Madiwani Moshi DC kuzuru vivutio vya utalii

Madiwani wa Moshi mkoani Kilimanjaro wanatarajia kutembelea vivutio vya utalii vilivyopo wilayani humo Jumamosi ya Tarehe 11 Februari 2023.

Akizungumza kwenye kikao maalum cha Baraza la Madiwani cha kupitisha mapendekezo ya mwaka 2023-2024, Mwenyekiti wa Halmashauri ya Moshi Moris Makoi alisema, “Tumeamua sisi kama madiwani kuvitembelea na kuvitangaza vivutio vyetu vya ndani  na Kauli Mbiu ni "Utalii wa Ndani Tuanze na Sisi Wenyewe".

Makoi aliongeza kusema kabla ya kupanga ziara hiyo ya siku moja walipendeza kamati ambayo ilifuatilia  na kuvibaini vivutiovya utalii  kasha kuwasilisha katika vikao vya halmashauri.

Aidha alitoa wito wa kila diwani katika eneo lake kuhamasisha utalii wa ndani.

Kwa upande wake Kaimu Afisa Maliasili na Uhifadhi wa Mazingira Wilaya ya Moshi Innocent Paulo alisema, “Halmashauri ya Wilaya ya Moshi  inavyo vivutio vingi sana ambavyo vingi havijatangazwa ipasavyo … Uwepo wa mlima mrefu barani Afrika Mlima Kilimanjaro watalii wengi wanakuja kuupanda mliama huo lakini kama wangevitambua na hivi vingine itasaidia pia kuvitangaza.”

Diwani wa Uru Mashariki Samweli Materu alisema, “Madiwani ndio kichocheo kikubwa cha maendeleo  ndani ya kata husika hivyo ziara ya madiwani ina umuhimu mkubwa sana katika kuwahamasisha wananchi kuvitembelea vivutio hivyo,”. 

“Kata Uru Mashariki  kwenye  kijiji cha Materuni kuna mradi mkubwa wa "Mnambe" ambayo ni maanguko ya maji, wageni wengi wamekuwa wakitembelea eneo hilo,”aliongeza diwani huyo.

Madiwani wa  Mbokomu  na Kibosho Kati Raphael Materu na Bahati Mamboma  walisema Kamati ilibaini kuwepo kwa vivutio vyingi ambavyo havitambuliki licha ya kuwepo kwa kuanza ambako kutahamasisha utalii wa ndani na taarifa zake kuenea kwa Watanzania

Wilaya ya Moshi ina vivutio vya utalii Maporomoko ya Maji ya Materu, Mahandaki, Mti Mrefu barani Afrika uliopo Kidia, Mahali aliponyongewa  Mangi Meli katika mti wa Mgunga eneo la soko la Tsuduni.

Maporokomo ya Maji ya Materuni yaliyopo wilayani Moshi.

Diwani wa Mbokomu Raphael Materu (wa kwanza kushoto) mnamo Februari 7, 2023

Diwani wa Kibosho Kati Bahati Mamboma

Mwenyekiti wa Halmashauri ya Moshi DC Moris Makoi.