Bwawa la Samaki kuchimbwa Wilaya ya Moshi 2023/24

Halmashauri ya Wilaya ya Moshi katika bajeti yake ya 2023/2024  imetenga kiasi cha shingi milioni 16 kupitia mapato yake ya ndani kwa ajili ya kuchimba bwawa la samaki ambalo litatumika kama shamba darasa ili kukabiliana na uvuvi harama kwenye Bwawa la Nyumba ya Mungu.

Hayo yamebainishwa na Makamu Mwenyekiti wa Halmashauri hiyo Filbert Shayo, kwenye  Maadhimisho ya miaka 10 ya Ushirikiano wa Halmashauri ya Wilaya ya Moshi na Jiji la KIEL  nchini Ujerumani yaliyofanyika katika viwanja vya mji mdogo wa Himo.

Amesema kutokana na uvuvi haramu ulioshamiri katika Bwawa la Nyumba ya Mungu, Halmashauri  hiyo imetenga kiasi hicho cha fedha kwa ajili ya kuchimba bwawa ambalo litatumika kama shamba darasa la wananchi kwenda kujifunza ili waweze kuanzisha mabwawa madogo madogo ya ufugaji wa samaki, ambapo kitoweo hicho kimeonekana kuhitaji katika zaidi katika jamii.

Akizungumzia miaka 10 ya ushirikiano kati ya halmashauri hiyo na Jiji la Kiel- nchini Ujerumani  Shayo amesema yako mafanikio makubwa ambayo halmashauri hiyo imeweza kunufaika nayo hususan katika nyanja ya elimu, afya, maji na mazingira.

Kwa upande wake Makamu Meya wa mji mdogo wa Himo Richard Njau, amesema  mahitaji ya ulaji wa samaki yameongezeka ukilinganisha na upatikanaji wa  kitoweo hicho kuwa kubwa.

Naye Mwenyekiti wa mji mdogo wa Himo  Robert Karisti amesema mahitaji ya ulaji wa samaki katika mji wa himo ni makubwa hivyo ameipongeza halmashauri ya wilaya ya Moshi  kwa kuja na wazo la kuchimba bwawa la samaki kwenye eneo hilo.

Mwaka 2013 Jiji la KIEL-Ujerumani na Halmashauri ya Wilaya ya Moshi walianzisha Mahusiano na kuingia Mkataba wa Kwanza wa Ushirikiano  katika kutembeleana na kupanga mipango mbalimbali ya Maendeleo hususani  kwenye sekta za Afya, Elimu na Usafi na Mazingira.

Read More

Wagonjwa wa Marburg marufuku kufanya tendo la ndoa

 

Baada ya serikali ya Jamhuri ya Muungano wa Tanzania kuthibitisha visa vya wagonjwa wa Marburg mkoani Kagera ambako watu  watano kati ya wanane walifariki dunia kutokana na virusi  vya homa ya Marburg, sasa wa imebainika kuwa wagonjwa wa homa hiyo wanapaswa kujizuia kufanya tendoo la ndoa kwa mwaka mmoja.

Akizungumza na Jaizmela News Mkurugenzi mtendaji wa Hospitali Maalum ya Magonjwa Ambukizi Kibong’oto Dk. Leonard Subi, alisema, “Popo ambao wanapenda kuishi kwenye maeneo ya mapango na wanyama wengine kama swala, nyani na nguruwe wanaweza kuwaathiri binadamu kutokana na kuwa karibu na mnyama lakini pia kula nyama yake.”

Aidha Dk. Subi aliongeza, “ Unapoingia kwa binadamu virusi hivyo vinaweza kumwambukiza mtu mmoja hadi mwingvine kwa kugusana, kushikana mikono, majasho, mikono au kujami.”

Katika suala la kujamiana (kufanya tendo la ndoa) Dk. Subi alisema, “ sisi hatuzuii kujamiana kama watalaamu tunakushaurui njia nzuri ya kujamiana ili usimwambukize mwenza wako, kwanza kwa kufanya ufuatiliaji, mtu mwingine anaweza kuathirika kwa virusi vya Marburg bahati nzuri akapona sife, lakini bahati mbaya pia akaendelea kufanya tendo la ndoa baada ya siku 21 huwa tunamfanyia ufuatiliaji.

Dk. Subi alisisitiza kuwa virusi vya Marburg vinaweza kukaa katika shahawa kwa mwaka mzima hivyo hatari ya kuambukizwa ni kubwa wa waliothirika na wakapona.  

Hata hivyo Dk. Subi alisema Hospitali ya Kibong’oto imeshatuma wataalamu mkoani Kagera kwa ajili ya utafiti huku wengine wakiwa tayari endapo maradhi hayoi yatasambaa nchini.

Shirika la Afya Duniani WHO lilisema, “Mwonekano wa wagonjwa katika awamu hii umeelezewa kuwa unaonyesha sifa za kama mizimu, macho ya ndani,  nyuso zisizo na hisia na uchovu  mwingi.”

Mnamo Machi 21, 2023 Waziri wa Afya Ummy Mwalimu alisema serikali imefanikiwa kuuzuia ugonjwa huo kutoka nje ya mipaka ya ya mkoa wa Kagera.

Ugonjwa huo huambukizwa kutoka kwa mtu mmoja kwenda kwa mwingine au kutoka kwa mnyama kwenda kwa binadamu na unatajwa kutokuwa na tiba bali hutibiwa kwa dalili husika anazokuwa nazo mtu.

Popo wa Matunda aina ya Rousette wa nchini Misri mara nyingi huwa na virusi. Nyani wa kijani kibichi na nguruwe wanaweza kubeba.

Miongoni mwa binadamu huenea kupitia maji ya mwili na malazi yaliyochaful;iwa nao na hata wakipona, damu au shahawa zao, kwa mfano zinaweza kuwaambukiza wengine kwa miezi mingine baadaye.

DALILI ZA MARBURG

Unaanza ghafla na Homa, Kuumwa vibaya kichwa, kuumwa misuli na baada ya siku tatu hufuatwa na kuharisha , kuumwa na tumbo, kichefuchefu na kutapika.

Mkurugenzi mtendaji wa Hospitali Maalum ya Magonjwa Ambukizi Kibong’oto Dk. Leonard Subi, akizungumza na waandishi wa Habari mnamo Machi 28, 2023 mjini Moshi.

Read More

Rais wa WABA ataka bima kwa mabondia

Bondia wa Tanzania na mfalme wa mbwewe na mashauzi Karim Mandonga akitawazwa mshindi baada ya kumzabua kibabe Mkenya Kenneth Lukyumuzi raia wa Uganda katika pambano lililoandaliwa katika ukumbi wa uwanja wa Kasarani. Mnamo Januari mwaka huu Mandonga Mtu Kazi alimlima Mkenya Daniel Wanyonyi katika ukumbi wa KICC na kuapa kuwa atarudi kumzika mtu na hakika amefanya hivyo Machi mwaka 2023.

 

Rais wa Shirikisho la Vyama vya Ngumi Duniani (WABA) amewataka wadau wa ngumi katika mataifa ya Afrika ikiwamo Tanzania kuanza mpango kazi wa kuwa na sheria zitakazowalinda mabondia kabla na baada ya kustaafu ikiwamo mpango wa bima kwa wapiganaji hao.

Akizungumza na Jaizmela News Onesmo Alfred Ngowi alisema tasnia ya ndondi imekuwa ikikabiliwa na changamoto lukuki kutokana na ukosefu wa sheria za kuendesha ngumi za kulipwa.

“Kuna tatizo kubwa sana ambalo linapaswa kutatuliwa kwa haraka zaidi, kwa mfano nchini Tanzania Mfumo wake wa  ngumi hususani wa michezo yote ya kulipwa ni lazima iweze kutungiwa sheria, kwani kwa sasa hivi hakuna sheria ya kuendesha ngumi za kulipwa au michezo ya kulipwa hapa nchini, bali kuna Sera ambayo ilitungwa bila kushirikisha wàdau wote wa michezo ya kulipwa,” amesema Ngowi.

Rais wa World Alliance Boxing Association (WABA)
Onesmo Ngowi 

Ngowi alisema kinachofanyika kwa sasa nchini ni sera tu inayotumika katika kuendesha ngumi za kulipwa.

“Tunaiomba Serikali kupitia Wizara inayohusika na michezo pamoja na taasisi zinazohusika na michezo kupeleka hoja bungeni ya kutungwa kwa sheria itayosimamia michezo ya kulipwa hapa nchini. Sheria hiyo itakapoundwa itakuwa na uwezo wa kusimamia kwa.usahihi tasnia ya ngumi za kulipwa kuanzia Uaandaji, kumlinda bondia mwenyewe, ili aweze kupata haki zake,” ameongeza Ngowi.

Ngowi alisema mapromota walio wengi wamekuwa wakiandaa mapambano ya ndondi na kuwalipa ujira kidogo mabaondia  kutokana na uksoefu wa sheria na mikataba thabiti.

“Lazima kuwe na sheria inayosema mkuzaji (Promoter) anatakiwa.kuwa na sifa zipi , afanyeje ili aweze kuanza kupromoti ngumi, hapa nchini, analindwaje katika sheria hiyo, bondia anapoumia akiwa mchezoni anatakiwa kupata msaada gani, akishastaafu ngumi atakuwa akipata msaada gani,  bondia analindwaje katika mikataba hiyo , viwango vya kutoa fedha kwa  bondia, kucheza katika mapambano zinatakiwa kuanzia viwango gani,” amesema.

Aidha Ngowi aliweka bayana suala la mabondia weusi wanaopambana katika nje ya bara la Afrika kuwa wamekuwa wakinyimwa  fursa nyingi za kushiriki mashindano ya ngumi huku akisisitiza kuwa bado ubaguzi wa rangi michezoni hususani katika ngumi haujatokomea kwa kiwango cha kuridhisha.

Hata hivyo Ngowi alisema uwepo wa WABA umesaidia pakubwa kwa mabondia wa Kiafrika kupata fursa za kushiriki mashindano ya ngumi ikilinganishwa na hapo kabla ya uanzishwaji wa Shirikisho hilo la Vyama vya Ngumi Duniani.

“Mabondia wengi duniani hususan weusi wamekuwa wakitumika kama chombo cha kutengeneza ulaji kwa mabondia wa kizungu, weusi wamekuwa wakiishi maisha ya dhiki sana, mpaka sasa nchi 99 zimmeshiriki katika mapambano ya ngumi tangu kuanzishwa kwa WABA mnamo mwaka 2005.

Ngowi alisisitiza kuwa WABA imekuja na mkakati wa kuwatengenezea bima za maisha, kuumwa, mafao yaoa pindi wanapostaafu waweze kulipwa, lakini pia mabondia watakao kuwa wakishiriki kwenye kwenye mapambano makubwa waweze kupata stahiki zao ili kuweza kuendesha maisha yao na ya familia zao.

Read More

"Twenzetu Serengeti Kilimanjaro Watumishi wa Royal Tour" yazipeleka taasisi 10 za umma kutalii Serengeti

Watumishi wa taasisi mbalimbali za umma mkoani Kilimanjaro katika picha ya pamoja katika Ofisi za Mkuu wa Mkoa wakijiandaa kuondoka kwenda kufanya utalii wa ndani katika Mbuga ya Serengeti wakibeba kauli mbiu ya "Twenzetu Serengeti Kilimanjaro Watumishi wa Royal Tour" kuunga mkono juhudi za Rais Samia Suluhu Hassan.  

Fahari ya Simba katika Hifadhi ya Serengeti

Taasisi 10 za umma mkoani Kilimanjaro zimepelekwa kutalii mbuga yenye maajabu makubwa duniani ya Serengeti ikiwa ni sehemu ya kuunga mkono juhudi za Rais Samia Suluhu Hassan katika kuhamasisha watanzania kufanya utalii wa ndani. 

Hatua hiyo inaelezwa na wadau wa utalii nchini kuwa ni hamasa waliyoipata kutoka kwa Rais wa Awamu ya sita Samia Suluhu Hassan katika kipindi cha miaka miwili tangu alipopokea kijiti kutoka kwa mtangulizi wake Hayati Dk. John Pombe Magufuli. 

Machi 23,2023 Serikali ya mkoa wa Kilimanjaro ilitoa baraka zote zote kwa watumishi hao kwenda Serengeti, kuitambulisha dunia juu ya mazuri yaliyofanywa na rais Samia tangu alipoingia madarakani Machi 19 mwaka 2021. 

Mbuga ya Serengeti yenye ukubwa wa kilomita za mraba 30,000 ipo katika maajabu saba ya Afrika na ipo katika orodha ya maajabu kumi ya vivutio vya asili duniani. 

Zaidi ya watumishi 40  kutoka taasisi mbalimbali za umma mkoani Kilimanjaro, wameanza ziara yao ya kwenda kutembelea hifadhi ya taiafa Serengeti ambayo inatajwa kushika nafasi ya kwanza  kwenye ukusanyaji wa mapato ikifuatiwa na hifadhi ya mlima Kilimanjaro. 

Akiwaaga Watumishi hao Kaimu Katibu Tawala Mkoa wa Kilimanjaro Dk.  Vedasto Makota, amesema Samia amefanya juhudi kubwa katika kuutangaza utalii ndani na nje ya nchi, kitendo walichokifanya watumishi hao ni jitihada za kumuunga mkono rais Samia katika kuhamasisha utalii. 

"Ninyi kama watumishi wa umma mmejenga taswira njema kwa serikali yenu ya kuhamasisha utalii wa ndani, hivyo mtakaporudi tunatarajia mtakuwa mabolozi wazuri wa kuutanza utalii wetu,"amesema Dk. Makota. 

Amefafanua kuwa "Hifadhi ya Taifa ya Serengeti  imejizolea umaarufu mkubwa duniani baada ya Simba mkongwe maarufu "Bob Junior" aliyeuawa na wanae ili kumaliza utawala wake duniani baada ya kuwa mfalme wa nyika akiongoza zaidi ya Simba 3000 walioko katika hifadhi hiyo,"amesema. 

Kwa upande wake Mratibu wa "Twenzetu Serengeti Kilimanjaro Watumishi wa Royal Tour" Rashid Ally Rashi amesema kuwa katika kipindi cha miaka miwili ya uongozi wa Rais Samia yako mafanikio makubwa aliyoyafanya ikiwemo kuondoa kodi kwenye bodi ya mikopo, pamoja na kupandisha madaraja kwa walimu. 

Akizungumza Meneja wa Wakala wa Barabara za Vijijini na Mijini TARURA Mkoa wa Kilimanjaro Mhandisi Nicholas Francis, amesema kuwa Serikali imeweza kuwaongezea bajeti kwa asilimia 185 ambapo TARURA  ilikuwa ikipata shilingi bilioni 9.2 lakini katika bajeti ya  2022/2023 wameongezewa shilingi bilioni 33.19. 

Nao baadhi ya Watumishi wanaoshiriki ziara hiyo Exzaud Mtei, Julia's Kibwana na Basila Mmbaga, wamesema kwenye sekta ya elimu wameshuhudia uboreshaji wa miundombinu ya shule, ikiwemo ujenzi wa shule mpya nyingi nchini kote; hali ambayo imewezesha wanafunzi wengi kupata nafasi ya kupata elimu kuanzia ile ya awali hadi elimu ya juu. 

Aidha wamesema eneo lingine ni kwenye sekta ya utalii, kilimo na afya ambapo wamesema kuongezwa kwa bajeti kwenye sekta hizo chini ya uongozi wa Rais Samia kumewezesha huduma za kijamii kuboreshwa nchini. 

TANESCO, TARURA, MUWSA, POLISI, ARDHI, MALIASILI, ELIMU, AFYA ni miongoni mwa taasisi za umma zinashiriki ziara hiyo katika Mbuga ya Serengeti kwa udhamini wa Zara Tours. 

Read More

RC BABU: Wataalamu wa Afya simamieni kikamilifu ukusanyaji mapato vituo vya afya

Wataalamu wa Afya mkoa wa Kilimanjaro katika picha ya pamoja baada ya ufunguzi wa mafunzo kwa Wakurugenzi watendaji wa halmashauri,  Wafamasia, Waratibu wa maabarq, maafisa.manunuzi na Wataalam waTehama, yanayotolewa na Ofisi ya Rais Tawala za Mikoa na Serikali za Mitaa (TAMISEMI) yanayohusu mfumo wa Kieletroniki wa ugavi wa bidhaa za afya. Mkuu wa Mkoa wa Kilimanjaro aliwakilishwa na Katibu Tawala Dk Vedasto Makota mnamo Machi 23, 2023. (Picha na Kija Elias/KILIMANJARO)

Mkuu wa Mkoa wa Kilimanjaro Nurdin Babu,  amewataka Wataalam wa Afya toka Halmashauri zote za  mkoa huo, kusimamia kikamikifu ukusanyaji wa mapato katika vituo vya kutolea huduma ya Afya ili waweze kuwalipa Washitiri kwa wakati baada ya kupokea shehena ya bidhaa za afya na kuepuka madeni yasiyoyalazima.

Pia mkuu huyo wa  mkoa ametoa maelekezo  kwa Wakurugenzi wa halmashauri zote za mkoa huo, kusimamia kikamilifu afua mbalimbali za mfumo wa ugavi wa bidhaa afya ili kupunguza changamoto zinazotokana na usimamizi mbovu wa bidhaa hizo.

Akizungumza kwa niaba ya mkuu wa mkoa Kaimu Katibu Tawala Mkoa wa Kilimanjaro Dk Vedasto Makota ametoa wito huo Machi 23,2023 wakati  wa ufunguzi wa mafunzo;

Kwa Wakurugenzi watendaji wa halmashauri,  Wafamasia, Waratibu wa maabarq, maafisa.manunuzi na Wataalam waTehama, yanayotolewa na Ofisi ya Rais Tawala za Mikoa na Serikali za Mitaa (TAMISEMI) yanayohusu mfumo wa Kieletroniki wa ugavi wa bidhaa za afya.

Dk. Makota amesema kuwepo kwa Washitiri ni utekelezaji wa ilani ya CCM ya mwaka 2020 ambayo inataka hospitali zote Nchini zihakikishe zinakuwa na dawa hivyo kwenye Bohari za Dawa (MSD) zinapopungukiwa au kutokuwa na dawa na vifaa tiba lazima kuwepo na wasambazaji wengine watakaotoa huduma hiyo.

Makota amesema mfumo huo  utarahisisha upatikanaji wa bidhaa za Afya zitakazokosekana katika bohari za madawa (MSD) ili kuimarisha na kurahisisha upatikanaji wa bidhaa hizo katika vituo vya kutolea huduma za afya Nchini jambo ambalo limekuwa ni changamoto.

Kwa upande wake Mjumbe wa Kamati ya Uratibu wa Kitaifa ya Mfumo wa Mshitiri  kutoka TAMISEMI Amiri Mhando, amesema mafunzo hayo yamelenga kuwezesha upatikanaji wa huduma za afya katika vituo vya kutolea huduma za afya nchini.

Mhando amesema mfumo huo wa Kieletroniki una uwezo wa kuona taarifa kwa haraka za ufanyaji kazi wa Mshitiri na kubaini uwezo wake kwa kutimiza mahitaji ambayo vituo vya afya au zahanati walikuwa wakipata,"amesema Mhando.

Naye Mtaalamu wa huduma za maabara mkoa wa Kilimanjaro Rachel Mkandya, amesema mfumo wa mwanzo waliokuwa wakiutumia ulikuwa ukichukua muda wa siku 14 hadi mwezi, kuwepo.kwa mfumo huo wa Kieletroniki utakwenda kurahisisha upatikanaji wa dawa, uagizaji wa vifaa tiba na vitenganishi kwenye vituo.

Mganga mkuu wa Halmashauri ya Wilaya ya Hai Dk. Mtikija Msuya, amesema mfumo huo utakuwa na tija kwa wananchi kutokana na kuwepo kwa upatikanaji wa dawa kwa urahisi ikiwa bohari za dawa hazitakuwa na bidhaa za afya, huduma hiyo itakuwa na Washitiri ambao watakuwa wasambazaji.

Mhudumu wa Afya katika mojawapo ya Kituo cha Afya nchini Tanzania. (PICHA kwa hisani ya gazeti la DAILY NEWS)

Read More

Mahafali ya Kidato cha Sita Wasabato-Hai 2023 yalivyofana, Dk. Subi mgeni rasmi

Vijana wa Kanisa la Waadventista (Wasabato), wametakiwa kuwa wazalendo na waaminifu kwa nchi yao ili kuwa kielelezo kwa jamii inayowazunguka.

Wito huo umetolewa na mchungaji Richard  Matoti wa kanisa la waadventisa Wasabato mtaa wa Hai, wakati wa Ibaada maalum ya kuwaombea wanafunzi wa kidato cha sita wanaotarajiwa kuanza kufanya mitihani yao mwaka huu.

Matoti amesema vijana ni tegemeo kubwa la kanisa  na taifa kwa ujumla hivyo wanapaswa kuwa na usafi wa maisha, usafi wa tabia ili wasiwe na maswali kanisani kwa jamii na  kwa wazazi wao.

Katika mahubiri yake mchungaji Matoti, amewaasa wanafunzi hao kuweka bidii katika kusoma sambamba na kusimama katika mwenendo ulio mwema kwa walimu na wazazi wao.

Kwa upande wake mgeni rasmi katika mahafali ya Tano ya kidato cha sita shule ya  Sekondari Hai, Mkurugenzi mtendaji wa Hospitali Maalum ya Magonjwa Ambukizi Kibong’oto Dk. Leonard Subi, amesema vijana kama watalelewa kwenye misingi imara ya neno la Mungu, watakuwa wazalendo wazuri kwa nchi yao.

Aidha Dk. Subi  ameahidi kutoa kila mwisho wa mwezi kwa mwaka mzima kwenye sehemu ya mapato yake  kiasi cha 50,000 ili kuwawezesha viongozi wa dini ili waweze kupeleka uinjilishaji wa neno la  Mungu kwa vijana walioko mashuleni.

Awali wakisoma risala yao kwa mgeni rasimi wahitimu hao waneomba kuchangiwa fedha kwa ajili ya kupata Projector ambayo watakuwa wakiitumia katika kufundishia ujumbe wa neno la Mungu.

Jumuiya ya Wanafunzi wenye Imani ya Waadventista  ASA Tawi la shule ya Sekondari Hai ina jumla ya wanafunzi 78, ambapo katika mahafali hayo jumla ya wanafunzi wanaotarajiwa kumaliza elimu yao ya kidato cha sita ni wahitimu 9.

Read More

KUELEKEA SIKU YA KIFUA KIKUU MACHI 26: Hospitali ya Kibong’oto kufanya usafi makaburi ya wahanga wa kifua kikuu, kutoa elimu Mererani

Gari tembezi la Hospitali Maalum ya Afya ya Jamii na Magonjwa Ambukizi ya Kibong’oto, ambalo mpaka sasa limewafikia watu 15,000 katika mapambano dhidi ya Kifua Kikuu, ambapo kwa kipindi cha miaka mitano kutoka Mwaka 2017 hadi Juni 2022 iliweza kuwafikia wachimbaji wa madini 8000 na kati yao 850 waligundulika kuwa na kifua kikuu na kuweza kuwaweka kwenye matibabu.

Hospitali Maalum ya Afya ya Jamii na Magonjwa Ambukizi ya Kibong’oto, inatarajiwa kufanya usafi katika makaburi ya wahanga wa kifua kikuu waliofariki na kuzikwa hospitalini hapo enzi za ugunduzi na majaribio ya dawa waliokuwa wakiletwa hospitalini hapo.

Akizungumza hivi karibuni na wajumbe wa Serikali wa Kijiji cha Mae, viongozi wa Chama cha Mapinduzi (CCM) kata ya Ibaeny pamoja na viongozi wa dini waliotembelea hospitalini hapo kuelekea maadhimisho ya kimataifa ya kifua kikuu Daktari bingwa na mtafiti wa magonjwa ambukizi Peter Mbelele alisema kwa takribani miaka 60 tangu kugunduliwa kwa kimelea cha ugonjwa huo kumekuwa na jitihada mbalimbali za kuhakikisha wanapunguza uwezekano wa kusambaa zaidi kwa kifua kikuu.

“Wagonjwa wa kifua kikuu walikuwa wanatengwa na kuletwa hapa kibong’oto takribani miaka 60 tangu kugunduliwa kimelea cha kifua kikuu toka mwaka 1882 na mwaka 1943 ndipo kuligundulika kwa dawa ya kifua kikuu,” alisema Dk. Mbelele.

Dk. Mbelele alisema tangu kuanza kwa Hopsitali ya Kibong’oto mnamo mwaka 1926 wahanga wa ungonjwa huo walikuwa wakiletwa hapo na waliofariki walizikwa katika eneo lililotengwa hospitalini hapo ambayo sasa imekuwa sehemu ya historia.

“Mwaka 1926 ilipoanza kibong’oto ilianza kwa majaribio ya kifua kikuu katika kuadhimisha siku ya kifua kikuu Machi 26 kibongo’oto ina sehemu ya kihistoria ambako wahanga wa ugonjwa wa kifua kikuu waliokuwa wakiletwa hapa kabla ya kugundulika kwa dawa hizo na wakati wa majaribio ya dawa wengine walikuwa wanafariki na waliokuwa wanafariki walikuwa wanazikwa hapa Kibong’oto,” aliongeza.

Hata hivyo Dk. Mbelele alisisitiza kuwa mwaka huu 2023 katika kuadhimisha siku ya kifua kikuu Machi 26 watumishi wa hospitali hiyo watafanya usafi katika makaburi hayo ya kihistoria.

“Hekari nane za makaburi ambapo miili ya watu wa ugonjwa waliofariki kwa ugonjwa wa kifua kikuu wamelazwa. Tutafanya usafi hapo,” alisema Dk. Mbelele.

Pia aliongeza kuwa watakwenda mkoani Manyara katika machimbo ya Tanzanite eneo la Mererani kwa ajili ya kutoa elimu kuhusu Kifua Kikuu.

Hospitali ya Kibongo’oto inaongoza kwa nchi za kiafrika kwa kupunguza muda wa matibabu

Mwaka 2017 hadi Juni 2022 iliweza kuwafikia wachimbaji 8000 na kati yao 850 waligundulika kuwa na kifua kikuu na kuweza kuwaweka kwenye matibabu.

Watu 716 kati yao waligundulika kuwa na ugonjwa wa siko seli. Watu 15000 wamefikiwa kwa kutumia gari tembezi la Hospitali ya Kibong’oto.

Read More

Hospitali ya Kibong’oto yawatoa hofu wananchi kusambaa kwa vimelea kutoka maabara ya kisasa

 

Mitambo maalum katika maabara mpya ya kisasa katika Hospitali Maalum ya Afya ya Jamii na Magonjwa Ambukizi ya Kibong’oto, Siha mkoani Kilimanjaro

Hospitali Maalum ya Afya ya Jamii na Magonjwa Ambukizi ya Kibong’oto, Siha mkoani Kilimanjaro imewatoa hofu wananchi wanaozunguka maabara mpya ya kisasa iliyojengwa kwa ajili ya uchunguzi wa vimelea vya magonjwa ambukizi baada ya sintofahamu kuibuka ya uwezekano wa kusambaa kwa vimelea hivyo kwenye makazi ya watu.

Akizungumza hivi karibuni na wajumbe wa Serikali wa Kijiji cha Mae, viongozi wa Chama cha Mapinduzi (CCM) kata ya Ibaeny pamoja na viongozi wa dini waliotembelea  maabara hiyo  Dk. Bingwa na mtafiti wa magonjwa ambukizi Peter Mbelele aliwahakikishia viongozi hao kwamba mitambo iliyowekezwa kwenye maabara  hiyo hairuhusu  vimelea kutoka nje ya jengo hilo na kwenda kwenye makazi ya watu kwenda kuwaambukiza.

Dk. Mbelele alisema serikali imewekeza kiasi cha shilingi bilioni 12.5 kwa ajili ya kujenga maabara hiyo lakini pia imetoa fedha kiasi cha shilingi bilioni 10 kwa ajili ya kununua mitambo iliyofungwa kwenye jengo hilo.

"Kukamilika kwa Maabara ya Afya ya Jamii ngazi ya 3 ya usalama iliyoko kwenye hospitali maalumu ya magonjwa Ambukizi-Kibong'oto Itachangia katika udhibiti wa kusambaa kwa mgonjwa duniani na hivyo kuimarisha uchumi na usalama wa binadamu,"alisema Dk. Mbelele

Aidha, Dk. Mbelele alisema maabara hiyo itafanya ufutiliaji wa usugu wa vimelea kwa dawa zinazotumika kwenye matibabu ya magonjwa mbalimbali na kufanya tathimini ya kiwango cha dawa mwilini.

Kwa upande wa utafiti Katibu Mkuu huyo alibainisha kuwa maabara hiyo itafanya pia tafiti mbalimbali na ubunifu (innovation) katika sayansi ya tiba na kinga katika ugunduzi wa Dawa, Vitendanishi, Vifaa tiba pamoja na kutengeneza chanjo mbalimbali za kuzuia na kukinga magonjwa ambukizi.

Pia aliongeza Hospitali ya Kibong’oto itatunza vimelea vya magonjwa mbalimbali ikiwemo vinasaba vya vimelea mbalimbali Kutoa mafunzo ya kiuchunguzi na ubunifu kwa wataalamu mbalimbali katika sekta ya Afya.

Hata hivyo alisema maabara hiyo inatarajia kuboresha huduma za tiba, kupunguza gharama ambazo Serikali inaingia katika kupeleka sampuli nje ya nchi kwa uchunguzi.

Kwa upande wake Meneja wa Maabara ya Afya ya Jamii Kibong’oto Dk. Shaban Mziray, aliwatoa hofu viongozi hao kwamba mitambo na vifaa vilivyowekwa katika jengo hilo iko kwenye uangalizi wa halai ya juu.

“Usalama wa miundo mbinu ya maabara imeimarishwa ili kuthibiti upotevu vimelea, ambapo kuna mitambo ya Sisteam camera pamoja na walinzi kutoka kampuni binafsi,” alisema Dk. Mziray. 

Dk. Mziray alisema uwepo wa teknolojia  za kisasa zaidi kwenye.kifua kikuu imesaidia kubainisha aina ya kifua kikuu, kimelea cha kifua kikuu, pamoja na usugu wake wa dawa.

Diwani wa Kata ya Ivaeny Elinisaa Kileo aliushukuru uongozi wa hospitali  hiyo kwa kuweza kuwapokea na kuweza kujionea uwekezaji mkubwa uliofanywa na serikali katika kata yake, amemshukuru mtafuti kwa  kuwatoa hofu wananchi kwamba hakuna madhara yeyote ambayo yanaweza kutokea kwa wananchi walio karibu na maabara hiyo kuambukizwa na vimelea.

Katibu wa CCM Kata ya Ivaeny Reuben Munuo na mwenyekiti wa kitongoji Grace Mmari, wamemshukuru Rais samia kwa kufanikisha ujenzi wa maabara hiyo kwani itakwenda kusaidia watanzania wengi.

Aidha Mchungaji Osca Tarimo na Lameck Kileo, walimshukuru Diwani wa kata hiyo kwa kuwaandalia ziara ya mafunzo kwa ajili ya uwekezaji uliofanywa na serikali ndani ya wilaya ya siha.

Hospitali ya Kibong’oto ina jukumu la kutoa huduma za Afya ya jamii na ufuatiliaji wa magonjwa yote yenye umuhimu katika jamii yaliyoaninishwa na Shirika la afya Duniani (WHO) na yale ya mlipuko.

Read More

NFRA yatoa tani 256 za chakula wilayani Mwanga

Serikali kupitia Wakala wa Taifa wa Hifadhi ya chakula (NFRA) imetoa tani 256 za chakula kwa wananchi wa wilaya ya Mwanga, mkoani Kilimanjaro, hatua ambayo itasaidia kukabiliana na upungufu wa chakula wilayani humo.

Mkurugenzi wa halmashauri ya Wilaya ya Mwanga Mwajuma Nasombe, ameyasema hayo.Machi 9,2023 wakati akitoa taarifa ya hali ya chakula wilayani humo kwenye Baraza la Madiwani wa wilaya hiyo.

Nasombe amesema chakula hicho kimenufaisha wananchi wa kata 16,  ambapo kitawasaidia kupunguza makali ya mapungufu ya chakula ambayo yalitokana na kutokuweko kwa mvua za kutosha wakati wa vipindi vya masika na vuli mwaka jana kwani hata wale waliofanikiwa kulima, kile kidogo walichokuwa wanatarajia kukipata kiliharibiwa na tembo wavamizi.

Aidha Nasombe alikiambia kikao hicho kuwa, mbali na serikali kutow chakula hicho ziko baadhi ya taasisi za kidini pamoja na mashirika binafsi yaliungana na serikali katika kukabiliana na upungufu wa chakula wilayani humo kwa kutoa msaada wa vyakula mbalimbali.

Amesema taasisi ya World Vision iliungana na serikali kwa kutoa chakula kwa ajili ya chakula mchana kwa miezi mitatu, kwenye shule zote za msingi na sekondari zilizoko kwenye tarafa za Jipendee na Lembeni.

Amesema taasisi hiyo imeamua kutoa msaada huo wenye thamani ya  shilingi milioni 179.5, baada ya kubaini ya kuwa wazazi wasingeweza kuchangia chakula kwa ajili ya watoto wao kutokana na kukosa mavuno na fedha za kuchangia chakula mashuleni.

Nasombe amesema kuwa kwa upande wa uongozi wa Kanisa la Kiinjili la Kilutheri Tanzania Dayosisi ya Mwanga (KKKT-Mwanga) umetoa msaada wa chakula cha mchana wenye tahamni ya shioingi milioni 300 kwa shule zilizoko kwenye kata tano zilizoko wilayani humo, ambazo amesema ni pamoja na kata ya Kwakoa, Toroha, Kigonigoni, Mgagao na Kivisini.

Amesema wananchi watakaonufaika na msaada hao ni wale wa Kwakoa katika kata ya Kwakoa, Simkizungu na Karambandea katika kata ya Toroha, Kwa kihindi, kata ya Kigonigoni, Pangalo na Kiverenge kata ya Mgagao na wale wa kijiji cha Kwanyange, kilichoko kata ya Kivisini na kongeza kuwa mchango huo unatarajia kuzinufaishaya kaya 700.

Akiongea katika kikao hicho Kaimu Mkuu wa wilaya ya Mwanga Mshikizi Kanali Hamis Maigwa amezipongeza taasisi hizo kwa michango yao ya chakula ambapo amesema itasaidia kuwapa wanafunzi motisha wa kuendelea na masomo yao bila mashaka.

Aidha amewpaongeza madiwani wa halmashauri hiyo kwa mshikamano walio nao wakati wa kutekeleza majukumu yao jambao ambalo amesema limechangia kwa kiasi kikubwa mafanikio ya kimaendeleo yanayopatikana wilayani humo ikiwemo haswa kwa upande wa makusanyo ya maduhuli ya serikali.

Read More

Akutwa na vipande 6 vya meno ya Tembo

Jeshi la Polisi mkoani Kilimanjaro linamshikilia mwanaume mmoja mkazi wa Wilaya ya Same, kwa tuhuma ya kupatikana na vipande sita ya meno ya tembo.

Katika taarifa iliyotolewa Machi 14,2023 na Kamishna msaidizi wa Jeshi la Polisi mkoani hapa ACP Simon Maigwa, mbele ya waandishi wa habari imeeleza kuwa jeshi hilo walifanikiwa kukamata meno hayo ya tembo sita kutoka kwa wasamaria wema ambao walitoa taarifa hiyo kwa jesho la polisi.

ACP Maigwa amesema mtuhumiwa huyo ambaye alikamatwa wilayani Same , atafikishwa mahakamani mara upelelezi utakapaokamilika ambapo watashirikiana na Ofisi ya Wanyamapori kujua thamani ya meno hayo.

Katika tukio lingine jeshi hilo limekamata gari moja aina ya Toyota Land Cruiser Prado TX inayodhaniwa kuwa ya wizi iliyokuwa imebandikwa namba za usajili T 929 DFH na baada ya kuikagua gari hiyo kwa kina ilibaimika kuwa na namba za usajili wa nchini Kenya KDH 554 A kwenye vioo vyake.

Aidha jeshi hilo limekamata kompyuta mpakato (Laptop) 27, Televishen Nne, Flat Screen, Monitor  ya kompyuta moja na simu tano aina ya iPhone moja na Samsung 4 zilizoibiwa kwenye matukio tofauti.

Katika operesheni za madawa ya kulevya na pombe haramau ya gongo jeshi hilo limesema jumla ya watuhumiwa 161 wa kesi za madawa ya kulevya na pombe haramu ya gongo walikamatwa

Amesema katika kipindi cha kuanzia Januari hadi Februari mwaka huu wamefanikiwa kukamata pikipiki 15 zinazodhaniwa kuwa za wizi.

Read More

Miaka 2 ya Rais Samia: Jumuiya ya Wazazi CCM-Hai yampongeza

Baraza la Jumuiya ya Wazazi (WAZAZI) ya Chama Cha Mapinduzi (CCM) Wilaya ya Hai, mkoani Kilimanjaro, kimempongeza Rais Dk. Samia Suluhu Hassan na serikali yake ya awamu ya sita kwa kazi nzuri ambayo imeboresha maisha ya Watanzania wengi ndani ya miaka miwili ya utawala wake.

Pongezi hizo zimetolewa jana na Mwenyekiti wa WAZAZI wilaya ya Hai Joseph Mselle, wakati wa kikao cha Baraza la Wazazi wilayani humo kilicholenga kujadili mpango mkakati wa Jumuiya hiyo kwa miaka mitano ijayo.

“Pamoja na maazimio tuliyopitisha yanayohusiana na ajenda maalum tuliyokuwa nayo ya kikao hiki, wajumbe wa kikao pia tuliazimia kumpongeza Rais Dk. Samia kwa kazi nzuri alizofanya ndani ya miaka miwili ya uongozi wake kwani mabadiliko mengi na yenye tija kwa taifa yanayotokana na utekelezaji wa ilani na serikali iliyoko chini ya uongozi wake yanaonekana”, alisema Mselle. 

Alisema “Kwenye sekta ya elimu tumeshuhudia uboreshaji wa miundombinu ya shule, ikiwemo ujenzi wa shule mpya nyingi nchini kote; hali imewezesha wanafunzi wengi kupata nafasi ya kupata elimu kuanzia ile ya awali hadi elimu ya juu”, alisema.

Aidha Mselle alisema mafanikio mengine katika sekta hiyo ni uamuzi wa serikali ya awamu ya sita unaomuwezesha mwanafunzi wa kike aliekatiza masomo kwa sababu mbalimbali ikiwemo ile ya kupata ujauzito kurudi shuleni na kuendelea na masomo jambo ambalo alisema litawasaidia wanafunzi wengi wa kike kuendelea na ndoto zao pamoja na kupata ujauzito walipokuwa wakiendelea na masomo yao.

Mselle aliendelea kusema kuwa eneo lingine ni kwenye sekta ya afya ambapo kuongezwa kwa bajeti ya wizara ya afya chini ya uongozi wa Rais Samia kumewezesha huduma za afya kuboreshwa nchini na kuwaondolea wananchi kero nyingi walizokuwa wakikabiliana nazo wanapokwenda kufuata huduma za afya.

 

“Kwa upande wa miundombinu ya barabara tumeshuhudia bajeti ikiongezwa kwa Wakala wa Barabara za Mijini na Vijijini TARURA pamoja na TANROADS, hali hii imepelekea barabara nyingi hapa nchini zikiwemo zile za vijijini, kuwa katika hali nzuri nyakati zote za mwaka jambo ambalo pia limechangia kukuza uchumi wa Taifa”, alisema.

Aliendelea kusema kuwa serikali ya awamu ya sita chini ya Rais Samia pia imefanya kazi nzuri katika kutekeleza miradi ya kimkakati kama ule wa ujenzi wa Bwawa la Mwalimu Julius Nyerere, ambalo kukamilika kwake kutachangia pamoja na mambo mengine, kushuka kwa bei ya umeme na hivyo kuwapa Watanzania wengi unafuu wa kimaisha.

Read More