Gerard Soete apewe sifa kwa kulitunza jino la Lumumba?

 

Patrice Lumumba

Gerard Soete

Wafuatiliaji wa masuala ya kisiasa huenda wakajiuliza ni vema kumpa sifa japo kidogo kwa mwanajeshi, mwandishi wa vitabu na Mwalimu wa Ubelgiji Gerard Soete kwa kulihifadhi jino la dhahabu la mwanasiasa aliyeipambania Jamhuri ya Kidemokrasia ya Kongo kutoka katika makucha ya Ubelgiji  Patrice Lumumba au aachwe hivyo hivyo? Hapo wanatofautiana katika utoaji wa maoni hayo.

Soete kwa sasa hayupo duniani baada ya umauti kumkuta miaka 38 baada ya kutekeleza mauaji ya Lumumba mnamo mwaka 1961.

Baada ya kutekeleza mauaji ya Lumumba Soete alisalia nchini humo kwa miaka 10 enzi za utawala wa Mobutu Sese Seko kisha akarudi Bruges alifanya kazi ya ualimu wa lugha katika Chuo cha Mt. Leo

Alizaliwa Januari 29, 1920 huko Pittem nchini Ubelgiji na kufariki dunia Juni 9, 1999 katika viunga vya Sint Kruis, Bruges katika jimbo la West Flanders nchini humo kwa kile kinachoelezwa ugonjwa wa moyo.

Mjadala huo mpana unakuja wakati sherehe rasmi za maziko kwa jino la Lumumba zimefanyika Juni 30, 2022 kwenye mji mkuu wa taifa hilo Kinshasa.

Mabaki hayo ya jino ni ya waziri mkuu wa kwanza wa nchi hiyo ya Kiafrika, ambaye aliuawa mwaka 1961 na waasi waliotaka kujitenga kwa kushirikiana na mamluki wa Ubelgiji.

Mwili wake uliyeyushwa kwa asidi lakini afisa huyo wa polisi wa Ubelgiji alilihifadhi jino hilo kama kombe la dunia.

Alipigwa risasi na kuuawa  mwaka 1961 na mamluki waliokuwa wakiunga mkono kwa siri utawala wa ukoloni wa Kibelgiji, mwili wake ulizikwa katika kaburi fupi.

Kisha mwili wa Lumumba uliondolewa tena katika eneo hilo na kusafirishwa  kilomita 200 (maili 125 ) kisha akazikwa tena, haikutosha mwili wake ulifukuliwa na kukatwakatwa vipande  na kutumbukizwa kwenye aside ambako uliteketea wote. 

Kamishna wa polisi wa Ubelgiji, Gerard Soete, ambaye alisimamia na kushiriki katika kuangamiza mabaki alichukua jino, alikiri baadaye.

Pia alizungumzia kuhusu jino la pili na vidole viwili vya maiti, lakini hivi havikupatikana.

Kilichopo kwa sasa, mipango inafanyika kwa ajili ya kulirejesha jino lake kwa familia yake katika sherehe itakayofanyika katika mji mkuu wa Ubelgiji Brussels.

Soete ambaye alitunza vipande vya  mwili ilielezea pia kuhusu tabia ya maafisa wa kikoloni wa Ulaya ya kurejesha masalia ya mwili nyumbani baada ya miongono kama kipindi cha kukumbuka kuwa kila mtu lazima atakufa.

Je, wewe una maoni gani kuhusu Gerard Soete aliyeamua kulitunza jino hilo?

Jino la dhahabu la Patrice Lumumba