Mama mzazi atuhumiwa kufanya mapenzi na mwanaye wa kiume

Ukistaajabu ya Musa, basi ujue ya Firauni yapo, ndivyo unavyoiweza kusema baada ya tukio la kustaajabisha na kusikitisha baada ya kijana wa kiume mwenye umri wa miaka 16 mkazi wa Matindigani Manispaa ya Moshi Mkoani Kilimanjaro kufanya mapenzi na mama yake mzazi.

Sakata hilo ambalo limetokea siku za hivi karibuni katika kata hiyo ya Pasua limeshuhudia mtafaruku miongoni mwa wakazi wa eneo hilo na maeneo ya jirani huku kijana huyo wa kiume akikana kufanya vitendo hivyo na mama yake mzazi mwenye umri wa miaka 59.

Taarifa za kuhusika na vitendo hizo zilipatikana baada ya mdogo wa kijana huyo wa kiume kuwakuta chumbani wakifanya vitendo hivyo ndipo alipoamua kutoa taarifa kwa majirani kwa ajili ya msaada zaidi.

Hata hivyo kijana huyo wa kiume alisema kiuhalisi huingia chumbani kwa mama yake  lakini suala la kufanya mapenzi na mama yake mzazi sio kweli

“Mara kadhaa nimekuwa nikifika chumbani kwa mama yangu, huwa ninapendelea wakati wa kunywa pombe zangu ninaketi pembezoni mwa kitanda cha mama yangu kasha ninaondoka zangu…tuhuma hizi ni za kusingiziwa,” alisema  kijana huyo wa kiume.

Kijana huyo aliongeza kuwa siku ya tukio aliingia chumbani mwa mama yake mzazi akiwa amelewa na alianza kunywa pombe nyingine na hatimaye aliondoka.

Mama mzazi anayetuhumiwa kufanya vitendo hivyo alikana kuhusika na kudai kuwa sio za kweli.

“Sijawahi kufanya kitendo hicho na mtoto wangu wala kumvulia nguo, wala kumshuhudia kwa macho yangu mwenyewe akiwa kifuani kwangu, ninapofanya kazi zangu nikimaliza huwa ninakwenda kunywa pombe, kisha narudi zangu kulala…sijawahi kumkuta kifuani kwangu kwa macho yangu kabisa kwa kweli,” alisema Mama mzazi.

Kwa upande wake Mwenyekiti wa Mtaa wa Matindigani Amos Pmachi na Diwani wa kata ya Pasua Pastori Minja walisema ulevi kupita kiasi umekuwa ukichangia mmonyoko wa maadili na ndio sababu matukio kama hayo huonekana kuwa ya kawaida.

“Suala la ulevi kupita kiasi linachangia kiasi kikubwa vitendo vya ukatili.Sisi kama viongozi tunalikemea kwa nguvu zote lisiweze kutokea tena katika jamii. Kwa ni ni tukio la aibu sana ,” waliongeza

Msaidizi wa masuala ya kisheria mjini Moshi Immaculata Mwigane alisema wanatakiwa kusimamia maadili na malezi huku akitaka familia zimrejee Mwenyezi Mungu.

“Mtoto huyu alipelekwa shule na kaka yake katika katika masuala ya ufundi wa magari lakini mama yake alimkatalia na kutaka aendelee kuishi nyumbani”, alisema  Mwigane.