MAKTABA YA JAIZMELA: Shinzo Abe ni nani?

Septemba 21, 1954 alizaliwa mwanasiasa na Waziri Mkuu wa sasa wa Japan Shinzo Abe. 

Leo anatimiza miaka 65 tangu alipoliona jua. Alizaliwa jijini Tokyo. Abe ametoka katika familia ya kisiasa na kijeshi kwani mababu zake waliwahi kuwa wanasiasa na wanajeshi wakati wa vita vya pili vya Dunia (WWII). Kwa asili familia yake imetokea Yamaguchi mojawapo ya mji ambao una historia kubwa nchini Japan. Mara ya kwanza Abe kuonekana katka siasa za Japan ilikuwa ni mwaka 1993 alipochaguliwa kuwa mwakilishi katika Baraza la Wawakilishi kutoka Yamaguchi. Hatua hiyo ilikuja baada ya kifo cha baba yake mwaka 1991. Abe alishinda kwa kura nyingi. Pia Abe amewahi kushika nyadhifa za ndani ya  serikali ya Japan kati ya mwaka 2000 na 2003. Aliwahi pia kushika wadhifa wa Katibu Mkuu wa Chama cha Liberal Democratic (LDP). Akiwa na umri wa miaka 52 hiyo alichaguliwa kuwa Waziri Mkuu wa Japan. Hiyo ilikuwa Julai 14, 2006 alipoweka rekodi ya kwanza taifa hilo kuwa na Waziri Mkuu mwenye umri mdogo baada ya Fumimaro Konoe aliyeshika wadhifa huo mwaka 1941. Wadhifa huo aliushika kwa mwaka mmoja hadi 2007. Mnamo Desemba 26, 2012 Abe alichaguliwa kuwa Waziri Mkuu wa Japan kwa kura 328 kati ya 480 ya wabunge.