MAKTABA YA JAIZMELA: Petro Poroshenko ni nani?

Septemba 26, 1965 alizaliwa mwanasiasa na mfanyabiashara wa Ukraine ambaye alikuwa Rais wa tano wa taifa hilo, kati ya mwaka 2014 hadi 2019.

Alizaliwa mjini Bolhrad wakati huo ikiwa sehemu ya Urusi ya zamani (USSR). Baba yake alifahamika kwa jina la Oleksij Poroshenko alikuwa mhandisi na baadaye alikuja kuwa afisa wa serikali ambaye alisimamia viwanda mbalimbali katika USSR eneo la Ukraine. Mama yake alifahamika kwa jina la Yevguenia Grigorchuk ambaye alizaliwa 1937 na kufariki dunia mwaka 2004 alikuwa ni mhasibu ambaye alikuwa akifundisha katika shule za ufundi. Poroshenko alikulia katika mjini Bendery ambako baba yake alikuwa akijenga kiwanda. Tangu akiwa mtoto alikuwa akicheza sana za mapigano katika Judo na Sambo. Licha ya kuwa na matokeo mazuri katika michezo hiyo lakini hakupewa medali ya dhahabu wakati akihitimu masomo yake kutokana na tabia yake. Baada ya kupambana na wanajeshi wa Kisoviet na kuwashinda alipelekwa katika jeshi huko Kazakh ambako ilikuwa sehemu ya Umoja wa Kisoviet. Mnamo mwaka 1989 Poroshenko alihitimu shahada yake ya uchumi katika masuala ya Kimataifa katika chuo kikuu cha Kiev. Wakati akisoma masomo hayo alisoma na Rais wa zamani wa Georgia na Gavana wa Mkoa wa Oder Blast Mikheil Saakashvili. Poroshenko alimwoa mwanafunzi wa masuala ya udaktari mwaka 1984 Maryna Perevedentseva ambaye alikuwa amemzidi miaka mitatu na kufanikiwa kuzaa watoto watatu. Katika siasa Poroshenko amewahi kuwa Waziri wa Masuala ya Kigeni kati ya mwaka 2009 na 2010 pia Waziri wa Biashara na Maendeleo ya Uchumi mwaka 2012. Kutoka mwaka 2007 hadi 2012 Poroshenko alikuwa Mkuu wa Baraza la Benki Kuu ya Ukraine. Poroshenko amekuwa miongoni mwa wafanyabiashara wenye mafanikio makubwa na vitega uchumi nchini Ukraine. Mei 25, 2014 alipita katika duru ya kwanza ya uchaguzi akipata asilimia 54.7 ya kura, ushindi huo ulimfanya asiende katika duru la pili katika kinyang’anyiro hicho.  Katika kipindi cha pili Poroshenko alishindwa mbele ya mchekeshaji Volodymyr Zelensky akipata asilimia 24.5 ya kura katika duru la pili la kinyang’anyiro hicho.