KDCJE yaiangukia serikali uchakachuaji wa maziwa

Mkuu wa Mkoa wa Kilimanjaro Dkt. Anna Mghwira akigawa maziwa kwa watoto wa Shule ya Muungano iliyopo Manispaa ya Moshi katika Uzinduzi wa Jukwaa la Maziwa mkoa wa Kilimanjaro Mei 10, 2019.

Wadau wa maziwa wameiomba Serikali kupitia Bodi ya maziwa  na Wizara ya Mifugo kuchukua hatua za kuangalia jinsi ya kudhibiti uchakachuaji wa maziwa unaofanya na baadhi ya wafanyabiashara  ili kulinda afya za Watanzania kwani kwa kufanya hivyo biashara hiyo itakuwa kubwa hata serikali itapata mapato kupitia kodi wanazolipa.

Kauli hiyo imetolewa na  Mwenyekiti wa Muungano wa  vyama vya Ushirika wa Maziwa Mkoa wa Kilimanjaro (KDCJE)  Nancy Manasseh Kidin, wakati alipokuwa akizungumza na wadau wa sekta ya maziwa, mjini Moshi mkaoni Kilimanjaro.

 “Maziwa mengi yaliyopo katika mkoa wa Kilimanjaro yapo katika mfumo usio rasmi licha ya sheria ya maziwa ya mwaka 2003 na 2006 lakini maziwa yanauzwa bila utaratibu,”alisema .

Alifafanua kuwa  "Maziwa ni chakula ni kinywaji, ni lazima yakaguliwe kama ambavyo wataalam wa afya wanavyokagua nyama, lakini kutokana na kutokuwa na usimamizi mathubuti bado maziwa yamekuwa yakiendelea kuuzwa kiholela  jambo ambalo hatari sana kwa walaji," alisema Kidini.

Aidha Mwenyekiti huyo  alisema kuwa kinachokatisha watu wengi tamaa ya kutokunywa maziwa ni kwamba maziwa mengi yanayouzwa katika mfumo usio rasmi si maziwa halisi kwa kuwa wafugaji tayari huwa wamekwisha yachakachua kwa kuongeza maji.

“Maziwa yakishafika kwa wafanyabiashara hupenda kuchukua maziwa hayo  kiasi kidogo na kuchanganya na unga wa ngano kisha wanatia na mafuta kidogo ili kupata utando wa mafuta juu yake,”alisema Kidin.

 Akizungumzia kuhusiana na Muungano huo, alisema  lengo la jukwaa hilo litakuwa  ni kuwaleta wadu wote wa sekta ya maziwa mkoa wa Kilimanjaro  na nje ya  mkoa ili  kuweza kujadili mwenendo mzima wa sekta  ya mazima  ikiwemo changamoto na fursa za kiuwezeshaji katika sekya hiyo ya maziwa.

“Kwa sasa ni sera pia ya serikali ya awamu ya tano, ambayo inawataka wafugaji kujiunga katika vikundi ili iweze kuwahudumia wafugaji wengi kwa pamoja, kwani   serikali haiwezi kumhudumia mfugaji  mmoja mmoja, na kwamba kupitia vikundi, hivyo tunatengeneza ushirika  ili faida  inayokuja iweze kumnufaisha kila mmoja,”alisema Kidin.

Akizungumzia mafanikio ya tangui kuanzishwa kwa Muungano huo alisema kuwa, kwa kushirikiana na wadau wa Maenndeleio wameweza kuwajengea uwezo vyma vya ushirika vya maziwa  viapatavyo 22.

Mafanikio mengine ambayo (JE) imeweza kutoa ni  mafunzo kwa vyama wanachama ya utunzaji wa kumbu kumbu  hususan kumbu kumbu ya fedha, ukusanyaji na uuzaji wa maziwa , mfumo wa usammbaji wa vyakula na pembe  jeo bora za ng’ombe wa maziwa , kuunganisha vyama baadhi na masoko ya usindikaji wa maziwa.

Mkuu wa Mkoa wa Kilimanjaro  Dkt Anna Mghwira alisema hali ya unywaji wa maziwa katika mkoa huo sio wa kuridhishsha kwani takwimu zinaonyesha kuwa  mtu mmoja hunywa maziwa chini ya lita 40 kwa mwaka.

"Hali ya unywaji wa maziwa kwa mtu mmoja bado ni kidogo sana ikilinganishwa na kiwango kinachotakiwa cha lita 200 kwa mwaka kwa mujibu wa shilika la Chakula (WHO)

Takwimu zinaonyesha kwamba Kenya inangoza kwa kunywa maziwa , wakifuatiwa na Uganda na Rwanda  licha ya kwamba Tanzania imejaliwa kuwa na mifugoo wengi ambao wanatosheleza kwa mahitaji ya maziwa

Tamasha la Unywaji wa maziwa yaliyosindika mkoani Kilimanjaro liliandaliwa na Maradi wa maziwa kutoka shirika la Maendeleo la Uholanzi SNV, na kuwashirikisha wadau wa sekta ya maziwa kutoka wiya ya Siha na  Hai.

STORY BY: Kija Elias & Jabir Johnson

EDITED BY: Jaizmelanews