'Songa Mbele' na mapambano ya VVU/UKIMWI kwa walioumia uti wa mgongo

Shirika lisilo la kiserikali linalojihusisha na watu walioumia uti wa mgongo SONGA MBELE, limetoa wito kwa serikali na wadau wake, kulitambua kundi hilo la walemavu kwenye mapambano ya virusi vya ukimwi.

Wito huo umetolewa Desemba 9, 2019 na Mkurugenzi wa shirika hilo Faustina Urassa alisema watu wenye ulemavu wa uti wa mgongo serikali imewaweka kando katika mapambo dhidi ya mapambano ya ugonjwa huo.

“Tupende kuiambia jamii na serikali pia, sisi kama watu wenye ulemavu wa uti wa mgongo tuko tayari  kuwa moja wapo katika jitihada za kupunguza mambukizi ya VVU , lakini jamii imekuwa ikituona sisi wenye ulemavu hatuwezi kupata ukimwi jambo ambalo si kweli,”alisema Urassa.

Katika hatua nyingine Urassa aliitaka serikali na wadau wengine kuwezesha upatikanaji wa takwimu sahihi kwa watu wenye ulemavu zinazoonyesha kiwango cha maambukiziya Ukimwi   kwa watu wenye ulemavu ili kupata muelekeo  wa mapambano ya maambukizi kwa kundi hilo.

“Napenda kutoa wito  kwa mashirika mengine pia na serikali kwa ujumla  tunahitaji kuwepo na takwimu zinazoonyesha kwamba watu wenye ulemavu wanapata maambukizi ya ukimwi kwa kiasi gani,”alisema.

Alifafanua kwamba vijana wengi wameathirika sana hivyo wanapofanya tafiti zao ni vyema wakaonyesha ni kwa kiasi gani kundi la watu wenye ulemavu wameathirika kwa kiwango gani ili waweze kujitambua na kuweza kujikinga dhidi ya ugonjwa huo.

Kwa upande wao washiriki wa semina hiyo iliyoandaliwa na shiurika hilo la SONGA MBELE la UMATI, Adamu Massawe na Joyce Kimario wamesisitiza umuhimu wa elimu ya ukimwi kwa jamii inayoishi  maeneo ya vijijini.

“Tuoimbe Serikali iweze kuongeeza juhudi za kutoa elimu ya ukimwi kwa watu wenye ulemavu, hususan katika maeneo ya vijijini  kwa sababu  wengi elimu  hii haijawafikia  vizuri hasa wenye ulemavu  ambao wako maeneo ya vijijini.

STORY BY: Kija Elias

DATE: 11-12-2019