Kampeni ya Tukacharu Rau-Mtoko Nyika kuifungua Moshi

Wakala  wa Huduma za Misitu Tanzania (TFS), Wilaya ya Moshi, Mkoa wa Kilimanjaro, wameendelea kuutangaza utalii wa ndani ambapo sasa wameweka nguvu kubwa katika hifadhi ya Msitu huo kwa kampeni ya Tukacharu Rau-Mtoko Nyika.

Akizungumza na waandishi wa habari jana ofisini kwake katika kampeni ya Tukacharu Ofisa Misitu daraja la pili TFS Wilaya ya Moshi Zayana Mrisho Hashimu, amesema malengo makubwa ya mpango kazi huo ni kuwafanya wakazi wa Moshi na viunga vyake wafahamu zaidi kuhusu utunzaji wa mazingira na viumbe waliomio ndani ya hifadhi hiyo.

Alisema hifadhi ya Msitu Asilia wa Rau uliopo Kata ya Njoro Mjini Moshi, umesheheni Vivutio mbalimbali vya Utalii ikiwemo mimea na miti ambayo ni adimu inayopatikana katika eneo hilo pekee hivyo TFS Wilaya ya Moshi imeandaa tukio la mbio za nyika ambalo wamelipa jina la Tukacharu Rau Forest  Mtoko Nyika ambalo litafanyika Agosti 20 mwaka huu kwa kushirikisha wakimbiaji 200 ikiwa ni sehemu ya kuutangaza utalii.

Zayana alisema  Msitu wa Rau ni msitu wa kipekee ambao una wanyama wengi, mimea na miti ambayo huwezi kuipata katika mahala pengine isipokuwa Msitu wa rau, na kwamba unapofika katikati ya Msitu wa Rau utakutana panya wenye masikio makubwa kama ya tembo ambao hawapatikani katika hifadhi yoyote hapa nchini pia Kuna vinyonga weupe, pamoja na 'Mti wa mvule ambao unakisiwa kuwa na umri wa miaka 200 na una urefu wa mita 51 na kipenyo Cha mita 3.

Alisema katika mbio hizo kutakuwa na matukio mbalimbali ambayo yatafanyika siku hiyo ikiwemo kuendesha baiskeli kwa kilometa 30, mbio za Joging, kutembea kwa miguu peku pamoja na kujionea vivutio mbalimbali vilivyomo katika hifadhi hiyo.

Ofisa huyo alisema Msitu wa Rau una vyanzo vya maji na hifadhi ya udongo ambao ni muhimu kwa ukuaji wa viumbe hao, pia msitu wa Rau una chemichemi sita za maji safi zinazotoka chini ya ardhi ambazo asili yake ni Mlima Kilimanjaro ambapo maji hayo huifikia ikolojia ya msitu huo kupitia mito  iliyopo chini ya ardhi  ambayo ilijitokeza kutokana na mlipuko wa volkano iliyotengeneza mlima huo mrefu barani Afrika.

Kwa upande wake Askari wa uhifadhi ndani ya Msitu wa Rau Shedrack Kilimba amesema Msitu huo una aina mbalmbali za wanyama, wakiwemo Kima, Mbega, swala, Nyani, ndege  aina 50 pamoja na miti wa Mvule wenye maajabu, ambao una miaka zaidi ya miaka 200, ambapo wageni kutoka ndani na njeya nchi wamekuwa wakifika na kuutembelea msitu huo.

Aidha Kilimba alisema katika tamasha hilo kutakuwa na mbio za kuendesha baiskeli  ikiwa ni njia mojawapo ya kuondokana na magonjwa yasiyo y kuambukiza ambayo yamekuwa yakiwakumba watu wengi kwa kushindwa kufanya mazoezi.

“Kadri tunavyozeeka mifupa yetu inapungua uzito kwa asilimia 0.5 ya ukubwa wa mifupa kila mwaka, kupungua huko huongezaka zaidi hada kwa wanawake wanapofikia umri wa kutoweza kuzaa na kwa upande wa wanaume baada ya miaka 50,”alisema Kilimba.

Kwa mujibu wa Kilimba alisema tafiti zinaonesha kuwa mazoezi yanaweza kupunguza hali hiyo au hata kuizuia kupungua kwa uzito wa mifupa au udhafu wake kunatokana na umri mkubwa hivyo mazoezi yanaaminika kusaidia kuitunza mifupa kwa kufanya kuwa imara zaidi.

Vilevile Kilimba alisema kutakuwa na matembezi ya kutembea peku bila kuvaa viatu hali ambayo inasaiddia nyayo za miguu kuimarika zaidi sambamba na kutunza ikolojia yam situ huo.

“Maisha yetu chimbuko lake ni ardhini, tumetoka ardhini, viumbe na mimea tunayokula na maji tunayokunywa, vyote vina asili ya ardhini  na ardhini kuna madini, chumvichumvi, antibiotics, antifugal na anti-viral chemicals na udongo ni maisha na maisha ni udongo.

Aliongeza kusema kuwa “Mitume yoote, manabii wote, wagunduzi na wafumbuzi woote wenye hadhi ya Newton, Socrates, Avogadro, Eisten, Boyle, Archimedes na nk, mababu zetu, maaskofu, mapope, masheikh, walioandika vitabu vya dini kama Bibilia na Msahafu na wengine wengi ambao waliofanya mambo ya maana hapa duniani wote walikuwa mara nyingi wakitembea kwa miguu ardhini, kushika udogo na kuibusu ardhi kwa nyakati tofauti,”alifafanua.

Alisema magonjwa mengi kuanzia vidonda hadi upunguvu wa damu vilikuwa vikitibiwa kwa udogo hadi sasa wanyama, wadudu, ndege, samaki na mimea yote vinajipakaa mchangam kwa sababu mbalimbali za kiafya kama sehemu ya matibabuhivyo utalii wa kutembea kwa miguu ni sehemu ya kupunguza magonjwa kwenye nyayo za miguu.