Friendly Veterans Match: HIMO 1-4 BEST MARIDADI

Wachezaji wa Himo Veterans (wenye jezi ya Kijani) wakiwa katika picha ya pamoja na wageni wao BEST Maridadi katika dimba la Uwanja wa Polisi katika mji mdogo wa Himo kabla ya kuanza mchezo huo asubuhi ya Agosti 13, 2023

Mchezo wa kiveterani baina ya Himo dhidi ya Best Maridadi zote za Moshi mkoani Kilimanjaro umemalizika kwa wenyeji Himo kuzabuliwa kwa mabao 4-1 na Best Maridadi.

Hadi kipindi cha kwanza kinamalizika ilikuwa ni sare ya 1-1, hata hivyo kipindi cha pili kilikuwa shubiri kwa wenyeji kuruhusu wavu wake kutikiswa mara tatu nyingine.

Uongozi wa Himo umesema sababu za kupoteza mchezo huo ni uwepo wa vijana wengi katika timu ya Best Maridadi jambo ambalo hawajafurahishwa nao kwani vijana hao walitakiwa kuwa kwenye mechi za ushindani kukuza vipaji vyao.

Kwa upande wa Best Maridadi wamekiri kuwatumia vijana wengi kipindi cha pili kutokana na kukosekana kwa wachezaji wake.

Hata hivyo wamesema watalifanyia kazi walau wawe na vijana wanne kwa ajili ya kuungana na maveterani hao ili kuchezo soka.