MAKTABA YA JAIZMELA: Bashar al-Assad ni nani?

Septemba 11, 1965 alizaliwa Rais wa sasa wa Syria na Amiri jeshi mkuu wa vikosi vya jeshi la Syria, Katibu mkuu wa chama tawala cha Ba’ath na Katibu wa Kanda wa tawi la chama hicho nchini humo Bashar Hafez al-Assad. 

Alizaliwa mjini Damascus katika familia maskini. Baba yake aliyefanikiwa kufufua Tawi la Chama cha Kiarabu cha  Kisoshalisti cha  Ba’ath nchini Syria ambapo baada ya mapinduzi ya mwaka 1970 aliingoza nchi hiyo. Ufanisi  na umakini  wa  Hafez al-Assad  katika historia ya Syria  kama kiongozi ndiyo uliompa jina la Simba katika  mataifa ya Kiarabu. Alipata elimu ya msingi na sekondari katika  shule yenye mchipuo wa lugha za Kiarabu-Kifaransa  ya Al-Hurriya katika mji wa Damascus. Mwaka 1982 alihitimu sekondari na kwenda kusomEa ufamasia na matibabu katika Chuo Kikuu cha Damascus. Mwaka 1988, Bashar al  Assad alihitimu kozi hiyo na  kufanya kazi kama daktari katika hospitali ya Jeshi “Tishrin” iliyoko nje kidogo ya  mji wa Damascus. Miaka minne baadaye, alikwenda Uingereza  kuanza mafunzo shahada ya uzamili Kitengo cha  Ophthalmology  katika Hospitali ya Western Eye sehemu ya hospitali za kufundishia za St. Mary jijini London. Bashar  Al Assad wakati  huo alikuwa hana matarajio makubwa  ya kuwa mwanasiasa ambapo kaka yake, Bassel al-Assad, alitarajiwa kama rais wa baadaye, lakini hakutangaza dhamira hiyo. Mwaka 1994,  Rais  Bashar  aliitisha kikao cha na jeshi baada ya  kifo cha kushtukiza cha kaka yake,  Bassel kilichosababishwa na ajali ya gari. Muda mfupi baada ya kifo cha Bassel, Hafez Assa, baba wa Rais wa Syria  alimtangaza Bashar Al Assad kama mrithi wa Utawala wake. Rais Bashar Assad aliandaliwa utaratibu maalum wa kutambulishwa uliokuwa katika awamu tatu. Kwanza alimpeleka jeshini, pili picha yake ilitambulishwa kwa umma na tatu alikaimu madaraka kama kiongozi wa Syria baada ya kifo cha baba yake mwaka 2000. Baada ya kifo cha baba yake, mwaka 2000 Bashar aliteuliwa kuwa kiongozi wa Chama cha Ba’ath na Jeshi, na alichaguliwa kuwa rais bila kupingwa katika Bunge la nchi hiyo kwa kupata asilimia 97.2 ya kura. Sanjali  na kazi yake ya kijeshi, Bashar alikuwa mshiriki mkubwa katika masuala ya umma. Alipewa mamlaka kubwa kama mshauri wa kisiasa kwa Rais Hafez al-Assad, mkuu wa ofisi ya kupokea malalamiko ya rufaa ya wananchi, na pia aliongoza kampeni dhidi ya rushwa. Mei 27,  2007 Bashar aliapitishwa kama rais kwa kipindi kingine cha miaka saba, pamoja na matokeo rasmi ya asilimia 97.6 ya kura za maoni. Baada ya kushika madarala alibadilisha maisha ya watu wa Syria tofauti ya wakati wa baba yake kisiasa na kiuchumi. Bashal al Assad amekuwa na uhusiano wa karibu na mataifa ya China na Urusi kutokana na uwekezaji mkubwa wa mafuta ndani ya nchi yake, lakini pia uhusiano mdogo na uliotetereka kwa jumuiya ya nchi za kiarabu na mataifa ya Magharibi. Kutokana na upepo wa mabadiliko katika mataifa ya kiarabu  ulioanzia Tunisia, Serikali ya rais Bashar  al Assad haikusalimika  katika mabadiliko hayo. Januari 26, 2011 Wasyria waliandamana kupinga uongozi wake. Wito wa waandamanaji hao ni kutaka mageuzi ya kisiasa  na kurejeshwa kwa haki za kiraia, pamoja na kuondolewa kwa sheria ya hali ya hatari ambayo imedumu tangu mwaka 1963. Mnamo Juni 2014 Assad alikuwa kwenye orodha ya maofisa wa serikali ulimwenguni waliokuwa wakitafutwa kwa uhalifu wa kivita na mahakama ya Kimataifa ya Uhalifu wa Kivita ya ICC. Assad aliitolea nje mahakama hiyo na kuikosoa serikali ya Marekani kwa kuingilia masuala ya ndani ya Syria. Assad anaongea lugha ya kiingereza vizuri na kifaransa kile cha kuongea. Alipokuwa katika shule ya Al Hurriyah jijini Damascus alijifunza Kifaransa na Kiarabu. Desemba 2000 alimwoa Asma ambaye ni raia wa Syria mwenye asili ya Uingereza pale Acton jijini London. Mnamo mwaka 2001 mkewe alimzaliwa mtoto wa kwanza ambaye alimwita Hafez likiwa ni jina la babu yake. Hafez al-Assad. Mnamo mwaka 2003 alimzalia tena mtoto wa kike waliyempa jina la Zein na mwaka 2004 alizaliwa Karim.