Gerald Pique kuachwa Barcelona msimu ujao?

Gerald Pique

Nyota wa Barcelona Gerald Pique ameahidi kuwa atayaweka maisha yake binafsi pembeni ili kujikita zaidi katika soka baada ya kocha wake Xavi kumweleza kuwa hatakuwa na nafasi kwa msimu ujao.

Maisha binafsi ya Pique nje ya uwanja yamekuwa gumzo kubwa kila kona kufuatia kuachana na mpenzi wake waliyedumu kwa takribani miaka 11 ya mahusiano.

Shakira ambaye ni raia wa Colombia alifikia uamuzi wa kuachana na Pique kutokana na tetesi kuwa mlinzi huyo wa kati wa miamba hiyo ya Katalunya ana mpenzi mwingine katika viunga vya Barcelona.

Nyota huyo wa Hispania majuma kadhaa yaliyopita alielezwa kuwa hatakuwa na nafasi katika kikosi kutokana na tabia zake mbaya nje ya uwanja zinazochafua sura ya klabu hiyo na timu ya taifa.

Xavi alimweka wazi kuwa hatakuwa na nafasi kwa miamba hiyo hata kama waliwahi kuhudumu wote pamoja kwa mafanikio katika klabu hiyo.

Hata hivyo Pique mwenye umri wa miaka 35 anasisitiza kuwa yeye bado ni chagua la kwanza la kocha Xavi.

Shakira, Pique na watoto wao enzi za mahusiano yao.