Big boss wa Nissan akamatwa kwa ubadhirifu wa fedha

Carlos Ghosn

Waendesha mashtaka wa Japan wamemkamata Mwenyekiti wa Kampuni la Magari ya Nissan Carlos Ghosn kwa kile kinachodaiwa matumizi mabaya ya fedha nchini humo. 

Ghosn amekamatwa baada ya kuhojiwa na waendesha mashtaka wa Japan. Hata hivyo Nissan imesema itatoa taarifa yake baadaye hii leo. Msemaji wa magari ya Renault na Renault-Nissan-Mitsubishi hakuweza kuzungumza chochote baada ya tukio hilo. 

Mwendesha Mashtaka wa Umma katika Ofisi ya Wilaya ya Tokyo hakuzungumza lolote kuhusu kukamatwa kwa mwenyekiti huyo. 

Hisa za Renault zimeanguka jijini Paris kwa asilimia 5.5 ikiwa ni kiwango kibaya kufikiwa kwa makampuni ya hisa barani Ulaya. Juni mwaka huu Renault ambao ni wanahisa pamoja na Ghosn walitoa kiasi cha shilingi bilioni 19 kwa ajili ya fidia ya mwaka 2017. 

Ghosn mzaliwa wa Brazil mwenye asili ya Lebanon na mwenye uraia wa Ufaransa ni mwekezaji mkubwa wa pekee kutoka nje ya Japan. Alianza akiwa na kampuni ya Michelin ya Ufaransa na baadaye akazama Renault. 

Alijunga na kampuni ya Nissan mwaka 1999 baada ya Renault kununua hisa na ilipofika mwaka 2001 alichukua rasmi kuwa Mkurugenzi Mtendaji wa Nissan nafasi aliyodumu nayo hadi mwaka uliopita.