MAKTABA YA JAIZMELA: Marvin Gaye ni nani?

Aprili 1,  1984 alifariki dunia mwanamuziki, mwimbaji, mtunzi wa nyimbo na prodyuza wa Marekani Marvin Gaye. Huyu aliisaidia sana kuitengeneza Motown miaka ile ya 1960, katika nafasi ya mbalimbali za uimbaji lakini baadaye akatuama katika kuchombeza (solo).

Kutokana na umahiri wake katika eneo hilo alipewa majina mengine maarufu kama “Prince of Motown” na “Prince of Soul.” 

Mchana wa Aprili 1, 1984 katika nyumba ya familia huko West Adams jijini Los Angeles, Gaye aliingia kuamua ugomvi baina ya wazazi wake na baadaye alipambana na baba yake Marvin Gaye Sr.

Akiwa chumbani kwake majira ya saa 6:38 mchana (PST) baba yake alimtandika risasi ya kifuani ambayo iliingia katika moyo na kutokezea katika bega la kushoto. Saa 7:01 mchana (PST) ilitangazwa kuwa Gaye amefariki dunia. Mwili wake uliwasili katika Hospitali ya California.

Gaye alifariki dunia ikiwa ni siku moja tu ya kumbikizi ya miaka 45 ya kuzaliwa kwake. Baada ya mazishi ya Gaye mwili wake ulichomwa katika  viunga vya Forest Lawn Memorial Park huko Hollywood Hills na majivu yake yalitupwa katika bahari ya Pasifiki.

Baada ya kifo chake Baba yake alihukumiwa kwa kesi ya mauaji lakini baadaye ilipunguzwa hadi kuwa voluntary manslaughter baada ya uchunguzi uliofanywa katika ubongo.

Marvin Gaye Sr. alihukumiwa miaka sita jela na alifariki dunia mnamo mwaka 1998 akiwa nyumbani kwake.

Wakati anazaliwa alipewa jina Marvin Pentz Gay Jr. Aprili 2, 1939 katika Hospitali ya Freedman jijini Washington kwa baba yake ambaye alikuwa mtumishi wa kanisa Marvin Gaye Sr na mfanyakazi wa ndani Alberta Gay.

Gaye alimwoa mwanadada Anna Gordy ambaye alikuwa dada wa mwanzilishi wa Motown Records Berry Gordy III mnamo June 1963. Wawili hao walikuwa wadaawa ilipofika mwaka 1973 lakini hati kamili ya kuwa wadaawa ilitolewa Novemba 1975 na rasmi mahakama ilithibitisha kuachana kwa wawili hao mnamo mwaka 1977.

Gaye alimwoa Janis Hunter October 1977 lakini wawili wao waliachana miaka miwili baadaye, rasmi walikuwa wadaawa Februari 1981. Gaye alizaa watoto watatu. Kazi zake kali akiwa na Motown "Ain't That Peculiar", "How Sweet It Is (To Be Loved By You)", na "I Heard It Through the Grapevine".

Pia Gaye alifanya kazi nyingine na  Mary Wells, Kim Weston, Diana Ross, na Tammi Terrell. Mnamo mwaka 1982 alitoa kibao kikali cha "Sexual Healing", ambacho kilimpa kushinda tuzo mbili za Grammy pamoja na albamu nyingi ya Midnight Love.

Pia enzi za uhai wake mnamo mwaka 1983 katika NBA All-Star Game huko Inglewood, California aliimba nyimbo; "The Star-Spangled Banner"; Motown 25: Yesterday, Today, Forever; na Soul Train na hapo ndio ukawa mwisho wa kumuona nyota huyo jukwaani.