MAKTABA YA JAIZMELA: Warren Buffett ni nani?

Agosti 30, 1930 Alizaliwa mwekezaji bilionea Warren Buffet, Omaha Nebraska nchini Marekani.

Katika kitabu cha “The Warren Buffet Way” kutoka kwa mwandishi Robert G. Hagstrom kinaelezea maisha ya bilionea Warren Buffett. Mwandishi anatumia kitabu hiki kushirikisha jamii mbinu ambazo mwekezaji bilionea Warren Buffet amekuwa akizitumia kukuza utajiri wake. Bilionea huyu ni mwekezaji ambaye amewahi kuwa tajiri namba moja wa dunia kwa kipindi kirefu na amekuwa kati ya matajiri watano wanaoongoza kwa muda sasa.

Warren Buffet amekuwa tajiri kupitia uwekezaji katika kampuni yake ya Berkshire Hathaway ambayo inajihusisha na uwekezaji kwenye biashara tofauti. Kwa ufupi Warren Buffet amekuwa ni mtu ambaye anachukua hatua mapema kama tahadhari dhidi ya nyakati zinazokuja na hivyo nyakati hizo (mbaya au nzuri) zinapowadia zinamkuta ameshajiandaa kiuwekezaji.

Alianza kupenda kilichomleta hapa duniani akiwa na umri wa miaka sita . Akiwa na umri wa miaka sita, alinunua paketi sita za Coca Cola kutoka dukani kwa babu yake na kwenda kuziuza ampapo alipata faida ya senti 5 kila paketi.

Akiwa na umri wa miaka 11 alikuwa tayari amenunua hisa, wakati huo watoto wenzie walikuwa wakiruka kamba, si jambo baya lakini hata yeye alikuwa akiruka, yaani kucheza, lakini alichokuwa akikiona siyo fedha, bali biashara. Suala la elimu kwake lilikuwa siyo la kipaumbele sana.

Mwaka 1947, akiwa na umri wa miaka 17, Buffet alimaliza kidato cha sita. Hakutaka kuendelea na masomo ya chuo, ingawa alikuwa na uwezo wa kufanya hivyo. Tayari wakati huo alikuwa na fedha kiasi kama milioni 40, kiwango cha sasa cha Tanzania.

Hata hivyo Buffet alisoma na kumaliza elimu ya chuo kikuu. Sehemu kubwa baba yake ndiye aliyemshawishi hasa kusoma masuala ya biashara.

Akiwa na miaka 14 aliweza kununua shamba kutokana na kuweka akiba ya kugawa magazeti.

Wakati hajagundulika na kujulikana kuwa yeye ni tajiri, Warren Buffet hakujenga nyumba ya ghorofa ili watu wamjue yeye ni nani.

Alikuwa anaishi kwenye nyumba ndogo ya kawaida ya vyumba vitatu- Omaha. Ndani ya nyumba yake hiyo kuna kila kitu anachokihitaji yaani jiko, kitanda, meza, bafu, viti vya kukalia na television

Nyumba yake hiyo haikuwa na uzio. Huyu mzee hakuwa na dereva wala mlinzi. Alikuwa anaendesha mwenyewe na likiharibika, anaingia uvunguni mwenyewe kulitengeneza mwenyewe.

Warren Buffet haamini kuwa kuna bilionea duniani, bali anaamini kuwa kuna watu wanaotafuta ndoto zao ili zitimie.

Mfanyabiashara huyu wa Marekani anajulikana hasa kwa ajili ya falsafa yake ya ukarimu.

Read More

MAKTABA YA JAIZMELA: Lyndon B. Johnson ni nani?

Lyndon B. Johnson alichaguliwa kuwa makamu wa Rais wa 37 wa Marekani mwaka 1960 na alikuja kuwa Rais wa 36 taifa hilo mwaka 1963 baada ya kuuawa kwa Rais John Fitzgerald Kennedy. 

Lyndon Johnson alikuwa akifahamika na wananchi wake kama LB . Akiwa kama Rais wa taifa hilo aliidhinisha Sheria ya Haki za Kiraia ya mwaka 1964 na Sheria ya Kupiga Kura ya mwaka 1965. Pia LB alishinikiza kumalizika kwa Vita vya Vietnam na ushiriki wa Marekani katika vita hivyo. Kabla ya kufa kwake kwa Mshtuko wa Moyo Januari 22, 1973 siku moja kabla LB alikaririwa akisema anaona amani inapatikana Vietnam. Alifariki akiwa na miaka 64. Lyndon alizaliwa Stonewall, Texas Agosti 27, 1908 kutoka kwa wazazi Samuel Ealy Johnson Jr na Rebekah Baines akiwa mtoto wa kwanza kati ya watano ambao walifanikiwa kuwa nao. Familia yao ilikuwa ikijulikana kwa kilimo na ufugaji  jimboni Texas. Baba yake alikuwa miongoni mwa wajumbe wa Congress huko Texas akionyesha siasa safi  kuliko hata  ufugaji licha ya kwamba alishawahi kupoteza shamba la familia wakati Lyndon alipokuwa bado mdogo. Aliingia kwenye siasa baada ya Richard M. Kleberg kushinda uchaguzi mwaka 1931 kuiwakilisha Texas katika Bunge la Wawakilishi. Hivyo Kleberg Jr. aliamua kumteua LB kuwa katibu wake. LB alipata nafasi hiyo baada ya ombi la baba yake na Seneta Welly Hopkins kwani alikuwa akimpigia kampeni mwaka 1930. Mnamo mwaka 1948 Lyndon alishinda uchaguzi wa Bunge la Seneti na mwaka 1951 alichaguliwa kushika wadhifa kuwa msemaji wa bunge hilo kwa watu. Alizidi kupaa katika siasa kutokana na kujituma na hoja zenye msingi kwa tiketi ya chama cha Demokrati. Mnamo mwaka 1960 aliwania uchaguzi wa urais ambao hakufanikiwa kupita. Licha ya kushindwa kupata nafasi ya kuchaguliwa John F. Kennedy alimwita awe makamu wake wakati wa kampeni. Wakati huo JKF alikuwa seneta wa Massachussets. Hivyo wawili hao wakafanikiwa kuwashinda wa upande wa Republican Richard Nixon na mwenzake Henry Cabot Lodge Jr. Novemba 22, 1963 JFK aliuawa na LB akashika wadhifa huo kama Rais. LB aliapishwa ndani ya ndege Air Force One baada ya kuuawa kwa JFK. Mwaka uliofuata LB alifanikiwa kumwangusha seneta wa Arizona Barry Goldwater. Lyndon Johnson aliibuka mshindi kwa asilimia 61.1, kiwango amcho kinachukuliwa kuwa ni cha juu tangu uchaguzi wa mwaka 1820 ambao ulimweka madarakani James Monroe aliyeibuka mshindi kwa asilimia 80.6 dhidi ya chama cha Federalist. 

Johnson anakumbukwa kwa mafanikio yake yote ya kisheria na kutawala kwa makundi. Mnamo 1980, alipewa tuzo ya heshima ya Jimmy Carter na Medali ya Rais ya Uhuru.

Read More

Asante Mama wa Kambo

Shamrashamra zilizidi kurindima kwa fujo katika ukumbi maarufu sana wa Wikechi mjini Makambako, hakika maharusi walikuwa wamependeza na utakuwa mchoyo wa kuzaliwa usingewapongeza waliotumia ubunifu wa hali ya juu kuupamba ukumbi ule nao ukapambika.

Kila mmoja alitabasamu bila kujalisha linatoka moyoni ama ni la kuzugia!!

Wanawake walipiga vigelegele na wanaume walipiga mbinja kila muda ambapo msema chochote aliamuru!!

Naam!! Ilikuwa sherehe ya aina yake ya kuwaunganisha Gladness na Jackson kuwa mwili mmoja!!!

Jack ambavyo wengi tulizoea kumwita alikuwa mwenye furaha sana alipopewa nafasai ya kusema chochote, alizishukuru pande mbili akianza na ule upande wa ukweni akawashukuru kwa zawadi ya mke mwema…..kisha akageukia upande wa pili na kuwashukuru wazazi wake waliomkuza na kumpa elimu dunia pamoja na ile ya darasani!!!

Hatimaye msema chochote akamkabidhi kipaza sauti Glad!!

Ukumbi mzima ulitambua kuwa Maria hakuwa akitabasamu kutoka moyoni lakini bado hakuna aliyejua kwanini alikuwa katika hali ile.

Maria akashika kipaza sauti mbele ya umati na kuanza kuzungumza.

“Imekuwa safari ndefu sana hadi kuifikia siku hii ya leo…nikimtoa mwenyezi Mungu katika safari hii ninaye mtu mwingine muhimu katika dunia hii wa kumshukuru!! Ni mtu mmoja tu nasisitiza pasipokuwa na unafiki wowote!!

Namshukuru mama yangu…mama yangu wa Kambo” akasita kidogo ukumbi nao ukawa kimya!! Kimya kikuu…Glad akaendelea.

“Asante sana mama wa kambo kwa matusi yote uliyonitukana maana ulinifanya niyazoee, awali nilikuwa nakasirika sana ukunitukana, ukimtukana marehemu mama yangu, ukinitukania baba yangu. Naam ukaniimarisha zaidi hata nilipokuwa nafanya kazi za ndani sikuhangaishwa na matusi kutoka kwa watoto wa bosi wangu!! Niliyapuuzia tu!!!

Asante kwa kunilaza nje asante sana kwa jambo lile, nikalizoea giza, mbu wakaizoea damu yangu!! Ukaniimarisha na hata nilipokosa pa kulala nikiwa mtaani stendi ilikuwa sehemu sahihi kwangu na nililala bila hofu. Mama wa kambo siwezi kusahau kukushukuru kwa kunilisha chakula ambacho watoto wako walilalamika kuwa ni kibaya ama kimeharibika.

Ulikuwa sahihi mama maana hata kule majalalani sikuhangaika tena kila kinachoitwa chakula mimi nilikula. Unadhani ungenidekeza ningeweza vipi?

Siku uliyoamua rasmi kunifukuza ukinizushia kuwa nakujazia choo na kukumalizia godoro bila sababu za msingi ni hivyo hivyo niliwahi kufukuzwa na mabwana wengi walaghai. Lakini sauti zao na yako zilifanana hivyo sikuogopa chochote kitu!! Nikabaki kuwa imara huku nikihesabu kuwa haya ni mapito tu!!

Kulala bila kula kwa siku mbili hadi tatu katika nyumba yako lilikuwa jambo la kawaida sana hivyo niliweza kumvumilia Jack wangu alipokuwa hana pesa. Alinishangaa sana kwa uvumilivu wangu lakini leo atambue kuwa bila wewe nisingeweza kumvumilia.

Ulininyima elimu mama wa kambo!! Vyema sana ukanifanya niishi kwa kutumia nguvu zangu tu na akili ya ziada lakini si vyeti!! Sikuwa mtu wa kuchagua kazi, nilibeba kokoto, nikafanya ubaamedi, nikafua nguo za watu, nikafagia barabara na kazi zote zile ambazo zilihitaji watu kama mimi nisiyekuwa na elimu!! Asante mama wa kambo!!!

Sijaisahau ile siku uliyonimwagia maji ya moto na kuondoka na ngozi yangu usoni, tazama ulinisaidia sana hakika, wanaume hawakunitamani!! Ndio…nani wa kumtamani na kumthamini mwanamke asiyekuwa na mvuto.

Ulifanya la maana sana mama maana maumivu niliyoyapata kuondokewa na wazazi wangu, maumivu niliyoyapata kwa mateso yako, ni heri hayo yalitosha na ukaniepushia maumivu ya kudanganywa na wanaume wakware kisa uzuri wangu kisha wanitelekeze pasi na msaada. Ni heri waliidharau na kuichukia sura yangu hadi nilipokutana na Jack. Hakujali sura akayajali maumivu yangu na akaamua kunipooza!!!

Hata lile kovu uliloniachia kwa kunichoma na mkaa wa moto pajani, yeye hakujali pia. Unadhani ni wanaume wangapi wanaweza kuwa na ujasiri wa Jack??

Nasema nawe ewe mama uliyevaa nguo nyeupe pee!! Umeketi katika kiti cha tatu kutoka kushoto, mama usiyekuwa na haya uliyenitukana huku ukisema kamwe kuwa sitaolewa!! 

Nimezisikia tetesi kuwa wale wanao wawili wa kike uliowabatiza cheo cha umalikia walijazwa mimba na kuzaliwa nyumbani, sijui kama ni kweli kuwa yule mwanao wa kiume alinibaka ukanitusi mimi kuwa namfunza tabia mbaya nasikia na yeye ni teja na kila leo anakuibia vitu nyumbani!!

Natoa shukrani kwako kwa mabaya yote uliyonitendea, natoa shukrani kwako kwa moyo wako mgumu unaodhani kuwa niliyasahau yale yote na leo hii umeketi upande wa ukoo wangu ukisubiri kunipa zawadi ya kunipongeza kwa sababu nimeolewa.

U mnafiki ewe mama, u mkatili katika maana halisi ya kuitwa mkatili.

Nayasema haya ili niwe na amani, nayasema haya bila unafiki wala tabasamu bandia la kuigiza!!! Nilijua itafika siku ya kusema nd’o maana sikusema katika siku hizi zote.

Ewe mama wa kambo umenipa zawadi nyingi sana tena za kudunu, siihitaji zawadi yako siku hii ya leo. Sihitaji chochote kitu katika maisha yangu kutoka kwako!! Umenipa vingi na vinatosha sana!!!

Asante sana mama wa kambo!! Mama mbaya unayesababisha hata wale mama wa kambo wenye utu waonekane kuwa si lolote na si chochote kitu!!!”

Glad alimaliza kuzungumza huku machozi yakiondoka na nuru yake asiweze kuona mbele tena.

Mama yule ambaye ukumbi mzima ulikuwa ukimtazama alibaki akiwa ameinama. Watu walingoja sana anyanyuke waweze kuibaini walau sura yake. Lakini hakunyanyuka, aliyeamua kumgusa bega mara kadhaa kwa kumsukuma ndo aliihitimisha safari yake sakafuni. Mama yule hakuwa na fahamu zake!!!

Zikafuata hekaheka za kumpepea lakini fahamu hazikurejea.

Glad naye alifanya harakati hizo huku akiipuzia shela aliyokuwa ametinga. Hali ilikuwa tete na ukumbi wa sherehe ukageuka kuwa ukumbi wa hekaheka!!

Wakati mama yule anakimbizwa hospitali, Maria alipata fursa ya kukwapua bahasha ambayo awali ilikuwa mikononi mwa mama wa kambo kabla hajaanguka!!

Akaifungua na kukutana na kipande cha karatasi.

“Sina zawadi yoyote ya kukupa Glad, japo ni wewe wa kunipa mimi zawadi kubwa ya msamaha. Hakuna nikitegemeacho tena duniani zaidi ya msamaha wako!! Siwezi kujieleza nikaeleweka kwa yote yaliyotokea miaka hiyo lakini waweza kunielewa! Ninauhitaji msamaha wako kabla sijafa Glad.

CREDITED: Simulizi hii fupi ya ‘Asante Mama wa Kambo’ ilitungwa na George Iron Mosenya, mwaka 2013. JAIZMELA imeihariri kidogo kutoka kwa mtunzi ili kuleta maana iliyokusudiwa.

Read More

MAKTABA YA JAIZMELA: Edward Lowassa ni nani?

Edward Ngoyayi Lowassa ni mwanasiasa nchini Tanzania. Alichaguliwa kuwa Waziri Mkuu wa 10 wa Tanzania  Desemba 30, 2005 na akajiuzulu Februari 7, 2008 kwa kashifa ya Richmond. 

Mwaka 2015 alikuwa mgombea urais kupitia Chama cha Demokrasia na Maendeleo (CHADEMA). 

Alizaliwa Monduli mkoani Arusha Agosti 26, 1953. Alisoma shahada ya kwanza katika tamthilia kwenye Chuo Kikuu cha Dar es Salaam, halafu shahada ya pili katika Sayansi ya Maendeleo ya Jamii Chuo Kikuu cha Hull nchini Uingereza. 

Lowassa ni mwanasiasa mkongwe mwenye uzoefu mbalimbali katika siasa za nchini Tanzania, kwa kuwa aliwahi kushika vyeo mbalimbali katika serikali kama vile Waziri mdogo wa Mazingira na Mapambano dhidi ya Umaskini katika ofisi ya Makamu wa Rais (1988-2000), Mkurugenzi wa Kituo cha Kimataifa cha Mikutano (1989-1990) na Waziri Mdogo wa Haki na Mambo ya Bunge katika Ofisi ya Makamu wa Rais (1990-1993). Alikuwa mbunge wa Monduli tangu mwaka 1990. 

Mwaka 1995 Edward Lowassa aliamua kuingia katika mchakato wa kumpata mgombea urais kwa tiketi ya Chama Cha Mapinduzi (CCM). Wakati huo Lowassa aliombwa na Umoja wa Vijana kupitia kikao cha baraza kuu la Taifa achukue fomu akiwa miongoni mwa wana CCM wanne ambao vijana waliamini wataweza kulisaidia Taifa kupiga hatua za haraka kuelekea maendeleo endelevu, wengine waliokuwa wametajwa na Umoja wa vijana ni Salim Ahmed Salim, Laurence Gama na Jaji mstaafu Mark Bomani. Katika hatua ya kuchagua majina 3 kati ya majina 11 yaliyoomba nafasi hiyo, Lowassa akawa hakupendekezwa. Vijana wa CCM walihoji kwa nini ameenguliwa, na yeye kwa utii mkubwa kwa CCM aliwataka vijana na viongozi wengine waheshimu maamuzi ya chama na kumuunga mkono atakayeteuliwa kupeperusha bendera ya chama. Ikumbukwe kuwa mwana-CCM mwingine aliyekuwa anakubalika kwa umma Augustino Lyatonga Mrema aliondoka mapema CCM kwa sababu ndogo tu ya kubadilishiwa wizara na kuamua kwenda chama cha NCCR Mageuzi ambako aligombea uraisi kwa chama hicho na kuleta upinzani mkubwa. Yapo maneno ya baadhi ya wanasiasa kwamba kutoteuliwa kugombea kwa Lowassa kulitokana na kuonekana anamiliki fedha nyingi akiwa na muda mfupi kwenye utumishi wa umma, lakini pia inasemekana kuwa wale waliohoji kukatwa kwa jina lake kwenye kikao cha Halmashauri kuu ya Taifa, majibu yalikuwa, CCM iliamua kupeleka majina matatu kwenye mkutano mkuu ili wachague moja katika uwakilishi huo wa majina: walipenda apatikane mtu mzima mmoja, mwenye umri wa kati mmoja na kijana mmoja, watu hao ni mzee David Msuya ambae ni mtu mzima, Benjamini Mkapa ambae umri wake ulikuwa wa kati na kijana ambae ni Jakaya Kikwete. Lakini maneno hayo ya baadhi ya wanasiasa hayakuishia hapo: wakadai baada ya Rais Mkapa kuchaguliwa, hakumteua Lowassa kwa kuwa aliagizwa na Mwalimu Nyerere asimteue mpaka achunguzwe kama uwezo kiasi wa fedha alionao unatokana na mapato halali, kama siyo halali asimteue. Mwaka 1997 Rais Mkapa akamteua Lowassa kuwa Waziri wa Nchi, Ofisi ya Makamu wa Rais mazingira. 

Februari 7, 2008 Lowassa alijiuzulu baada ya kushtakiwa kuwa ameshiriki katika kashfa ya Richmond. Kamati ya bunge iliwahi kuchungulia mkataba baina ya kampuni ya TANESCO na kampuni ya Richmond Development Company LLC kutoka Houston, Texas. Kamati ya wabunge watano chini ya mwenyekiti Dkt. Harrison Mwakyembe ikaona mkataba huu ilikuwa kidanganyifu. Richmond ilipewa kazi ya kutengeneza megawati 100 za umeme kila siku baada ya ukame wa mwaka 2006 uliopunguza uwezo wa TANESCO kutoa umeme nchini kutokana na mitambo yake ya umememaji. Lakini mitambo ya dharura ya Richmond ilichelewa kufika nchini pia haikufanya kazi jinsi ilivyotakiwa. Hata hivyo serikali ikaendelea kulipa zaidi ya dolar za Marekani 100,000 kila siku. 

Edward Lowassa alipokuwa na Chama cha Demokrasia na Maendeleo (CHADEMA), maoni ya wengi walikaririwa wakisema Lowassa ndiye Rais wao wa moyoni licha ya Chama cha Mapinduzi (CCM) kupoka ushindi wa mwanasiasa huyo. Kwani wakati wa kampeni za uchaguzi mkuu John Pombe Magufuli hakuwa akiwika kama ambavyo Lowassa alivyopokelewa na Watanzania walio wengi.

Mwaka 2014 Lowassa alisimamishwa na kamati kuu ya CCM baada ya kushtakiwa ya kwamba aliwahi kuanzisha kampeni ya kuwa mgombea wa urais kabla ya kipindi kilichokubaliwa na chama hiki. 

Lowassa aliondoka katika CCM na Julai 28, 2015 alijunga rasmi na chama cha upinzani cha CHADEMA. Lowassa alikaririwa akisema,“Nitakuwa mnafiki nikisema bado nina imani na CCM.'' Pia mwanasiasa huyo alisema, ''CCM niliyoiona Dodoma si CCM niliyokulia” na kuongeza “Kama Watanzania hawapati maendeleo kupitia CCM basi wakayatafute nje ya CCM.” 

Siku chache baadaye aliteuliwa kuwa mgombea wa urais kwa tiketi ya CHADEMA mnamo Oktoba 2015. 

Kwa mujibu wa matokeo yaliyotangazwa na Tume ya Uchaguzi (NEC) alishindwa kwa kupata asilimia 39.97 za kura zote na mgombea wa CCM John Pombe Magufuli alipata 58.46 Lowassa aliendelea kuwa mjumbe wa kamati kuu ya Chadema. 

Mwaka 2016 alitangaza ya kwamba hawezi kurudi kamwe CCM. Mnamo Januari 2018 aliwahi kuwa na mazungumzo marefu na Rais Magufuli. Machi 1, 2019 Lowassa alirudi kwenye chama chake cha awali Chama Cha Mapinduzi.

Read More

Alexei Navalny, mkosoaji mkuu wa Putin aachiwa

Mkosoaji wa serikali ya Urusi, Alexei Navalny ameachiwa huru leo baada ya kutumikia kifungo cha siku 30 jela kwa kupanga maandamano ya upinzani, ambayo yamegeuka kuwa vuguvugu ambalo limeitikisa serikali ya Urusi tangu mwezi uliopita. 

Polisi walikuwa nje ya gereza wakati akiachiwa huru lakini hawakuchukua hatua yoyote ya kumkamata tena, kama walivyofanya wakati viongozi wengine wa upinzani walipoachiwa huru hvii karibuni. Lakini Navalny ameendelea kuwataka wafuasi wake kuingia mitaani, kitu kinachoweza kuwafanya polisi wamkamate tena. 

Mara baada ya kutoka jea, kiongozi huyo wa upinzani na mwanarakati wa kupinga rushwa mara moja alilaani kile alichosema kuwa ni vitendo vya kigaidi vilivyofanywa na serikali ya Urusi katika kuyazima maandamano mjini Moscow katika wiki za hivi karibuni.

CHANZO: DW

Read More

UWT yafagilia uwekezaji wa JPM sekta ya Afya

Kaimu mganga mkuu hospitali ya rufaa ya mkoa wa Mawenzi Josephine akipokea msaada kutoka kwa Makamu Mwenyekiti UWT Taifa Thuwaybah Kisasi  walipotembelea hospitali hiyo.

Makamu Mwenyekiti wa Umoja wa Wanawake wa (CCM) Taifa (UWT) Thuwaybah Kisasi, amemshukuru Rais wa Jamhuri ya Muungano wa Tanzania Dkt. John Pombe Magufuli kwa uwekezaji mkubwa aliouweka katika sekta ya afya nchini.

Kisasi, aliyasema hayo mwishoni mwa wiki wakati wakati (UWT), walipoteembelea katika hospitali ya Rufaa ya Mkoa Mawenzi, kwa lengo la kutoa misaada mbalimbali katika wodi ya wamama wajawazito pamoja na kutembelea mradi wa ujenzi wa jengo la ghorofa tatu la huduma ya afya ya mama na mtoto.

Kisasi alisema ameridhishwa na kazi kubwa ambayo  inaendelea kutolea katika hospitali ya rufaa ya mkoa Mawenzi na kuwataka watoa huduma za afya kuendelea kuwa wamoja, kupendana kila mtu na kuwataka kila mmoja kuendelea kutoa huduma kwa nafasi yake.

“Katika siku za nyuma, madaktari wengi walivunjika moyo wa kufanya kazi  kwa sababu kulikuwa hakuna vifaa, mazingira ya kufanyia kazi yalikuwa siyo mazuri, lakini kutokana na kuwepo kwa mabadiliko makubwa ya wamu ya tano tumeona kasi kubwa ya utendaji kazi katika nyanja mbalimbali,"alisema.

Aliongeza kusema kuwa “Naomba niwaeleze wazi nimeridhishwa sana na utendaji kazi wenu katika kuwahudimia wagonjwa, moyo  wa kufanya kazi tumerudishiwa na rais wetu Dkt. Magufuli,  sio hospitali tu bali  katika sekta zote,”alisema

Makamu mwenyekiti UWT Taifa Thuwaybah Kisasi akimpatia msaada wa mche wa sabuni.

Aidha Kisasi aliupongeza uongozi wa Manispaa ya Manispaa ya Moshi kwa jinsi unavyovutia kwa usafi ambao umeendelea kusifika nchini kote.

“Nimeelezwa kuwa mji huu umeendelea kuwa msafi kutokana na kutunga sheria ndogo ndogo za kusimamia usafi ambazo zimepelekea kuendelea kuongoza katika usafi kwenye Manipaa hapa nchini hongereni sana,” alisema Kisasi.

Kwa upande wake Katibu Mkuu (UWT) Taifa Mwl Queen Mlozi, alisema Wanawake ndiyo wanufaikaji wakubwa wa huduma za afya, hivyo, wanampongeza Mwenyekiti wa Chama Cha Mapinduzi (CCM), Dkt. Magufuli kwa kasi kubwa ambayo anaendelea nayo ya utekelezaji wa Ilani ya CCM ya Mwaka 2015/2020, katika huduma za jamii.

Awali akitoa taarifa ya hospitali hiyo Kaimu mganga mkuu Dkt. Josephine Rogath, alisema kuwa hospitali hiyo inakabiliwa na upungufu wa watumishi 232 wa kada mbalimbali.

“Hospitali haina kabisa madaktari bingwa wa dawa za usingizi, afisa utumishi, wataalam wa kada za wahudumu wa afya katika chumba cha kuhifadhia maiti, mtaalamu wa Tehama, fundi vifaa tiba, fundi sanifu wa dawa na fundi sanifu wa meno,"alisema Dkt. Rogath.

STORY BY: Kija Elias…..Agosti 22, 2019

Read More

Afisa Utumishi adakwa na TAKUKURU akipokea rushwa ya laki moja

Taasisi ya Kuzuia na Kupambana na Rushwa (TAKUKURU) Mkoani Kilimanjaro, inamshikilia Afisa Utumishi Mwandamizi wa halmashauri ya Wilaya ya Moshi Julius Kimaro kwa tuhuma za kudai na kupokea rushwa ya shilingi 100,000.

Akizungumza na Waandishi wa habari ofisini kwake Mkuu wa Takukuru mkoa wa Kilimanjaro Holle Makungu alisema mtumishi huyo alitenda kitendo hicho kwa mfanyabiashara wa vinyago.

Makungu alisema alikamatwa na maafisa wa Takukuru Agosti 20 mwaka huu katika maeneo ya baa iitwayo Forest, Manispaa ya Moshi

“Afisa Utumishi huyo alipewa majukumu ya kusimamia makusanyo ya maduhuli katika halmashauri ya Moshi, alipokea rushwa ya shilingi laki moja kutoka kwa mfanyabishara wa vinyago ambaye baadaye alituletea taarifaza kuombwa rushwa,” alisema Makungu.

Awali ilielezwa kuwa Kimaro alimkadiria mfanyabiasharo huyo wa vinyago kuwa anatakiwa kulipa kiasi cha shilingi milioni nne kwa mwezi.

Hata hivyo Afisa huyo, alimuahidi kuwa angempunguzia mfanyabishara huyo hadi kufikia kiasi cha shilingi milioni moja na laki mbili (TZS 1,200,000) endapo angempa kiasi cha shilingi laki moja.

“Baada ya mazungumzo na makubaliano ya wawili hao ndipo mfanyabiashara huyo alikuja na kutupatia taarifa iliyofanya tumkamate afisa huyo,” aliongeza Makungu.

Makungu alisema hatua za kisheria zitachukuliwa dhidi ya mtumishi huyo baada ya uchnguzi kukamilika huku wananchi wakitakiwa kuendeleza mapambano dhidi ya rushwa kwa kutoa taarifa sahihi inapotokea kuna vitendo hivyo bila kujali wadhifa wa mtu au hadhi yake kwa jamii.

Read More

Mwanamke mchawi akamatwa juu ya paa la Mchungaji

Jeshi la Polisi Mkoa wa Iringa linamshikilia na kumhoji mwanamke Kabula Masunga(41), anayedaiwa kufanya vitendo vya kishirikiana(uchawi) baada mama huyo kukutwa ameganda kwenye paa la nyumba la Mchungaji Jeremia Charles saa 11 alfajiri ya Agosti 18, 2019 akiwa amevalia mavazi ya nusu utupu na ungo. 

Kamanda wa Polisi Mkoa wa Iringa Juma Bwire amesema  Agosti 20,2019 kuwa mwanamke huyo anatuhumiwa kufanya ushirikina huo eneo la Isele Ilula wilayani Kilolo mkoani Iringa na kusababisha taharuki kwa wakazi wa maeneo hayo. 

Amefafanua mwanamke huyo ambaye ni mpagani na mkazi wa Morogoro alikutwa akiwa katika mazingira hayo akiwa amejifunga mavazi ya rangi nyekundu na nyeusi lakini kifua aliacha wazi. 

"Pia alikutwa akiwa na ungo uliyofungwa kitambaa ya rangi nyeusi na nyekundu.Amekutwa pia na pembe la ng'ombe na alijifunga hirizi mikononi. Mwanamke huyo alikuwa na wenzake wanne inaodaiwa alikuwa anasafiri nao kwa kutumia ungo,"amesema . 

Kamanda Bwire amesema kwa sasa wanaendelea kumhoji zaidi ili kufahamu lengo la kufanya ushirikina huo.

Read More

MAKTABA YA JAIZMELA: Slobodan Milosevic ni nani?

Slobodan Milosevic alikuwa Rais wa Serbia kuanzia 1989 hadi 2000. Pia Milosevic alikuwa Rais wa Jamhuri ya Shirikisho la Yugoslavia kutoka 1997 hadi 2000. 

Aliongoza Chama cha Kijamaa cha Serbia kutoka msingi wake mnamo 1990 na aliibuka na kuwa Rais wa Serbia wakati ambao juhudi za kurekebisha Katiba ya Yugoslavia ya mwaka 1974 zilikuwa zikianza. 

Katiba hiyo ilikuwa haina uwezo wa kisiasa kuzuia mizozo katika Albania na jimbo la Kosovo la Serbia yaliyokuwa yakitaka kujitenga tangu awali.  Asili ya Milosevic ilianzia katika kijiji cha Lijeva Rijeka pale Podgorica na ukoo kutoka Montenegro. 

Alizaliwa Agosti 20, 1941 katika mji ambao upo kati ya mito mitatu ya Danube, Great Morava na Mlava wa Požarevac. Milosevic alizaliwa miezi minne baada ya uvamizi wa Falme ya Yugoslavia uliofanywa na mataifa Ujerumani, Italia na Japan yalikuwa yakifahamika kama Roberto. 

Milosevic alikuwa na kaka yake ambaye baadaye alikuja kuwa Mwanadiplomasia. Baba yake Milosevic alijiua mwaka 1962. Pia mama yake aliyekuwa akifahamika kwa jina la Stanislava ambaye alikuwa mwalimu wa shule na mwanachama hai wa Chama cha Kijamaa alijiua mwaka 1972. Milosevic alisoma sheria katika Chuo Kikuu cha Belgrade. 

Milosevic anakumbukwa kutokana na kuwa chanzo cha anguko la Shirikisho la kijamaa la Jamhuri ya watu wa Yugoslavia mwanasiasa huyu wa Serbia mwenye msimamo mkali aliingia madarakani kupitia harakati kali za utaifa wa Serbia, baada ya kushika hatamu ya madaraka ya rais wa urais wa Jamhuri ya kijamaa ya Serbia mnamo Mei 8, 1989 hadi Januari 11, 1991 na Urais wa Jamhuri ya Serbia kuanzia Januari 11, 1991– Julai 23 1997. 

Kitendo chake cha kutaka kuwapa nguvu kubwa raia wachache wenye asili ya Serbia ambao ni Wakristo katika jimbo la Kosovo dhidi ya raia wenye asili ya Albania walio wengi na ambao pia ni Waislamu kwa madai kuwa raia wenye asili ya Serbia ambao ni Wakristo walikuwa wanabaguliwa katika jimbo hilo. 

Pia hatua yake ya kupingana na jamhuri nyingine zilizokuwa zinaunda shirikisho la kijamaa la Yugoslavia katika mpango wa kulifanyia mageuzi shirikisho hilo kulipelekea kuibuka kwa chuki kali dhidi ya raia wenye asili ya Serbia waliokuwa wakiishi katika Jamhuri nyingine za shirikisho. Akiungwa mkono na wanaharakati wa utaifa wa Serbia walio wachache kutoka Kosovo na Bosnia-Herzegovina pia kwa kupewa msaada na washirika wake katika television ya Taifa ya Serbia, aliendelea kueneza chuki miongoni wa raia wenye asili ya Serbia walio wachache katika jamhuri za Croatia na Bosnia. 

Television ya Serbia ilikuwa ikionyesha matukio ya mauaji ya kutisha yaliyofanywa na mafashisti wa Croatia dhidi ya Waserb wakati wa vita kuu ya pili ya Dunia. Hofu ilitawala miongoni mwa jamii ya Waserb huko Croatia na Bosnia kwamba hatima kama hiyo iliyowakuta wenzao na wao inawasubiri. 

Hali hii ilipelekea kuibuka kwa itikadi za kuweka msingi wa uanzishwaji wa Serbia kubwa "Greater Serbia" taifa ambalo halitakuwa Serbia tu, bali litakalojumuisha na maeneo ya Bosnia na Croatia yenye idadi kubwa ya wakazi wenye asili ya Serbia. 

Ili kufanikisha mpango huo, mkakati uliokuwa umewekwa ilikuwa ni kuwaondoa raia wote wasiokuwa Waserb ( Ethnic Cleansing) katika Serbia na miji inayokaliwa na Waserb wengi katika jamhuri za Croatia na Bosnia. 

Mnamo Machi 26, 1990 uongozi wa Serbia chini ya Rais Slobadan Milosevic ulikutana kujadili hali ya uhasama ulivyokuwa ikiendelea ndani ya shirikisho la Yugoslavia na kufikia makubaliano rasmi kuwa vita katika Jamhuri za Croatia na Bosnia-Herzegovina ni suala lisiloepukika. 

Julai 2, 1990 bunge la Kosovo nalo lilitangaza kuwa Kosovo ni Jamhuri yenye hadhi kama zilivyo jamhuri nyingine sita zilizokuwa zikiunda shirikisho la Yugoslavia. Kufuatia tangazo hilo, Bunge la Serbia lilipiga kura kuweka marufuku kwa jimbo la Kosovo lenye Waislamu wengi ambao ni wakazi wenye asili ya Albania kuwa na Bunge lake. 

Milosevic alifariki dunia Machi 11, 2006. Milošević alikutwa amekufa katika seli yake ya gereza katika Mahakama ya Uhalifu wa Kivita ya ICC, The Hague, Uholanzi.

Imetayarishwa na Jabir Johnson,.....Agosti 20, 2019

Read More

Afghanistan yaadhimisha miaka 100 ya uhuru wake

Afghanistan inasherehekea miaka 100 ya uhuru wake. Agosti 1919, baada ya vita vya tatu vya Uingereza na Afghanistan na baada ya miaka 60 ya utawala wa Uingereza, nchi hiyo ilitambuliwa kama taifa huru.

Wafghanistan wengi hawajihisi kusherehekea. Mmoja wa wasiosherehekea ni Mirwais Alani, bwanaharusi, ambaye harusi yake ililengwa na shambulizi la kundi la kigaidi la Dola la Kiislamu mwishoni mwa wiki.

Zaidi ya wageni 60 na wanafamilia waliuawa na zaidi ya 180 walijeruhiwa. Wakati wahanga wa kwanza wakizikwa jana mjini Kabul, Mirwais alizugumza na ripota kutokea ofisi za shirika la habari la reuters.

"Sina matumaini tena na nchi yangu. Nimempoteza kaka yangu, marafiki waliokuja kwenye harusi yangu. Sina hamu tena na sherehe za uhuru wa nchi yetu. Waache wapambe mji na wauangaze. Sherehe za uhuru ni kwa ajili ya matajiri tu. Kwenye harusi yangu walikuwepo wafanyakazi na watu wa kawaida tu."

CHANZO: DW

Read More

Dkt. Mghwira atoa mifuko 100 ya saruji Same

Mkuu wa wilaya ya Same Rosemary Senyamule akikabidhi mifuko ya saruji kwa niaba ya Mkuu wa Mkoa Kiimanjaro Dkt. Anna Mghwira.

Mkuu wa mkoa wa Kilimanjaro Dkt. Anna Mghwira, ametoa msaada wa mifuko ya saruji 100 kwa ajili ya ujenzi wa kituo cha afya cha Mtii na ujenzi wa madarasa katika shule ya msingi Magulunde iliyopo wilaya ya Same mkoani hapa.

Dkt. Mghwira alisema, ameamua kutoa msaada huo wa saruji, ili kuwaunga mkono wananchi wa kata hiyo, waliojitolea kuanza ujenzi wa madarasa  katika shule hiyo pamoja na kituo cha afya ili waweze kukamilisha ujenzi huo.

Akizungumza wakati wa kukabidhi msaada huo, kwa niaba ya Mkuu wa mkoa, Mkuu wa wilaya ya Same Rosemary Senyamule, amewapongeza wananchi kwa kata hiyo kwa hatua waliyoifikia ya kuanza ujenzi wa kituo cha afya na ujenzi wa madarasa.

Dc Senyamule pia alitoa rai kwa kamati ya ujenzi kuhakikisha kwamba  saruji iliyotolewa  wanaitumia kwa lengo yaliyokusudiwa na endapo atabainika mtu yeyote kujihusisha na uchakachuaji wa saruji hiyo hata sita kumchukulia hatua kali za kisheria.

“Msaada huu wa mifuko 100 ya saruji ambayo nimewakabidhi hivi punde kwenu leo  ni kwa ajili ya kusaidia ujenzi wa kituo cha afya Mtii na ujenzi wa madarasa katika sule ya msingi Magulunde, nawaomba saruji hii itumike kwa kujenga kituo cha afya na madarasa, sitaki kusikia imebadilishiwa matumizi wala kusikia kwamba imeibiwa,”alisema DC Senyamule.

Dc Senyamule  alisema hakuna taifa lolote duniani ambalo linaweza kuendelea bila kuwekeza katika sekta ya elimu, hivyo ninatoa wito kwa wazazi na walezi kuwekeza kwa watoto wao kwa kuwapatia elimu ambayo itakuwa msingi wa maisha yao ya baadae.

Aliongeza kusema kuwa “Napenda kuona watoto wanasoma katika mazingira mazuri ili watimize ndoto zao  hatimaye baadae wawe viongozi wazuri wa taifa hili, walimu wakikaa katika ofisi zilizo bora hata moyo wa kufundisha wanakuwa nao,”alisema Dc Senyamule.

Kwa upande wake Mwenyekiti wa CCM wilaya ya Same Isaya Mngulu, ameipongeza serikali ya awamu ya tano inayoongozwa na Mwenyekiti wa (CCM)  taifa Dkt John Magufuli,  kwa kazi kubwa ya kuwapelekea wananchi maendeleo katika kila nyanja.

Nao baadhi ya wakazi wa kata hiyo wamemshukuru Mkuu wa mkoa Dkt. Mghwira kwa  kuwaletea saruji hiyo kwa ajili ya ujenzi wa madarasa yao pamoja na kituo cha afya,  jambo ambalo walikuwa wanalilia kupata huduma hizo kwa karibu zaidi ili kuwapunguzia adha wanayoipata wananchi ya kutafuta huduma umbali mrefu.

“Tunampongeza  Mkuu wa mkoa Mama Mghwira, kwa kuweza kutusaidia mifuko hii ya saruji, tunawaomba na wadau wengine waone umuhimu wa kuweza kutusaidia kwani jengo hili la kituo cha afya hadi kukamilika kwake linahitaji zaidi ya Sh. 35/= milioni,”alisema  msoma risala.

STORY BY: Kija Elias….Agosti 2019

Read More

Wananchi wamlilia DC Senyamule mikutano ya serikali ya Kijiji

Wananchi wa kijiji cha Mhero Kata ya Chome, Wilaya ya Same mkoani Kilimanjaro, wamelalamikia kitendo cha kutoitishwa mikutano ya kijiji mara kwa mara pamoja na kusomewa taarifa za mapato na matumizi ni moja ya sababu kubwa inayokwamisha shughuli za maendeleo katika kijiji hicho.

Wakizungumza katika mkutano wa kijiji ambao uliitishwa na Mkuu wa wilaya ya Same Rosemary Senyamule kwa malengo ya kutatua kero za wananchi,  pamoja na kujadili changamoto mbalimbali ikiwa ni pamoja na shughuli za maendeleo, wananchi hao wamewatupia lawama  wenyeviti wa vijiji kwa kutoitisha mikutano ya serikali ya kijiji chao.

Kufuatia kuwepo kwa tuhuma hizo, Mkuu huyo wa wilaya, aliwataka Wenyeviti wa Vijiji wilayani humo, kuhakikisha kwamba wanasoma taarifa ya mapato na matumizi kwa wananchi kabla ya Agosti 30 mwaka huu.

DC Senyamule alilazimika kutoa kauli hiyo wakati alipokuwa akizungumza na kwenye mkutano wa hadhara na wananchi wa kijiji cha Mhero Kata ya Chome  ikiwa ni  ziara yake ya kutatua kero za wananchi ambapo baadhi ya wananchi walionyeshwa kukerwa na viongozi wa vijiji kwa kushindwa kutoa taarifa za mapato na matuzi kwa muda mrefu.

“Naomba kutoa maagizo ya serikali hapa, ifikapo Agosti 30 mwaka huu, nataka wenyeviti wa vijiji muwe mmeshasoma taarifa za mapatio na matumizi na tarifa hizo ziweke kwenye matangazo ili kila mwananchi aweze kuisoma taarifa hiyo,” alisema DC Senyamule.

Alisema Mwenyekiti yeyote wa serikali ya kijiji asiondoke madarakani kabla hajasoma taarifa za mapato na matumizi, ikiwemo michango ya wananchi walivyoshirika katika kuchangia shughuli za maendeleo katika eneo husika.

Aidha DC Senyamule alimwagiza Mkaguzi wa ndani ahakikishe ndani anafanya ukaguzi na kumpelekea taarifa hizo baada ya wiki mbili ofisini kwake.

Pia Mkuu huyo wa wilaya alitoa maelekezo kwa mganga mkuu wa wilaya hiyo kuhakikisha Kituo cha afya cha Shengena kinaanza kutoa huduma ifikapo Septemba mosi mwaka huu, hususani katika upande wa  wodi ya mama na mtoto.

Read More

MAKTABA YA JAIZMELA: Napoleon Bonaparte ni nani?

Napoleon Bonaparte alikuwa mwanajeshi wa Ufaransa na kiongozi wa kijeshi wa asili ya Italia ambaye aliibuka juu wakati wa Mapinduzi ya Ufaransa na aliongoza kampeni kadhaa zilizofanikiwa wakati wa Vita vya Mapinduzi vya Ufaransa. 

Alikuwa Mtawala wa Mfaransa kama Napoleon I kutoka 1804 hadi 1814 na tena kwa ufupi mnamo 1815 wakati wa Siku Hizi. Napoleon alitawala mambo ya Ulaya na kimataifa kwa zaidi ya muongo mmoja wakati akiiongoza Ufaransa dhidi ya safu ya umoja katika Vita vya Napoleon. Alishinda zaidi ya vita hivi na idadi kubwa ya vita vyake, akijenga himaya kubwa ambayo ilitawala sehemu nyingi za Ulaya kabla ya kuangushwa kwa mwisho mnamo 1815.

Anachukuliwa kuwa mmoja wa makamanda wakubwa katika historia, na vita vyake na kampeni zake zimesomwa. kwenye shule za kijeshi ulimwenguni. Urithi wa kisiasa na kitamaduni wa Napoleon umeendelea kuwa mmoja wa viongozi wanaosherehekea na wenye utata katika historia ya wanadamu. 

Napoleon alizaliwa Agosti 15, 1769 huko Corsica kwa familia ya wastani kutoka kwa ukuu mdogo wa Italia na kufariki Mei 5, 1821. 

Alikuwa akihudumu kama afisa wa shughuli za sanaa katika jeshi la Ufaransa wakati Mapinduzi ya Ufaransa yalipotokea mnamo 1789. Aliongezeka haraka kupitia safu ya jeshi, akachukua fursa mpya zilizowasilishwa na Mapinduzi na kuwa mkuu akiwa na miaka 24.

Read More

Same yapokea msaada wa vitabu vya Sayansi kutoka Uingereza

Wilaya ya Same mkoani Kilimanjaro imepokea shehena ya vitabu vya masomo ya Hisabati, Baiolojia, Chemistry na Fizikia vilivyotolewa na wadau kutoka nchini Uingereza kwa ajili ya wanafunzi wanaosoma masomo ya Sayansi. 

Akizungumza katika hafla ya kupokea msaada huo iliyoenda sanjari na uzinduzi wa Maktaba maalumu ya Sayansi iliyopo katika kijiji cha Goma kata ya Mshewa, Mkuu wa Wilaya ya Same Senyamule amewashukuru wadau wa Word Expedition Exchange kutoka nchini Uingereza kwa msada walioutoa kwani uwepo wa vitabu hivyo, vitahamasisha masomo ya Sayansi kwa wanafunzi wa shule za sekondari za maeneo ya vijijini.

DC Senyamule aliwaomba wadau hao kuendelea kuifadhili wilaya ya Same katika nyanja mbalimbali ikiwemo sekta ya maji na  afya huku pia akitoa wito kwa walimu wa shule za sekondari zilizopo kwenye ukanda huo kuhakikisha kuwa vitabu hivyo vinatumika kuleta matokeo chanya.

“Uwepo wa vitabu hivi utasaidia kupata wataalamu watakaotusaidia kuleta maendeleo katika misingi ya kuwajengea uwezo wa elimu, kwani  tutakuwa na uhakika wa madaktari , mainjinia, tutakuwa na mafundi katika sekta ya kilimo, mifugo na maji hivyo changamoto za wataalamu kwenye maeneo yetu haya tutakuwa tumezitatua ,”alisema DC Senyamule.

Aliongeza kuwa “Nawaomba wanafunzi muwape muda waje wasome vitabu hivi, mimi nilituma wataalamu wangu waje kuviangalia kama vinafaa kwenye mitaala yetu, walinipatia majibu kwamba vitabu  hivyo vinavyofaa,”alisema DC Senyamule.

Alifaanua kwamba kama wataalamu walinithibitishia kwamba ni vitabu vinavyofaa ni wazi kuwa tunawezo wa kuvitunza vitabu hivyo ili vitumike hata wenzetu waliotusaidia kuleta vitabu hivi waweze kuona kuwa kazi yao imekuwa na faida kwa watoto wetu kufaulu vizuri.

Kwa upande wake Mwalimu Gisela Trimo, alisema kuwa uwepo wa vitabu hivyo utasaidia kuinua ufaulu kwa wanafunzi kwenye masomo ya Sayansi  kwa sababu walikuwa na upungufu mkubwa wa vitabu hivyo.

“Vitabu hivi vitaleta mapinduzi makubwa katika ufundishaji na ufundishwaji  kwani mashuleni unakuta wanafunzi wana kitabu kimoja lakini wanaotumia ni wanafunzi kati ya watatu hadi watano,”alisema Mwl Tarimo.

Naye Mratibu wa Utalii wa Asili wa milima ya Chome na Shengena Elly Kimbwereza, ambaye alikuwa mwenyeji wa wageni hao, alieleza jinsi Utalii wa Asili unavyoweza kuunganishwa na shughuli za jamii husika na kuleta maendeleo .

Alisema uwepo wa vitabu hivyo vya masomo ya Sayansi vitasaidia katika sekta ya Tanzania ya viwanda  endapo wanafunzi hao watayasoma masomo ya Sanyansi wataweza kupatikana wataalam ambao wataweza kuendesha viwanda hapa nchi

Read More