Shule ya Msingi Matemboni kubomolewa, kufanywa mpya

Mwonekano wa vyumba vya madarasa katika shule ya msingi Matemboni,  ambavyo vimechaa, Halmashauri ya Wilaya ya Moshi imeanza mkakati wa kuyabomoa majengo hayo na kujenga vyumba vipya kwenye shule hiyo ambayo tayari kiasi cha Sh 60 milioni zimetolewa kwa ajili ya ujenzi wa vyumba vitatu na matundu ya vyoo shuleni hapo. (Picha zote na Kija Elias)

 

Shule ya Msingi Matemboni katika Halmnashauri ya Wilaya ya Moshi ipo mbioni kubomolewa na kufanyiwa marekebisho kutokana na uchakavu wa majengo yake, hali ambayo imekuwa changamoto kwa wanafunzi wanaosoma shuleni hapo.

Taarifa ya Halmashauri ya Wilaya ya Moshi chini ya Mkurugenzi Kastori Msigala inaonyesha kuwa mpaka sasa kiasi cha shilingi milioni 60 kimeshatolewa kwa ajili ya ukarabati mkubwa wa vyumba vya madarasa pamoja na matundu ya vyoo.

Shule hiyo kongwe miongoni mwa shule za msingi mkoani Kilimanjaro iliyoanzishwa mnamo mwaka 1941 imekuwa katika changamoto ya uchakavu wa vyumba vya madarasa hali inayoshusha morali ya wanafunzi kufanya vizuri.

Mkurugenzi mtendaji wa Halmashauri ya Wilaya ya Moshi Kastori Msigala (kulia), akipata maelezo  kutoka kwa Afisa  Elimu Msingi Halmashauri  ya wilaya ya Moshi Mwl. Gaudence Assey, walipotembelea shule ya msingi Matemboni iliyopo Kata ya Old Moshi Mashariki.