Moshi DC yaipongeza AKO Tanzania Community Support

 

Mwenyekiti wa Halmashauri ya Moshi DC akifunua mfuniko wa mojawapo ya Sufuria la chakula kwa ajili ya watoto wa shule ya msingi Sungu wakati wa ziara ya kukagua ukarabati wa shule hiyo kwa hisani ya Ako Community Tanzania

Mwenyekiti wa Halmashauri ya Moshi Moris Makoi ameipongeza na kuishukuru taasisi isiyo ya kiserikali ya Ako Tanzania Support kwa msaada wao walioutoa kuzikarabati Shule za Msingi Sungu na Uchau zilizopo Kibosho huku akitoa wito kwa watanzania kuunga mkono juhudi za wahisani hao.

Makoi ameyasema hayo tarehe 19 Aprili 2023 wakati wa ziara yake ya siku moja kukagua kazi iliyofanyika baada ya wahisani hao Ako Tanzania Community Support kwa ushirikiano na Ako Community Support kutoka Ujerumani kufanikisha ujenzi na ukarabati wa majengo za shule hizo.

Akiwa na timu ya elimu kutoka katika halmashauri hiyo Makoi amesema shule hizo zimejengwa muda mrefu lakini zimekuwa na changamoto mbalimbali ikiwamo vyoo, vyumba vya madarasa, majiko hali ambayo imekuwa ikisababisha mazingira magumu kwa wanafunzi wanaosoma humo walimu wanaowafundisha.

“Tumefika Sungu na Uchau na tumeona kazi kubwa waliyoifanya kwa gharama kubwa, baada ya mazungumzo nao kwa kina wameniahidi sasa watakarabati na madarasa karibu matano na ofisi za mwalimu; kikubwa katika ziara hii ilikuwa ni kutambua mchango wao katika jamii hii, kuwashukuru na kuonyesha kwamba serikali iko nao katika shughuli hizi ambazo wanafanya,” amesema Makoi.

Hata hivyo Makoi amesema haikua rahisi kukubali msaada wa kufanyiwa ukarabati katika shule hizo kwani sio kila msaada ni wa kuukubali kutokana na hofu iliyotanda ya misaada ambayo imekuwa ikienda kinyume na utamaduni wa Watanzania.

“Kama mwenyekiti wa halmashauri nimefika hapa kwa ajili ya kujiridhisha kama msaada unakidhi vigezo vya msaada; misaada tunayoitaka kama nchi sasa isije ikawa misaada ya kigeni ambayo inakuja kuingilia utamaduni, mila na desturi zetu, nimejiridhisha kwamba Ako Tanzania Community Support wako tu kwa ajili kusaidia na sio kuja kutuingiza katika mambo yasiyofaa,” ameongeza Makoi.

Pia Makoi ameitaka jamii inayozunguka shule hizo kuwa walinzi huku akiwataka walimu kuhakikisha rasilimali hizo inatunzwa kwa ajili ya vizazi vijavyo.

Akizungumza na JAIZMELA mwakilishi wa AKO Community Support ya Ujerumani Dieter Jaenicke katika program ya ujenzi wa jiko, ukumbi wa chakula na ukarabati wa vyumba vya madarasa katika Shule ya Msingi Uchau amesema elimu ndio tumaini pekee kwa kila jamii hapa ulimwenguni.

“Kwa niaba ya Ako, nataka kueleza kwa nini tupo hapa, tunaamini kwamba watoto ni mustakabali wa nchi, na elimu kwa watoto ni muhimu zaidi kwa kila nchi duniani na tuna furaha kubwa tunaweza kukusaidia kidogo. kidogo kwa nguvu na vyanzo vyetu kufanya elimu ya watoto kuwa nzuri iwezekanavyo,” amesema Jaenicke.

Mwakilishi huyo aliongeza kuwa alipofika na kuyaona mazingira ya shule alihisi kugusw akufanya kitu kwa ajili ya watoto wa Kitanzania

“Niliona shule hii haiko katika hali nzuri na nikaona ni lazima tufanye kitu… na kipaumbele cha kwanza wanahitaji jiko la shule na sasa jiko lipo…”amesema Jaenicke

Kwa upande wake Mkuu wa Shule ya Msingi Sungu Redempta Assey amesema wanaushukuru uongozi na wahisani AKO Community Support pande zote mbili ya Tanzania na Ujerumani kwa kuwaona na kuleta misaada ambayo ina nia ya maendeleo kwani watoto watasoma katika mazingira bora na Tanzania itajengeka.

“Tunawashukuru sana wafadhili kutoka Ako Ujerumani kwa msaada wao kwa kutukarabati shule hii ilikuwa na changamoto ya madarasa kuwa mabovu sana tunaahidi tutayatunza, huu ukarabati utasaidia taaluma itazidi kupanda juu,” amesema Assey.

Mkuu wa Shule ya Msingi Uchau Agnes Mbwambo amesema kuwajengea jiko linalotunza mazingira, ukumbi wa chakula na ukarabati unaotarajiwa kuanza wa vyumba vya madarasa ni jambo zuri la lenye faida kwa watanzania.

“Tunawashukuru sana, sana, sana tunaomba waendelee kuwa karibu nasi na Mungu awabariki,”amesema Mbwambo.

Miradi hiyo imegharimu kiasi cha Shilingi mil. 340 za Tanzania kati ya hizo mradi wa Sungu umegharimu kiasi cha shilingi mil. 100 na wa Uchau umegharimu kiasi cha shilingi mil. 240

Mwonekano wa mojawapo ya majengo ya Shule ya Msingi Uchau. Shule hiyo ilijengwa mnamo mwaka 1948 na wamisionari kutoka Ujerumani.

Mwakilishi wa Ako Community Support ya Ujerrumani Dieter Jaenicke akizungumza jambo kwa viongozi wa Halmashauri ya Moshi DC waliozuru katika Shule ya Msingi Uchau kujionea program maalumu ya kuikarabati shule hiyo

Read More

PICHA: Ziara ya Mwenyekiti wa Halmashauri Moshi, kujionea Program ya Ako Tanzania Community Support

 

Mwenyekiti wa Halmashauri ya Moshi DC Moris Makoi akizungumza jambo kwa waandishi wa habari katika Shule ya Msingi  Uchau- Kibosho Mashariki alipotembelea programu ya Ako Tanzania Community Support kwa ushirikiano na Ako Community Support ya Ujerumani. (Picha zote na Dionis Nyato)

Mwakilishi wa Ako Community Support ya Ujerrumani Dieter Jaenicke akizungumza jambo kwa viongozi wa Halmashauri ya Moshi DC waliozuru katika Shule ya Msingi Uchau kujionea program maalumu ya kuikarabati shule hiyo.

Mwenyekiti wa Halmashauri ya Moshi DC Moris Makoi akiwa na Mkuu wa Shule ya Msingi Uchau  Agnes Mbwambo

Mwonekano wa mojawapo ya majengo ya Shule ya Msingi Uchau. Shule hiyo ilijengwa mnamo mwaka 1948 na wamisionari kutoka Ujerumani.

Mwonekano wa mojawapo ya majengo ya Shule ya Msingi Uchau. Shule hiyo ilijengwa mnamo mwaka 1948 na wamisionari kutoka Ujerumani.

Mwenyekiti wa Halmashauri ya Moshi DC Moris Makoi akizungumza na kamati ya ukarabati wa shule zilizopo kwenye program ya Ako Tanzania Community Support kwa ushirikiano na Ako Community Support ya Ujerumani.

Mwakilishi wa Ako Community Support ya Ujerumani Dieter Jaenicke 

Mkuu wa Shule ya Msingi Sungu Redempta Assey akiwa darasa na wanafunzi wake wa Darasa la Saba 

Read More

Mfumo wa Mageuzi ya Kimfumo na Usimamizi unavyoinufaisha KCBL

Meneja Mkuu wa (KCBL) Godfrey Ng’ura, akizungumza mbele ya waandishi wa habari kuhusu mageuzi ya kimfumo na usimamizi unavyoinufaisha benki hiyo kuelekea kuwa Benki ya Taifa ya Ushirika ifikapo Juni 2023 (Picha zote na Johnson  Jabir/JAIZMELA Blog)

Benki ya Ushirika  Kilimanjaro (KCBL) imepitia mageuzi ya kimfumo na usimamizi ambao ifikapo Juni mwaka huu itakuwa Benki ya Taifa ya Ushirika. 

Akizungumza jana katika Mkutano na Waandishi wa Habari mjini Moshi mkoani Kilimanjaro Meneja Mkuu wa (KCBL) Godfrey Ng’ura, alisema kCBL ni benki pekee iliyosalia hapa nchini ikitoa huduma kwa zaidi ya miaka 20 ambapo mageuzi ya kimfumo na usimamizi yataifanya kuwa Benki ya Taifa ya Ushirika. 

Benki ya KCBL  inashirikiana na Tume ya Maendeleo ya Ushirika TCDC, benki ya CRDB,  SCCULT, TFC na Vyama vya Ushirika kuanzisha Benki ya Taifa ya Ushirika kupitia Benki ya KCBL  kwa kufanya mageuzi ya kimfumo na kiuendeshaji ndani ya KCBL  ili kuunda benki mpya ya Taifa ya Ushirika,"alisena Ng'ura. 

Meneja huyo alisema licha ya kupitia changamoto lukuki, lakini mwaka 2022 ameifanya KCBL kupata ongezeko la faida kwa mwaka wa pili mfululizo. 

"Tusingeweza bila ninyi wanahabari, moja wapo ya mafanikio haya ni kuongezeka kwa mtaji wa wanahisa hadi kufikia bilioni 4.4 kutoka bilioni 2.7 mwaka 2021. 

Aliongeza "Kumekuwa na ongezeko la zaidi ya akaunti elfu nane (8,000) na zimefanya miamala kwa mwaka 2022 kutoka elfu 15 za nwaka 2021 hadi kufikia elfu 21. 

Aidha Meneja alisema KCBL imepanua wigo wake wa huduma na kuanzisha bidhaa mpya za kubadili fedha za kigeni, mikopo kwa Wakandarasi, Wajasiriamali na vikundi vya akina mama na vijana. 

"Kwa mwaka 2022, tumeendelea kuimarisha upatikanaji wa huduma zetu kwa njia ya kidigitali kupitia KCBL,  Visa, ATM na Wakala, miundombinu hii imewapa fursa wateja wetu kupata huduma popote nchini,"aliongeza. 

Ng'ura aliongeza kuwa KCBL ilizindua mfumo mkuu mama wa kibenki bora na wa kisasa uitwao BR. Net ambao umekuwa ukiboresha huduma kwa wateja wake. 

Akizungumza kwa niaba ya wakulima na wanahisa wa benki ya KCBL  Gabriel Ollomi, alisema ukosefu wa weledi ndio uliochelewesha KCBL kuwa benki ya Taifa ya Ushirika. 

Kwa upande wake Mrajis wa Vyama vya Ushirika na mtendaji Mkuu wa Tume ya Maendeleo ya Ushirika, Dkt. Benson Ndiege, alisema dhamira ya Serikali ni kutumia mfumo wa ushirika katika kuwewezesha wananchi kiuchumi na kuchangia ipasavyo katika ustawi wao na wa Taifa kwa ujumla. 

"Kazi kubwa ya Serikali ni kuhakikisha Ushirika unahamasishwa miongoni mwa watanzania na kusimamiwa kwa mujibu wa sheria ili kuwalinda na kuwanufaisha Wanaushirika," alisema Dk. Ndiege. 

Mrajis wa Vyama vya Ushirika na mtendaji Mkuu wa Tume ya Maendeleo ya Ushirika, Dkt. Benson Ndiege

Mkuu wa Kitengo cha Mikopo na Biashara Frank Wilson akizungumza jambo mbele ya waandishi wa habari.

Mrajis wa Vyama vya Ushirika mkoa wa Kilimanjaro Jackline Senzige 

Wafanyakazi wa KCBL katika picha ya pamoja mnamo Aprili 13, 2023 katika ukmbi wa mikutano wa Kili Wonders Hotel mjini Moshi, mkoani Kilimanjaro

Imetayarishwa na Johnson Jabir, April 13, 2023

 

Read More

PICHA: Mkutano wa Waandishi Habari na KCBL mjini Moshi; Kili Wonders Hotel

 Picha zote na Johnson Jabir 

Read More

Askofu Makundi wa IGMT aunga mkono juhudi za Tanzania kupinga mapenzi ya jinsia moja

 

Askofu mteule wa Kanisa la ITINERANT GOSPEL MINISTRIES (IGMT) Joshua Makundi

Watanzania wametakiwa kuendelea kumuunga mkono Rais Samia Suluhu Hassan, katika mapambano dhidi ya mmomonyoko wa maadili katika jamii. 

Mkuu wa Makanisa ya Kipentekoste Miracle Gospel Church  Tanzania (KMGCT) Askofu Dk. Godluck Manga katika ibada maalum ya Pasaka iliyoenda sambamba na tukio la kusimikwa kwa Askofu wa Makanisa ya ITINERANT GOSPEL MINISTRIES TANZANIA  (IGMT) Joshua Makundi, iliyofanyika kijiji cha Mambo Komakundi wilaya ya Moshi mkoani Kilimanjaro. 

Askofu Dk. Manga alisema ni jukumu la Wazazi na Walezi kushirikiana katika kuwakuza watoto kuwq na maadili yanayotakiwa kama vitabu vya dini vinavyoelekeza. 

"Inashangaza kuona kuwa licha ya kuwepo kwa elimu mema na mabaya lakini bado vitendo viovu vikiendelea kutendeka kwenye jamii,"alisema Askofu Manga. 

Dk. Manga ambaye pia ni Mjumbe wa Kamati Kuu ya Kitaifa ya Maridhiano na Amani Tanzania,  alimpongeza Rais Samia Suluhu Hassan  kwa hatua yake ya kusimamia haki ya Mungu kwa kupinga ndoa ya jinsia moja na wao kama viongozi wa dini wataendelea kumuunga mkono katika hilo kwa kumpa ushirikiano wa kutosha wakati wote anapoliongoza taifa. 

Alisema ndoa ya jinsia moja sio mpango wa Mungu, hata maandiko matakatifu ya Biblia na Quran  inakataza vitendo hivyo, na kumpongeza Rais Samia, viongozi wa serikali, Wabunge na Wananchi kupinga jambo hilo ndani ya nchi ya Tanzania kwani sio maadili ya Mwafrika. 

"Kila mafanikio yana msingi wake na moja wapo ya msingi wa amani tuliyonayo sasa ni mafanikio ya ya Rais wetu mpendwa Samia Suluhu Hassan, ambaye amekuwa sehemu kubwa ya kuhamasisha amani ya nchi yetu, ameifungua kwa kuleta maridhiano ya kitaifa ndani ya taifa letu,"alisema Askofu Manga. 

Askofu wa Kanisa la Free Pentecostal Fellowship in Kenya (FPFK) Stephen Ojwang, alisema daraja jipya la uaskofu ambalo amelipata Askofu Joshua Makundi anatakiwa kwenda kuwa muajibikati katika kuihubiri injili kwa watu wote. 

Katika mahubiri yake Askofu Ojwang alisema huduma ya uaskofu ni kuendelea kutangaza Habari Njema ya  Wokovu wa Yesu Kristo na kwamba anatakiwa kwenda kuitenda kwa uaminifu. 

Kwa upande wake Askofu mteule wa Kanisa la ITINERANT GOSPEL MINISTRIES (IGMT) Joshua Makundi, alisema ameupokea uaskofu huo kwa moyo na kuahidi kufikisha neno la Mungu mbali huku akiomba waumini kumuombea katika kazi hiyo ya utume. 

Aidha  Kiongozi huyo Mkuu wa Makanisa ya (IGM)  Tanzania Askofu  Makundi alisema kama kanisa hilo haliko tayari kuunga mkono ndoa ya jinsia moja.kwani jambo hilo sio mpango wa Mungu. 

Askofu Joshua Makundi alisimikwa Jumapili ya Aprili 9,2023 kuwa Askofu wa Makanisa ya  ITINERANT GOSPEL MINISTRIES TANZANIA (IGMT) ambapo alikabidhiwa vitendea kazi kama Kiti, Fimbo ya kiuchungaji, Biblia, Katiba na Muongozo.

Read More