Miradi ya Maendeleo 39 mkoani Manyara kupitiwa na Mwenge wa Uhuru

Mkuu wa Mkoa wa Manyara Makongoro Nyerere akiupokea Mwenge wa Uhuru kutoka kwa Mkuu wa Mkoa Kilimanjaro Steven Kigaigai katika hafla iliyofanyika Mererani wilayani Simanjiro Juni 13, 2022.

 
SIMANJIRO, MANYARA

Miradi ya Maendeleo 39 inatarajiwa kupitiwa na Mwenge wa Uhuru mkoani Manyara baada ya kuupokea kutoka katika mkoa wa Kilimanjaro ambapo utafungua, utakagua, utapitia na kuweka mawe ya msingi katika miradi hiyo yenye thamani ya shilingi 23.2 bilioni

Akiwasilisha ripoti yake wakati wa kuupokea Mwenge wa Uhuru Mkuu wa Mkoa wa Manyara Makongoro Nyerere amesema Mamlaka saba za serikali za mitaa zitapitiwa na Mwenge wa Uhuru ambao utakimbizwa katika kilometa 1200.

Mkoa wa Manyara umeupokea Mwenge wa Uhuru leo Juni 13, 2022 kutoka mkoani Kilimanjaro katika hafla iliyofanyika katika viunga vya Mererani wilayani Simanjaro.