 |
| Sol Campbell |
Mchezaji wa zamani wa Arsenal Sol Campbell ameteuliwa kuwa
kocha mkuu wa klabu ya daraja la pili ya Macclesfield.
Nyota huyo mwenye umri
wa miaka 44 amepewa kandarasi ya miezi 18 kukinoa kikosi hicho.
Sol Campbell
aliyestaafu soka mwaka 2012 anachukua mikoba ya kocha Mark Yates aliyetimuliwa Oktoba
mwaka huu. Kazi hiyo ni ya kwanza kwa mlinzi huyo wa zamani wa timu ya taifa ya
England na Arsenal. Sol Campbell alihusishwa na kuzinoa Oxford United, Oldham na
Grimsby zote za England.
Kabla ya kutua Kaskazini Magharibi mwa England Sol
Campbell alikuwa akifanya kazi na kikosi cha timu ya taifa chini ya umri wa
miaka 21. Sol Campbell anakumbukwa na mashabiki wa London katika uhamisho ambao
haukutarajiwa wa mwaka 2001 kutoka Tottenham kwenda kwa mahasimu wao Arsenal na
kuzua hasira kwa mashabiki na wapenzi wa Majogoo hao wa London.
Enzi za
uchezaji wake Sol Campbell alitwaa mataji mawili ya Ligi Kuu, Vikombe vitatu vya
FA na kikombe kimoja cha Ligi na katika timu ya taifa alicheza fainali tatu za
Kombe la Dunia na kufikisha mechi 73 akiwa na Simba Watatu.
0 Comments:
Post a Comment