Jela miezi 9 kwa wizi wa simu

ILALA, DAR ES SALAAM

MAHAKAMA ya Mwanzo ya Ilala jijini Dar es Salaam imemhukumu Norman Norvat ‘Nyoka B’(25) kwenda jela miezi tisa kwa kosa la wizi wa simu yenye thamani ya Sh. 180,000.

Ilidaiwa mahakamani hapo na Karani Blanka Shayo kuwa mshtakiwa alitenda kosa hilo Agosti 3 mwaka huu saa 9 usiku katika Mtaa wa Likoma, Kariakoo.

Aidha Shayo alidai siku ya tukio mlalamikaji Pius Alphonce ambaye ni rafiki wa mshtakiwa akiwa na wenzake watatu walilala uani huku simu yake aina OGM ikiwa karibu na mto.

Shayo aliongeza shahidi namba mbili ndiye aliyemuona mshtakiwa akiingia katika nyumba ya mlalamikaji na kutokomea na simu hiyo.

Hakimu Matrona Luanda alisema mahakama kwa pamoja imemtia hatiani ambapo mshtakiwa amehukumiwa adhabu kali ya miezi tisa gerezani baada ya kukiuka sheria za nchi na akimaliza alipe thamani ya simu aliyoiba.

Read More

Kizimbani kwa kukutwa na noti bandia

NA MWANDISHI WETU

Specimen ya Sh. 10,000 ya Tanzania

MKAZI wa Kariakoo jijini Dar es Salaam Mashaka Salum (52) amepandishwa katika Mahakama ya Wilaya ya Ilala kwa kosa la kukutwa na noti bandia za Sh. 10,000 kinyume na sheria za nchi.

Mwendesha Mashtaka wa Serikali Ashura Mnzava, mbele ya Hakimu Mkazi Wilberforce Luhwago alidai kuwa Agosti 27 mwaka huu saa 3:10 usiku mshtakiwa alikutwa na noti hizo Buguruni Corner Bar, Buguruni Kisiwani kinyume na Kifungu cha Sheria Na. 348 sura ya 16 kilicorekebishwa mwaka 2002 cha Kanuni ya Adhabu.

Ilidaiwa mahakamani hapo noti hizo zenye Na. BT 8486897 kama zingekuwa ni fedha halali zingekuwa na tahamani ya Sh. 90,000.

Hakimu alisema mshtakiwa anaweza kupata dhamana endapo atapata wadhamini wawili kila mmoja awe na Sh. 40,000 na miongoni mwao mmojawapo awe mwajiriwa.

Kesi itatajwa tena Okotoba 10 mwaka huu.

Read More

Kortini kwa uhujumu uchumi

NA MWANDISHI WETU

Watendaji wawili wa Kata ya Saranga jijini Dar es Salaam wamepandishwa katika Mahakama ya Hakimu Mkazi Kinondoni kujibu mashtaka matano ya uhujumu uchumi.

Wakisomewa na Mwendesha Mashtaka Vera Ndeoya mbele ya Hakimu Mkazi Isihaka Kuppa ilidaiwa Missana Ernest (41) Afisa Mtendaji wa Kata ya Saranga na Athumani Mtono (34) Mtendaji wa Mtaa wa Kimara B walitenda makosa hayo Oktoba 27, 2012 na Novemba 20, 2013 kinyume cha sheria za nchi.

Aidha ilidaiwa mahakamani hapo kuwa kwa pamoja washtakiwa waliitia serikali hasara ya Sh. Milioni 8 baada ya kutumia mamlaka yao vibaya kuchota kiasi hicho cha fedha katika akaunti ya Kamati ya Maendeleo Kata ya Saranga kutoka Benki ya Maendeleo ya Jamii (DCB) kwa manufaa yasiyostahili.

Pia mwendesha mashtaka alidai washtakiwa walitenda makosa hayo kwa makusudi kutokana na kuwa waliaminiwa na serikali kuwa watia saini wa akaunti ya kata husika hivyo kujipatia kwa njia za udanganyifu fedha hizo mali za Baraza la Manispaa ya Kinondoni.

Katika kesi hiyo washtakiwa wanaotetewa na Wakili Msomi Benjamin Kalume walikana mashtaka yote matano ya uhujumu uchumi.

Hakimu aliwataka kutimiza masharti ya dhamana kwa kuwa na wadhamini wawili wanaotambulika na serikali na dhamana ya Sh. Milioni moja kila mmoja.

Kesi hiyo itatajwa tena Oktoba 12 mwaka huu.

Read More

Jela miaka 4 kwa wizi wa basi la Kanisa

ILALA, DAR ES SALAAM

MAHAKAMA ya Wilaya ya Ilala jijini Dar es Salaam imemhukumu kifungo cha miaka minne jela mkazi wa Ilala Panga Yusuf Mbarouk (42) kwa wizi wa basi la kanisa la Anglikana.

Mbele ya Hakimu Mkazi Adelf Sanchore, Mwendesha Mashtaka Eric Shija alidai mnamo Oktoba 17, 2014 mshtakiwa akiwa na wenzake watatu waliiba gari aina ya Toyota Coaster lenye usajili wa T.379 BBB yenye thamani ya Sh. Milioni 30 mali ya Kanisa la Anglikana, Ilala.

Awali upande wa mashtaka uliteta mashahidi saba akiwamo Padre Thomas Ernest  pamoja na vithibitisho leseni ya gari hilo lenye Chassis Na.1HZB 400003527 na Engine Na. 1HZ0266297, Model Na. HZB40.

Aidha ilidaiwa mahakamani hapo kuwa mshtakiwa ambaye alikuwa mwajiri wa Kampuni la S & M Security Services akiwa na Bahati Mdoe (32), Benard Karoli ‘Master’ (47) na Shaban Msanda (34) walitenda uhalifu huo kinyume na Kifungu cha Sheria Na. 258 na 265 sura ya 16 kilichorekebishwa mwaka 2002 cha kanuni ya adhabu.

Hakimu alisema mahakama imejiridhisha na ushahidi uliotolewa na upande wa mashtaka kuwa mshtakiwa namba moja alitenda kosa hivyo washtakiwa wengine waliachiwa huru.

Read More

Fundi umeme kizimbani kwa wizi

NA MWANDISHI WETU

FUNDI umeme mkazi wa Kibaha mkoani Pwani Elihood Ruhomvya (37) amepandishwa kortini katika mahakama ya wilaya ya Ilala jijini Dar es Salaam baada ya kukutwa na hatia  ya kutenda makosa mawili kinyume na kanuni za nchi.

Mwendesha Mashtaka Eric Shija mbele ya Hakimu Mkazi Wilberforce Luhwago alidai mshtakiwa alitenda makosa mawili ya kugushi na kuiba kati ya Agosti na Oktoba mwaka 2014 jijini hapa.

Katika kosa la kwanza ilidaiwa mahakamani hapo mshtakiwa aligushi oda za manunuzi zipatazo 31 zenye namba tofauti kwa kutumia saini ya Ashiq Abasi Versi kinyume na Kifungu cha Sheria Na. 333, 335(a) na 337 CAP 168 R.E 2002

Aidha ilidaiwa mahakamani hapo mshtakiwa aliiba wire wenye kipenye cha milimita 2.5 ukiwa kwenye mabunda 117 ukiwa na thamani ya Sh. Milioni 6.3, circuit breaker 23pcs zenye thamani ya Sh. Milioni 2.3, AVs 11pcs zenye thamani ya Sh. Milioni 1.1 na Led Lights 2pcs zenye thamani ya Sh. 29,000 jumla ya mali yote ikiwa ni Sh. 9,654,000 mali ya Clippers Investiment.

Hakimu Mkazi Luhwago alisema masharti ya dhamana yapo wazi kwa mshtakiwa ambaye alitakiwa awe na wadhamini wawili mmojawapo awe mwajiriwa wa serikali na fedha taslimu Sh. 1,500,000.

Shauri hilo litatajwa tena Septemba 22 mwaka huu.

Read More

Kortini kwa kujeruhi

NA MWANDISHI WETU

MKAZI wa Tandika Rashid Bakari amepandishwa katika mahakama ya mwanzo ya Ilala jijini Dar es Salaam kwa kosa la kujeruhi kwa kutumia kisu.

Akisomewa mashtaka na karani wa mahakama hiyo Kassim Mtanga mbele ya Hakimu Asha Mpunga ilidaiwa mshtakiwa alimjeruhi Dua Hamad kwa kumchoma kisu kwenye jicho la kulia kinyume na Kifungu cha Sheria Na. 228 sura ya 16 cha kanuni ya adhabu.

Aidha ilidaiwa kuwa mshtakiwa alitenda kosa hilo  Septemba 16 mwaka huu majira ya 2:30 asubuhi maeneo ya Sokoni Kariakoo jijini hapa.

Mshtakiwa alikana mashtaka hayo.

Hakimu Mpunga aliweka bayana masharti ya dhamana kwa mshtakiwa  ambapo alitakiwa awe na wadhamini wawili na kutakiwa kulipa kiasi cha Sh. 800,000.

Hata hivyo mshtakiwa alishindwa kutimiza masharti na kurudishwa rumande hadi Oktoba 4 mwaka huu shauri hilo litakapotajwa tena.

Katika shauri jingine mkazi wa Ukonga Uwanja wa Ndege jijini hapa Thomas Laida (18), alipandishwa kizimbani kwa kumchoma Deodatus Pais kwa kutumia bisibisi kwenye bega la kushoto.

Ilidaiwa mahakamani hapo mshtakiwa alitenda kosa hilo Septemba 15 mwaka huu saa 7:30 mwaka huu katika mtaa wa Aggrey, Kariakoo.

Hakimu Mpunga alisema mshtakiwa ataachiwa kwa dhamana baada ya kutimiza masharti kwa kuwa na wadhamini wawili na fedha taslimu Sh. Milioni moja.

Hata hivyo mshtakiwa alishindwa masharti hayo na kurudishwa rumande hadi shauri hilo litakapotajwa tena Oktoba 4 mwaka huu.

Read More

Kortini kwa kumpiga ngumi jicho

NA MWANDISHI WETU

MFANYABIASHARA Twaha Iddi (25) mkazi wa Machimbo Lumo jijini Dar es Salaam amefikishwa katika mahakama ya mwanzo ya Ilala kwa kosa la kumpiga mwenzake ngumi ya jicho.

Akisomewa mashtaka na karani wa mahakama hiyo Kassim Mtanga mbele ya Hakimu Asha Mpunga ilidaiwa mshtakiwa alimpiga ngumi ya jicho Harubu Ngaona  Septemba 15 mwaka huu saa 3 asubuhi katika mtaa wa Aggrey, Kariakoo.

Aidha ilidaiwa mshtakiwa alikiuka Kifungu cha Sheria Na. 241  sura ya 16 cha Kanuni ya Adhabu.

Mshtakiwa alikana kosa hilo na kurudishwa rumande baada ya kushindwa kutimiza masharti ya dhamana hadi Oktoba 4 mwaka huu shauri hilo litakapotajwa tena.

Read More

Kortini kwa wizi wa Sh. 450,000

NA MWANDISHI WETU

MKAZI wa Kurasini Bandari jijini Dar es Salaam Michael Mlowe (46) amepandishwa katika mahakama ya Wilaya ya Ilala kwa makosa ya wizi ukiwamo wizi wa Sh. 450,000.

Mwendesha Mashtaka Florida Wenceslaus alidai mbele ya Hakimu Mkazi Catherine Kiyoja kuwa mnamo Agosti 26 mwaka huu maeneo ya Morogoro Road katika duka la JD Fashions mshtakiwa alitenda kosa hilo kinyume na Kifungu cha Sheria Na. 287A sura ya 16 R.E 2002 kama ilivyofanyiwa marekebisho na sheria Na. 3 ya mwaka 2011.

Aidha mwendesha mashtaka alidai mshtakiwa aliiba DVR Decoder ya CCTV Camera na fedha kiasi cha Sh. 450,000 mali ya Abid Khambalia.

Hakimu alisema mshtakiwa  kabla na baada kutenda kosa alimtishia kwa silaha ili kujipatia mali hizo.

Pia aliongeza kusema mshtakiwa hakutakiwa kupata dhamana yoyote kwa makosa aliyoyatenda hivyo kurudishwa rumande.

Shauri hilo litatajwa tena Septemba 29 mwaka huu.

Read More

Umaarufu, Usanii usiharibu tasnia ya habari

NA JABIR JOHNSON

KATIKA siku za hivi karibuni kwenye mitandao ya Kijamii, kumekuwa na ujumbe wa Mtangazaji mmoja mahiri anayefahamika kwa jina la Fredy Bundala akiweka bayana mawazo yake kuhusu fani ya Utangazaji na Uandishi wa habari kwa ujumla.

Sehemu ya maoni yake aliandika, “Umesoma utangazaji kwenye chuo kikubwa chenye sifa na umepata shahada au stashahada yako, lakini hadi leo, unazunguka na bahasha ya kaki mkononi yenye vyeti vyako, kutafuta kazi lakini nazo zimeota mbawa!”

Aidha Bundala anaongeza kuwa unaweza kuwa umesota miaka kadhaa ya kuwapo kwenye  fani uliyosomea lakini kinachokuduwaza zaidi ni pale unapoona wasio na elimu ya juu kama ya kwako waking’ara katika fani uliyosomea.

Endelea…

Mtazamo huu umeandika katika Gazeti la Tanzania Daima ISSN 0856 9762 Toleo Na. 4305 Ijumaa Septemba 16, 2016 Uk.7

Read More