Watu 12 wafa maporomoko ya ardhi

BALI, INDONESIA

Mashuhuda wa tukio wakisaidiana na waokoaji kupata manusura wa ajali hiyo. (Picha na Disaster Management Agency: Sutopo Purwo Nugroho)

WATU 12 wamefariki dunia baada ya maporomoko matatu ya ardhi yaliyoambatana na mvua kubwa kudondoka kwenye nyumba ya starehe katika kisiwa cha Bali nchini Indonesia.

Vijiji vitatu katika wilaya ya Kintamani, kwenye miteremko ya Mlima Batur Volcano vimeathirika huku nyumba zikiharibiwa na vifo kutokea akiwamo mtoto wa kiume mwenye mwaka mmoja.

Ofisa wa Wakala wa Maafa na Uokoaji wa taifa hilo Indra Kalak amesema watu kadhaa waliojeruhiwa wamekimbizwa hospitalini. Ofisa huyo ameonya juu ya wakazi wa eneo hilo wanaokaa katika miteremko mikali huku ikitarajiwa mvua kubwa kuendelea wikiendi hii.