UVCCM Namtumbo yaanza matembezi ya Kilometa 73 kumpongeza SSH

Umoja wa Vijana wa Chama cha Mapinduzi (UVCCM) Wilaya ya Namtumbo umeanza matembezi ya kilometa 73 kwa madhumuni ya kumpongeza Rais Wa Jamhuri Ya Muungano Wa Tanzania Dkt.Samia Suluhu Hassan kwa mambo makubwa ambayo ameyafanya katika wilaya hiyo ikiwemo utekelezaji wa miradi mikubwa ya maendeleo katika sekta za afya,elimu na miundombinu ya barabara.

Aidha matembezi hayo yanampongeza Rais kwa kuwezesha upatikanaji wa mbolea ya ruzuku kwakua  wananchi wa wilaya hiyo wanategemea kilimo katika kujikwamua kiuchumi.

Matembezi hayo yamenza katika ofisi ya CCM mkoa wa Ruvuma na  kukabidhi bendera ya chama na taifa kwa mwenyekiti wa Chama Cha Mapinduzi wilaya ya Namtumbo Komredi Zuberi Lihuwi kama ishara ya kufungua matembezi hayo ya siku tano yatakayofikia kilele chake terehe 20/10/2023 wilayani Namtumbo.