Ethiopia Airlines yapata pigo

Shirika la Ndege la Ethiopia Airlines limepata pigo kubwa kuwahi kutokea baada ya ajali ya ndege yake familia ya Boeing 737 Max Jet iliyoanguka jana dakika sita tu baada ya kupaa kutoka jijini Addis Ababa. Ajali hiyo imeua abiria wote waliokuwamo katika ndege hiyo iliyokuwa ikielekea Nairobi nchini Kenya. Idadi ya waliopoteza maisha ni 157 kutoka mataifa 35 huku Kenya ikiongoza kwa kupoteza abiria wengi wanaofikia 32. Ndege hiyo ilianguka katika mji mdogo wa Bishoftu nje kidogo ya Uwanja wa ndege wa Kimataifa wa Bole jijini Addis Ababa.