MAKTABA YA JAIZMELA: John Kerry ni nani?

Desemba 11, 1943 alizaliwa mwanasiasa wa nchini Marekani John Kerry. Jina lake halisi ni John Forbes Kerry ambaye alihudumu kama seneta kwa tiketi ya chama cha Democratic kutoka mwaka 1985 hadi 2013. 

Kerry aliingia katika kinyang’anyiro cha kuteuliwa kugombea urais wa Marekani mnamo mwaka 2004 na baadaye mwaka 2013 hadi 2017 alikuwa Katibu Mkuu kiongozi wa Ikulu ya Marekani wakati wa Utawala wa Rais Barack Obama. 

Kerry alizaliwa katika hospitali ya kijeshi ya Denver nchini Marekani kwa baba yake Richard Kerry aliyekuwa rubani na mwanadiplomasia wa Marekani na mama yake Rosemary Forbes Kerry ambaye alikuwa mtoto wa familia ya kitajiri ya Forbes iliyokuwapo huko Boston kutoka katika uzao wa John Winthrop aliyekuwa gavana wa kwanza wa Massachussets Bay. 

Kerry alisoma huko New England na Uswisi na akapata mafanikio makubwa akiwa shuleni na mwanamichezo kabla hajaingia katika siasa. 

Baada ya kumaliza chuo kikuu cha Yale mwaka 1966 alikuwamo katika orodha ya wanajeshi wa majini na hivyo aliungana na wanajeshi wengine katika vita vya Vietnam akiwa ofisi wa boti ya kivita katika Delta ya Mekong. 

Alirudi nchini Marekani mwaka 1969 akitokea Vietnam na kutunukiwa cheo cha Luteni na Nyota ya Fedha, Nyota ya Shaba na Nembo tatu za Purple Hearts. Mwaka 1970 alisimama kulitumikia jeshi. 

Alimuoa Julia Throne mnamo mwaka 1970 na uhusiano wake na mwanamke huyo ulikoma mnamo mwaka 1988. 

Mnamo mwaka 1995 alimuoa Teresa Heinz, alikuwa mjane wa John Heinz seneta wa Pennsylvania na mrithi wa Heinz Company. 

Mnamo mwaka 1976 alihitimu katika Shule ya Sheria ya Boston na kuwa mwanasheria msaidizi wa Kaunti ya Middlesex  huko Massachussets. 

Akiwa huko alipata umaarufu mkubwa katika kesi mbalimbali za jinai. Mnamo mwaka 1982 alirudi katika siasa na kuchaguliwa kuwa Luteni gavana wa Massachussets na mnamo mwaka 1984 alishinda uchaguzi wa baraza la Seneti. 

Kerry amechaguliwa mara tatu 1990, 1996 na 2002.