KUTOKA WHATSAPP: Barua Ya Wazi Kwa Wanachuo Wanaoingia Mtaani.

Kwanza poleni kwa kazi kubwa mlioifanya, hakika kuwa na degree ni ndoto ya vijana wengi. Kwa juhudi zenu na kwa baraka za Mola mumeweza kumaliza salama. Ila kuna kitu kidogo ningependa kuongea na nyinyi.

Huku mtaani mnapoingia ni tofauti na chuo, maisha ya mtaa kamwe usifananishe na chuo. Huku mambo magumu kidogo zaidi ya chuo, huku unatakiwa kuishi kwa busara na hekima zaidi ili uweze kutimiza malengo yako.

Yule mjomba aliyekwambia mtumie CV ukimaliza chuo tu anakuajiri usishangae akikuzimia simu. Yule danga aliyekuchezea kipindi upo chuo huku akikwambia ukimaliza anakuajiri usishangae akaanza kuwa busy kupitiliza.

Wale marafiki uliokuwa unakula nao bata hutawaona tena, utakuwa nyumbani na bibi yako akiwa na matumaini kesho unaingia kazini ili uweze kununua yule ng'ombe aliyemuuza ili kukusomesha. Utakuwa wewe na familia yako huku wakitegemea makubwa kutoka kwako.

Kwa bahati mbaya huku mtaani ni gombania goli, kila mtu anatafuta nafasi ya kuajiriwa ili aweze kusaidia familia yake. Acha kujishaua eti bila milioni sifanyi kazi. Labda nikwambie tu, huku kuna watu wana fegree kama yako na wana miaka mitatu hawana ajira.

Ogopa sana kukaa nyumbani bila kufanya kazi au chochote kile, jaribu kuwa msaada kwa familia kwa kitu chochote unachoweza kufanya kipindi hiki unasubiri ajira. Jitolee maofisini, jiajiri, fanya biashara au kitu chochote kile ambacho kitakuwa msaada kwa wewe na familia yako.