Gary Cahill atua Crystal Palace hadi 2020/21

Klabu ya Crystal Palace imedaka saini ya nyota wa zamani wa Chelsea Gary Cahill kwa mkataba wa miaka miwili. 

Mlinzi huyo wa kati mwenye uzoefu ana umri wa miaka 33 ametua Kusini mwa London baada ya kumalizana na miamba ya Magharibi mwa London. Eagles walitangaza kupata saini ya nyota huyo ili kuimarisha safu ya ulinzi kuelekea kuanza kwa msimu 2019/20. 

Ametwaa mataji mawili ya EPL, moja la Ligi ya Mabingwa Ulaya, mawili ya Ligi ya Europa na Vikombe viwili vya FA akiwa na Blues alikojiunga akitokea Bolton Wanderers January 2012.