Afisa elimu anusurika kifungo cha miaka 12 jela

Mahakama ya Wilaya ya Siha mkoani Kilimanjaro imemhukumu kifungo cha miaka 12 jela au kulipa faini Lawrensia Massawe (56) baada ya kupatikana na hatia ya kughushi nyaraka za serikali kisha kujipatia kiasi cha shilingi milioni 13.5

Mshtakiwa ambaye alikuwa Afisa Elimu na Mratibu wa Shirika la Umoja wa Mataifa linalojihusisha na Watoto (UNICEF), alitakiwa kulipa faini ya shilingi milioni 1.2 na kurudisha kiasi cha fedha alichoghushi.

Aidha mahakama hiyo ilimwachia huru mhasibu wa Halmashauri ya wilaya hiyo Tumpala Ambakyse baada ya mahakama hiyo kumuona hana hatia.

Hakimu mkazi mfawidhi wa Mahakama hiyo Jasmine Abdul, baada ya kuridhika na ushahidi wa watu 23 uliotolewa na jamhuri Mahakamani hapo usioacha shaka ndani yake,na mahakama alimtia hati mshtakiwa kwa makosa 12 ikiwamo ya kughushi na kujipatia fedha hizo.  

Awali ilidaiwa mahakamani hapo na Mwendesha wa taasisi ya kuzuia na kupambana na rushwa( TAKUKURU) Suzani Kimaro washitakia kuwa Oktoba  2017 w walifanya makosa mbali mbali ikiwamo ya alighushi  nyaraka  na kujipatia kiasi cha sh,13.5  kinyume na kifungu  namba 28(1) cha  sheria ya kupambana na kuzuia rushwa kifungu namba 11 cha 2007

Fedha hizi zilitolewa sh,23.9 milioni zilitolewa na UNICEF kwa ajili ya Halmashuri hiyo  kwa ajili ya mafunzo na kwenda kuwaibua wanafunzi vijijini  ambao hawakufanikiwa kupata elimu lakini sh,13.5 .zilipotea

“Mtuhumiwa aligushi nyaraka ambazo zilionyesha alitoa semini kwa siku mbili kwa wenyeviti wa vijiji 37, maafisa watendaji 36, watendaji wa kata 12 ,waratibu elimu kata 12,  maafisa Tarafa 5 na kila mmoja alitakiwa kulipwa  posho kiasi ya shilingi 180,000  lakini walilipwa sh, 45000 kitu ambacho aliidanganya Halmashauri” alieleza Kimaro

Kabla ya kutoalewa kwa hukumu hiyo mwendesha mashitakab aliomba mahakama hiyo kutoa adhabu kali dhidi ya mshitakiwa kutokana na kukithiri kwa vitendo hivyo  ili iwe fundisho kwa watu wenye tabia kama hiyo.

Hata hivyo  Ester Kibanga ,wakili anayemtetea mshitakiwa aliomba mahakama hiyo kumpunguzia adhabu kwa sababu ,ni mgonjwa ana mume ana wajukuu wanaomtegemea pia ana miaka mingi

Ambapo hakimu wa mahakama hiyo alisema mahakama imezingatia utetezi huo na kumtaka kulipa faini ya shilingi milioni 1.2 au kwenda jela miaka 12 na pia mahakama hiyo ilimtaka kurejesha kiasi cha sh,13.5 alizochukua kuzirejesha katika Halmashauri ya Siha, ambapo alifanikiwa kulipa na kukwepa kifungo.