Utiririshaji majitaka vyanzo vya maji kudhibitiwa vikali

Wafanyakazi wa Bodi ya Maji Bonde la Pangani (PBWB) wakiondoa taka ngumu zinazotupwa Karibu na chanzo cha maji mto Njoro.

Imeelezwa utiririshaji wa majitaka katika vyanzo vya mito ni hatari kwa afya ya binadamu na viumbe hai kwa ujumla huku udhibiti mkali ukitakiwa katika kuhakikisha vyanzo hivyo vinakuwa salama.

Wakizungumza kwa nyakati tofauti tofauti kwenye zoezi la uondoaji taka ngumu katika chanzo cha maji mto Njoro, lililoendeshwa na Ofisi ya Bodi ya Maji Bonde la Pangani (PBWB) wakazi hao walisema wamekuwa wakishuhudia baadhi ya wananchi wakijenga nyumba zao karibu na vyanzo vya maji ukiwemo mto Njoro, na kutirirsha majitaka kwa kuyaelekeza kwenye mto huo.

Elieneza Dhahabu Mmbwambo, alisema kutoweka kwa  baadhi ya viumbe hai, kwenye maeneo mengi ya vyanzo vya maji katika Manispaa ya Moshi, yameathiriwa  kutokana na ukame wa mara kwa mara,  ikiwemo uchafuzi wa mazingira unaotokana na shughuli za kibinadamu ndani ya vyanzo hivyo vya maji.

Wafanyakazi wa bonde la Pangani, kuzoa taka ngumu kutoka chanzo cha maji mto Njoro.

“Wako baadhi ya akina mama ambao hawataki kulea watoto wao, wanapojifungua wamekuwa wakija nyakati za usiku na kutupa vichanga vyao katika mto huu, huku wengine wamekuwa wakija kutupa hata mizoga ya mbwa pamoja na uchafu wa kila aina wakijua kwamba eneo hilo ni sehemu salama, ,”alisema Mmbwambo.

Mmbwambo alisema uchafuzi huo umeendelea kuongezeka kwa kasi na kuathiri maji, hewa pamoja na ardhi na hivyo kuhatarisha usalama wa afya ya binadamu na mazingira kwa ujumla wake.

“Juzi tumekuta kuna  kitoto kichanga kimetupwa katika mto huu, tukapiga simu polisi ambapo walikuja  na kukiondoa kichanga hicho kikiwa tayari kimeshafariki na wanawake hawa wamekuwa wakitupa nyakati za usiku watu wakiwa wamelala,”alisema.

Mkazi wa Njoro Alawi Jumanne, alisema wengi wanaotupa taka taka na kutiririsha maji katika mto huo ni wale ambao wanaishi karibu na chanzo vyanzo vya maji, kwani wengi wao hawataki kuchangia gharama za kulipia maji taka Mamlaka ya Maji safi na Mazingira mjini Moshi (MUWSA) na hivyo kuamua kuelekeza uchafu huo kwenye mto hiyo.

Kwa upande wake Mhandisi Selemani Mdee kutoka Bodi ya Maji Bonde la Pangani (PBWB), aliwataka wananchi kutoa ushirikiano wa kutosha wa kuwatolea taarifa wananchi wanaojihusisha na shughuli za uchafuzi wa mazingira katika mito na vyanzo vya maji ikiwemo utupaji taka, ili watu hao waweze kukamatwa na kufikishwa katika vyombo vya kisheria.

“Unapotupa taka ngumu kwenye vyanzo vya maji, zingine zinakuwa na kemikali zenye sumu ndani yake, hivyo nitoe wito kwa wananchi kutokutupa taka taka katika vyanzo vya maji, lakini pia kutokujenga makazi karibu na vyanzo vya maji,”alisema Injinia Mdee.

Alisema katika zoezi hilo la uondoshaji taka ngumu zilizokuwa zimetupwa katika mto Njoro zaidi ya tani mbili waliweza kuziondoa na kwamba kama taka taka hizo zingeendelea kuwemo katika mto huo viumbe maji wangeweza kufa lakini pia hata viumbe hai wengine wangeweza kupotea kabisa duniani.

Afisa Mazingira Bonde la Pangani (PBWB) Mhandisi Arafa Maggidi, aliyejishika mikono kiunoni, akiangalia uchafu wa taka ngumu zinazotupwa katika mto Njoro na wakaazi wa maeneo hayo waliojenga nyumba katika na mto huo.

Naye Mtaalamu wa maji Juu ya Ardhi Mhandisi Anna Kiondo, aliwataka wananchi kuzingatia Sheria ya Mazingira inayozuia kufanya shughuli za kibinadamu pamoja na kujenga kwenye maeneo yote ya vyanzo vya maji ndani ya mita 60.

“Tunawataka wananchi  kuzingatia Sheria ya Usimamizi wa Rasilimali za Maji ya mwaka 2009 kifungu cha 11 ambayo  inapiga marufuku wananchi kufanya shughuli zozote za kibinadamu zenye kuhatarisha usalama wa maji na uchafuzi wa mazingira kwenye maeneo yanayozunguka vyanzo vya maji,”alisema Injinia Kiondo.

Mkurugenzi Mkuu wa Baraza la Taifa la Hifadhi na Usimamizi wa Mazingira (NEMC) Dkt. Samuel Gwamaka mara nyingi amekuwa akikaririwa na vyombo vya habari, akiwataka wananchi na jamii kwa ujumla wake kuheshimu sheria ya mazingira hasa kufanya ujenzi ndani ya mita 60 kutoka vyanzo vya maji, kwani maeneo ya mito na mabonde kisheria ni maeneo yanayo milikiwa na bonde la maji ambao wao wanawajibika kuhakikisha ustawi wa mazingira katika maeneo hayo.

Dkt. Gwamaka amesema kuwa sasa hivi kumetokea tatizo la wananchi kujenga ndani ya mita 60 kutoka vyanzo vya maji ambayo kisheria ni makosa makubwa. Hata hivyo ujenzi wa ndani ya mita sitini husababisha athari kubwa sana kwa wananchi wenyewe na kimazingira.

“Kutokana na athari kubwa zinazojitokeza sisi kama Taasisi tunaendelea kuelimisha jamii kuwa kujenga ndani ya mita sitini unajiweka katika eneo hatarishi kwa mafuriko. Mbali na hayo mafuriko kama sasa hivi kumekuwa na tatizo la watu kutupa taka ndani ya mito, hivyo utakuwa sehemu ya dampo na hata ustawi wa mazingira unaharibika kwa ujumla wake”

Ameendelea kusisitiza kuwa ustawi wa mazingira una haribika kwa mfano katika maeneo ya bahari tunaustawi mkubwa sana wa mikoko ambayo ni hazina ya Taifa ambayo hutakiwi kuikata kwa sheria ya misitu kwa maana hiyo katika maeneo kama hayo hutakiwi kujenga wala kuendeleza kitu chochote

“Sisi kama Baraza tunachukua hatua hasa tunapogundua mwananchi amejenga ndani ya maeneo ya mikoko na kunabaadhi wameshitakiwa ambao wamejenga ndani ya mikoko lakini kubwa zaidi ni kuelimisha wananchi, sehemu kubwa ya wananchi hawaelewi hizi sheria sasa Baraza lipokwenye mkakati wa kuhakikisha kwamba kupitia.