Robertinho atimuliwa Simba SC

Klabu ya Simba SC imemtimua kocha wake mkuu Robertinho Pamoja na kocha wa viungo wa timu hiyo Hategekimana baada ya kufikia makubaliano ya pande mbili.

Hatua hiyo inakuja siku mbili tu baada ya klabu hiyo kupokea kichapo cha mabao 5-1 katika mchezo wa Ligi Kuu Tanzania Bara 2023/2024, uliochezwa katika dimba la Benjamin William Mkapa.

Taarifa ya kutimuliwa kwake Roberto Oliviera (Robertinho) ilitolewa na Mkurugenzi Mtendaji wa Klabu hiyo Imani Kajula 

Robertinho ameipokea Simba kutoka kwa Juma Mgunda katikati ya msimu wakati timu ikielekea makundi ya CAFCL, kazi yake ya kwanza ilikuwa ni kuipeleka timu Robo Fainali kwenye kundi lenye klabu kama [Raja, Vipers na Horoya] Robertinho akatoboa.

Kazi ya pili ikawa ni kuivusha Simba kwenda Nusu Fainali ambayo ni nchi ya ahadi kwao, mechi dhidi ya Wydad Casablanca Mnyama akafa kwa matuta King Mohammed V jijini Casablanca, Morocco.