Prof. George Wajackoyah ni nani?

Profesa George Wajackoyah

Ni mwanasiasa msomi. Profesa Wajackoya ana umri wa miaka 61 ana shahada ya uzamili katika sheria kuhusu maendeleo kutoka Chuo Kikuu cha Warwick na shahada ya uzamili, sheria (sheria za Marekani kutoka Chuo Kikuu cha Baltimore.

Wajackoyah anawania kiti cha urais kwa tiketi ya Chama cha Roots.

Alihudumu kama Inspekta katika idara ya usalama ya Special branch wakati wa utawala wa marehemu Rais Daniel Moi kabla ya kulazimika kutorokea ng'ambo ili kuepuka kufunguliwa mashtaka na mamlaka.

Yeye ni mshirika katika kampuni ya mawakili aliyoianzisha mwaka wa 2018.

Alifundisha somo la sheria na uchumi katika vyuo vikuu vya Marekani, Uingereza na Kenya.

Ahadi zake endapo atapita kuwa Rais wa Jamhuri ya Kenya

Kuhalalisha matumizi ya kiviwanda ya bangi, Kubadilisha siku za kazi hadi Jumatatu hadi Alhamisi  na kutoa huduma ya afya ya bure na msaada kwa wazee, walio hatarini na wajawazito.