Kisenosato apoteza kwa mara ya tatu Kyushu Grand Sumo

Kisenosato akiangushwa na maegashira Hokutofuji Novemba 13 mwaka huu katika michuano ya Sumo ya Kyushu mjini Fukuoka

Mashindano ya Mieleka ya Japan maarufu Kyushu Grand Sumo yameendelea jana Jumanne ikiwa ni siku yake ya tatu kukishuhudiwa Yokozuna Kisenosato akichemsha dhidi ya Hokutofuji. 

Kupoteza kwa mkali namba moja Maegashira kuliongeza shinikizo kwa Yokozuna ambaye amepoteza mara tatu mfululizo. Raia wa Mongolia Yokozuna Hakuho na Kakuryu hawakuwapo kutokana na kuwa majeruhi. Hata hivyo matumaini bado yapo kwa nyota Kisenosato licha ya kuanza vibaya mashindano. 

Kisenosato alimpa mpinzani wake upenyo wa kumsoma hususani upande wa kushoto ambao alionekana kukosa nguvu kwa upande wa juu kisha kumtoa nje ya mstari. 

Hokotufiji alimshinda Kisenosato baada ya kumbana koo kabla ya kumwangusha kwenye udongo. Kisenosato alifanya vizuri katika michuano ya Septemba mwaka huu akishinda 10-5. Mashindano hayo yanafanyika mjini Fukuoka nchini Japan.