Gareth Bale anyatia kiatu cha dhahabu Fifa Club World Cup 2018

 

Gareth Bale dhidi ya Kashima Antlers katika mchezo wa Fifa Club World Cup mwaka 2018.

Mshambualiaji Gareth Bale wa Real Madrid, ameonyesha nia ya kutaka kuondoka na kiatu cha dhahabu katika mashindano ya Fainali ya Klabu Bingwa ya Dunia. 

Mshambuliaji huyo juzi alifunga mabao matatu 'hat-trick' na kuiwezesha timu yake kuizamisha Kashima Antlers ya Japan kwa mabao 3-1 katika mechi ya nusu fainali na sasa itacheza fainali na wenyeji Al Ain ya Umoja wa Falme za Kiarabu. 

Kocha wa Real, Santiago Solari, amemfagilia Bale, ambaye amefikisha mabao sita katika mechi tano walizocheza hadi sasa, huku Real ikiwania kutwaa taji la tatu mfululizo la michuano hiyo. 

Mechi ya fainali itachezwa kesho kwenye Uwanja wa Zayed Sports City, mchezo unaoonekana kuvuta hisia za wengi ikizingatiwa Al Ain ya Abu Dhabi iliwaduwaza wengi baada ya kuing'oa kwa changamoto ya mikwaju ya penati bingwa wa Amerika ya Kusini, River Plate ya Argentina.

Kocha Santiago Solari akizungumza jambo na Gareth Bale baada ya kumaliza mchezo dhidi  ya Kashima Antlers. Bale alifunga 'hat trick'