 |
| Dmitry Medvedev |
Septemba 14, 1965 alizaliwa
Rais wa zamani wa Russia Dmitry Medvedev
ambaye ni mwanasiasa aliyehudumu kama waziri mkuu wa Russia tangu mwaka 2012.
Medvedev alihudumu kama Rais wa taifa hilo kubwa ulimwenguni mwaka 2008 hadi 2012. Kiongozi huyo amekuwa
akichukuliwa kama mpenda uhuru na usawa katika jamii kuliko Rais wa sasa wa taifa
hilo Vladmir Putin. Wawili hawa wamekuwa wakichukuliwa kama waendeshaji wa
demokrasia ya Tandem kwani wakati wa utawala wa Medvedev, Putin alikuwa Waziri
Mkuu na sasa Rais ni Putin na Medvedev ndiye Waziri Mkuu. Medvedev alizaliwa
Leningrad, USSR. Baba yake aliyefahamika kwa jina la Anatoly Afanasyevich
Medvedev (1926 – 2004), alikuwa mhandisi wa masuala ya Kemia katika Taasisi ya
Teknolojia ya Leningrad. Mama yake anayefahamika kwa jina la Yulia Veniaminovna
Medvedeva (Novemba 21, 1939) mwalimu katika chuo kikuu cha Herzen ambapo
baadaye alifanya kazi kama muongozaji wa watalii. Wazazi wake walijaliwa kupata
mtoto mmoja ambaye ni Dmitry Medvedev. Akiwa mtoto Medvedev alikuwa akipenda
kujisomea na kusoma vitabu. Mwalimu wake wa kwanza aliyefahamika kwa jina la
Vera Smirnova alimweleza Medvedev kuwa
ni mtoto mwenye akili aliyependa kuuliza kile asichokijua. Baada ya muda wa
masomo kumalizika alikuwa akitumia muda kucheza na wenzake kabla hajaenda kumalizia kazi alizopewa na
mwalimu. Hata hivyo Medevedev aliwahi kukaririwa akisema hakuna mwaka aliuona
mgumu katika masomo kama mwaka 1982 wakati wa mitihani yake ya mwisho.
Tukiangazia upande wake wa kisiasa alipokuwa Rais wa Russia alikuwa akijitahidi
kuipeleka Russia katika ukisasa ili kuufanya uchumi wa taifa hilo kukua huku
akijikita katika masuala ya mafuta na gesi. Enzi za utawala wake ndipo
kuliposhuhudiwa mkataba baina ya Russia na Marekani kuhusu kupunguza matumizi
ya nyuklia uliposainiwa. Pia Russia iliibuka mshindi wakati wa vita yake na
Georgia na uchumi ulirudi mahali pake huku akipambana vikali dhidi ya rushwa.
0 Comments:
Post a Comment