo, Rais Magufuli amemteua Hussein Mohamed Bashe kuwa Naibu Waziri wa Kilimo. 

Bashe anachukua nafasi ya Innocent Lugha Bashungwa ambaye aliteuliwa kuwa Waziri wa Biashara na Uwekezaji. 

Katika hatua nyingine, Rais Magufuli amemteua Balozi Dkt. Martin Lumbanga kuwa Mwenyekiti wa Bodi ya Wakurugenzi ya Mamlaka ya Udhibiti wa Ununuzi wa Umma (PPRA). Dkt. Lumbanga ameteuliwa kushika nafasi hiyo kwa kipindi cha pili.

Uteuzi wa viongozi hao umeanza Julai 21, 2019.

ALICHOSEMA JANUARY MAKAMBA BAADA YA KUTIMULIWA 
Kupitia Ukurasa wake wa Twitter, Makamba kaweka picha yake akiwa na mzee Mwinyi na kuandika; "Kwa kweli nimeyapokea mabadiliko yaliyofanywa kwa moyo mweupe kabisa kabisa 😊. Nitasema zaidi siku zijazo. "