Uchache wa Wateja kikwazo Uwanja wa Ndege Moshi

Serikali imesema haitaweza kuufanyia ukarabati uwanja wa ndege wa Moshi kutokana na idadi ndege ya wateja wanaoumia ukilinganisha na viwanja vingine nchini.

Hayo yalizungumza na Naibu Waziri wa Maliasili na Utalii Constantine Kanyasu  hivi karibuni katika mkutano wa wadau wa utalii kanda ya kaskazini uliofanyika katika Ofisi za Mkuu wa Mkoa Kilimanjaro mjini Moshi.

Kanyasu alisema Kanda ya Kaskazini kwa asilimia zaidi ya 80 inasaidia katika kukuza utalii hasa ikizingatiwa watalii wengi wanaoingia nchini wamekuwa wakivutiwa na vivutio vilivyoko.

Aidha Kanyasu alisema, “ Ukarabati wa Uwanja wa Ndege wa Moshi unaweza kufanyika endapo tu idadi ya watu inadhirisha, ukiangalia ndege inaweza kutua hapo ina abiria wawili tu hali ambayo inakwaza kuutazama ukilingalisha na viwanja vingine nchini.”

Naibu Waziri huyo alisisitiza kuwa umbali uliopo kati ya Uwanja wa Kimataifa wa Kilimanjaro (KIA) na ule wa Arusha ni mfupi mno hivyo mteja anaona afadhali kukodi basi au taxi limpeleke kwa ajili ya kwenda kwenye vivutio.

Hata hivyo Kanyasu aliongeza kwamba Serikali itaanza kuungalia upya endapo idadi ya wateja itaongezeka katika uwanja huo.

Katika mkutano huo wa wadau wa Utalii uliongozwa na Mwenyekiti ambaye ni Mkuu wa Mkoa wa Kilimanjaro Dkt. Anna Mghwira ambao ulihudhuriwa na Mkuu wa Mkoa wa Arusha Mrisho Gambo na viongozi wengine serikali kutoka Uhamiaji na Polisi. 

Kwa upande wake Mkuu wa Mkoa wa Arusha alisema sekta ya utalii inapaswa kuangaliwa kwa jicho la tofauti kutokana na mwaka wa fedha wa serikali na muda ambao watalii wanaingia kwa wingi ambao ni mwezi Machi, hali ambayo imekuwa ikizidisha changamoto katika sekta hiyo.

Gambo alisisitiza serikali imeanza kuiangazia kwa umakini sekta hiyo katika kanda ya kaskazini ili kuondoa changamoto zilizopo kwani utalii uliopo katika kanda hiyo ndio unaochangia kukua mikoa hiyo.