Idadi ya Vifo yadaiwa Kufikia 100, Ajali Lori la Mafuta Morogoro, Lita 206 za Petroli zakamatwa

Kamishna wa Oparesheni na Mafunzo Liberatus Sabas amewataka wananchi wanaoishi kandokando  ya barabara kutokuwa na tamaa na kujiepusha na ajali ambazo zinaepukika, pamoja na kuwataka wale wote waliopata majeraha madogo madogo na  kutokomea wasisite kwenda hospitali kwa ajili ya kupatiwa matibabu. 

Ajali hiyo imetokea majira ya asubuhi katika eneo la Msamvu Mkoani Morogoro na hadi sasa Jeshi la polisi,  limekwishakamata lita takribani 206 za mafuta ya petroli , zilizokuwa zimefichwa katika mabanda pembezoni mwa eneo la ajali ilipotokea. Sabas ameitaja idadi ya watu waliofariki katika ajali ya gari iliyoanguka nakulipuka kwa moto Jumamosi Agosti 10, kuwa ni 62 na majeruhi 72. 

ITV imesema idadi ya vifo imefikia 100 jioni hii, huku vyanzo vingine vikidai kuwa idadi hiyo inaweza kuongezeka.