Mwanaume ajinyonga Pasua, Moshi; Uchunguzi unaendelea

Mwili wa Marehemu Hassan Ali ukiwa chini kabla ya kuondolewa na Jeshi la Polisi Tanzania mnamo Novemba 14, 2024 katika eneo la Nelson Mandela, Pasua mjini Moshi. 

Mwanaume anayekadiriwa kuwa na umri wa miaka 40 amefariki dunia kwa kujinyonga katika mti eneo la Nelson Mandela mjini Moshi, mkoani Kilimanjaro, kwa kile kinachosadikika kuwa ni kujinyonga kwa kamba za katani pembezoni mwa uwanja wa Nelson Mandela; Pasua mjini Moshi.

Tukio hilo ni la tatu katika eneo hilo la Pasua kwa mwaka huu la watu kuchukua uamuzi mbaya wa kujinyonga kutokana na sababu mbalimbali.

Mashuhuda wa tukio hilo wameiambia EATV kuwa marehemu alikutwa asubuhi ya Novemba 14, 2024 akiwa amelala chini baada ya tawi la mti kukatika na kumbwaga chini huku wengine wakidai chanzo cha umauti ni kukata tamaa ya maisha na mahusiano ya kimapenzi.

Jeshi la Polisi mkoani Kilimanjaro lilifika eneo la tukio baada ya wananchi kutoa taarifa kuhusu kukutwa kwa mwili huo katika eneo la Nelson Mandela ambapo mwili wa marehemu ulihifadhiwa katika Hospitali ya KCMC

Kamanda wa Polisi Mkoa wa Kilimanjaro SACP Simon Maigwa alitoa wito kwa wananchi.

"Jeshi la Polisi linatoa rai kwa wananchi kutoa taarifa mapema kwenye taasisi zenye mamlaka ya kushughulikia migogoro ya ndoa ili kuepeusha misongo ya mawazo inayopelekea kutoa maamuzi magumu ikiwa ni pamoja na kusababisha mauaji na kujitoa uhai," alisema SACP Maigwa. 

Hata hivyo baadhi ya wakazi mjini Moshi wametoa maoni ili kupata mwarobaini wa changamoto ya kuchukua maamuzi magumu kutokana na kuhisi kuwa maisha yao hayana maana yoyote au hawaoni sababu ya kuendelea kuishi.

Suala la kujinyonga linaendelea kuwa changamoto kubwa katika jamii nyingi, likihusisha masuala ya kiuchumi, kijamii, na kisaikolojia.

Credit to: Yesse Tunuka, Ombeni Mjema, Johnson Jabir; JAIZMELA

Read More

KADCO, APM lawamani manunuzi ye jenereta mbili, Takukuru yaokoa Mil. 329

 

Sintofahamu ya ununuzi wa majenereta katika Kampuni ya Uendeshaji na Uendelezwaji wa Kiwanja cha Ndege cha Kimataifa cha Kilimanjaro (KADCO), imetatuliwa baada ya Taasisi ya Kuzuia na Kupambana na Rushwa (Takukuru) Mkoa wa Kilimanjaro kusimamisha ulipaji wa malipo ya jenereta.

Kadco iliagiza majenereta mawili yenye thamani ya milioni mia tatu ishirini na tisa, laki nne, sabini na tisa elfu mia sita (Tshs. 329, 479,600/=) kutoka Kampuni ya African Power Machinery (APM) iliyopo Jijini Dar es Salaam.

Akizungumza na vyombo vya habari mjini Moshi, Mkoani Kilimanjaro Mkuu wa Takukuru mkoani humo Mussa Chaulo alisema uchunguzi umebaini kuwa kampuni ya APM iliwauzia majenereta feki na kwamba zilipakwa rangi tu.

“Jenereta zilizowasilishwa  zilikuwa na mapungufu kadhaa, ikiwa ni pamoja na cable zilizotakiwa kuwa tofauti  na zilizowasilishwa na injini zake zilikuwa za zamani,” alisema Mussa Chaulo.

Chaulo aliongeza kuwa Takukuru mkoa wa Kilimanjaro ilibaini kuwa maeneo mengi ya jenereta hizo yalikuwa na kutu  na maeneo mengine yalikuwa yamepakwa rangi.

“Takukuru tumefanya udhibiti juu ya manunuzi ya jenereta hizo  mbili na kuzuia malipo kufanyika kwa kampuni iliyosambaza jenerator hizo na hivyo tumeokoa shilingi 329,479,600/= ambazo zingetumika kulipa jenereta zisizo na ubora kulingana na mahitaji yaliyoanishwa,” aliongeza Chaulo.

Kadco imekuwa ikiendesha Uwanja wa Ndege wa Kimataifa wa Kilimanjaro (KIA) kwa takribani miaka 26 sasa tangu iliposajiliwa mnamo mwaka 1998 licha ya vuta nikuvute na hapa na pale.

Novemba 10, 2023 shughuli za uendeshaji wa KIA zilikabidhiwa kwa TAA ambapo ilidumu hadi Aprili 2024 ilitangazwa tena kuwa KADCO itarudi kuendelea na shughuli zake katika uwanja wa KIA.

Miezi 3 tu baada ya KADCO kusajiliwa mnamo tarehe 17 Julai 1998), iliingia mkataba mpya wa umiliki wa hisa, ambapo serikali ya Tanzania ilipata 24% ya hisa za kampuni, Mott MacDonald International Ltd (41.4%), South Africa Infrastructure Fund (30). %) na Inter Consult (T) Ltd (4.6%).

Wachambuzi wa masuala ya uchumi wanasema Kadco imekuwa kivuli cha wapigaji hivyo kununuliwa kwa majenereta feki ni kielelezo kwamba ubadhirifu bado unaendelea katika Uwanja wa Ndege wa KIA.

Read More

Al Mahboob a.k.a ya Dkt. Hassan Abbas

 

Dkt. Hassan Abbas au Dkt. Hassan Abbas Mahboob?

A.K.A, au "Also Known As," ni jina linalotumika mara nyingi kuelezea majina au mitindo mingine ambayo mtu anaweza kuwa nayo. Katika muktadha wa historia ya falsafa, "A.K.A" inaweza kutumika kuashiria mtu au wazo lililo na majina tofauti.

Katika historia, watu maarufu au wasanii mara nyingi hutumia "A.K.A" kutoa majina yao mengine au majina ya jukwaani.

Kwa mfano, msanii wa hip-hop anaweza kuwa na jina la kuzaliwa lakini akatumia jina tofauti katika tasnia ya muziki. Katika muktadha wa sheria au wanasiasa, "A.K.A" inaweza kutumika kutambulisha majina ambayo yanaweza kuwa maarufu zaidi kwa umma.

Katika muktadha wa historia, watu wengi maarufu wamekuwa wakitumia "A.K.A" ili kutambulisha majina yao mengine au majina ya utani. Hapa kuna baadhi ya mifano:

Malcolm X: Jina lake la kuzaliwa lilikuwa Malcolm Little, lakini alijulikana kama Malcolm X, ambapo "X" lilimwakilisha kutokujulikana kwa asili yake.

Marilyn Monroe: Alizaliwa kama Norma Jeane Mortenson, lakini akapata umaarufu mkubwa kwa jina lake la jukwaa, Marilyn Monroe.

Notorious B.I.G.: Jina lake halisi lilikuwa Christopher Wallace, lakini alikuwa maarufu kwa jina lake la jukwaa, Notorious B.I.G., na pia alijulikana kama Biggie Smalls.

Freddie Mercury: Alizaliwa kama Farrokh Bulsara, lakini alipata umaarufu mkubwa kama mwanamuziki wa rock chini ya jina la Freddie Mercury.

Elvis Presley: Ingawa jina lake lilikuwa Elvis Aaron Presley, alijulikana pia kwa majina kama "The King of Rock and Roll" au "The King."

Mifano hii inaonyesha jinsi "A.K.A" inavyotumiwa kuonyesha majina yanayojulikana zaidi au majina ya utani ambayo yanabeba maana maalum katika muktadha wa maisha na kazi za watu hawa.

Inaweza kukustaajabisha kwa kiongozi wa serikali nchini Tanzania Dkt. Hassan Abbas ambaye katika serikali ya awamu ya sita ni Katibu Mkuu wa Wizara ya Maliasili na Utalii kujipachika A.K.A…..

Dkt. Hassan Abbas amejipachika A.K.A ya Al Mahboob…hapo sasa; Ilikuwa Novemba Mosi, 2024 katika Mahafali ya 27 ya wanafunzi wa Chuo cha Viwanda vya Misitu  (FITI) mjini Moshi ambako alivutiwa na utenzi wa wanachuo. 

Dkt. Hassan Abbas akawajibu na kujiita Dkt. Hassan Abbas Al Mahboob… Imekaaje hiyo?

Neno "Al Mahboob" linatokana na lugha ya Kiarabu na lina maana ya "mpendwa" au "wapendwa." Katika muktadha wa Kiarabu, neno hili linaweza kutumika kuelezea mtu anayepewa upendo mkubwa au heshima, kama vile mpendwa wa moyo au rafiki wa karibu.

Mara nyingi  "Al Mahboob" hutumika kama jina la mtu, hasa katika tamaduni za Kiarabu; pia Neno hili linaweza kutumika katika mashairi au hadithi kuelezea hisia za upendo au kiini cha uhusiano wa karibu.

Al Mahboob; Wengi wa wasanii wa Kiarabu wanaweza kutumia neno hili katika nyimbo zao kama sehemu ya kuelezea hisia za upendo.

Kwa hivyo, "Al Mahboob" ni neno lenye uzito wa kihisia na linatumika katika muktadha tofauti ili kuonyesha upendo na heshima.

Hongera Dkt. Hassan Abbas Al Mahboob……Katibu wa Wizara ya Maliasili na Utalii.

Read More

Shujaaz yatinga vijijini kuwahamasisha vijana wa kike kujihusisha kwenye Kilimo na Ufugaji

Kuna sababu kadhaa ambazo zinaweza kuchangia vijana wa kike wasijihusishe sana na kilimo na ufugaji; Miongoni mwa hizo mitazamo kwa baadhi ya jamii kwamba kazi za kilimo na ufugaji ni za kiume, Ukosefu wa upatikanaji wa Rasilimali; Elimu ya kutosha kuhusu faida za kilimo na ufugaji au jinsi ya kuendesha shughuli hizo kwa ufanisi pia mabadiliko ya muktadha wa kiuchumi

Hivyo basi ni kwa namna gani vijana hususani wa kike katika wilaya za Hai na Siha wataweza kujikita katika tasnia ya kilimo na ufugaji, Taasisi ya Kimataifa ya Utafiti wa Mifugo (ILRI) na Taasisi ya Vijana ‘Shujaaz’ kwa kushirikiana na serikali ya Jamhuri ya Muungano wa Tanzania zimekuja na suluhisho la pamoja kwa ajili ya vijana hao.

Akizungumza na vyombo vya habari, Ngarenairobi, West Kilimanjaro hivi karibuni Meneja wa Shujaaz Alan Lucky Komba alisema malengo ya mradi huo ni kufanya semina mbalimbali kwa vijana wakishirikiana na viongozi wa serikali katika maeneo husika ili kuongeza uelewa wao kuhusu kilimo na ufugaji na kubaini changamoto zinazowakabili vijana hao kwenye tasnia hiyo.

“Kumekuwa na changamoto mbalimbali zinazowakabili vijana wa kike hususani changamoto za kijamii na kijinsia hivyo tumefika katika jamii husika na  ushirikishwaji wa viongozi wa serikali, viongozi wa dini na viongozi wa kimila utachangia kwa kiasi kikubwa utatua,” alisema Lucky.

Mnufaika wa semina hizo Reina Mrema, mkazi wa Ngarenairobi, alisema kinachowatatiza vijana ni elimu na ufahamu kwa upana wake kuhusu masuala ya Kilimo na Ufugaji wa kisasa ambao ukifanyika vizuri unawainua kiuchumi.

 "Kila kijana mwenye umri wa miaka kuanzia 18 Hadi 35 asikimbilie kwenye bodaboda na badala yake anatakiwa kuona ufugaji Wa kuku Kama fursa,Kama kazi ya ofisini   kwa kuamua na kuwekeza  nguvu kazi katika ufugaji na niwahakikishie hakuna atakaejuta kwani ufugaji Wa kuku unalipa"alisema Reina.

Awali katika semina iliyofanyika mtaa wa amani wilayani Hai, Afisa mifugo wilayani humo Fraten Mtika alisema uongozi wa wilaya hiyo umejipanga kuhamasisha na kutoa elimu ya ujasiriamali, kuwawezesha kwa kuwapa vijana mikopo ya kwenye halmashauri na kuwatafutia masoko rasmi ili kurahisisha ukuaji wa uchumi kwa kijana Wa kike watakaokuwa na nia ya kufanya biashara na ufugaji wa kuku.

Mradi huo hadi sasa umefanya semina katika maeneo 8 tofauti katika wilaya za Hai na Siha ambazo ni  Mtaa wa Amani, Mtaa wa Nyerere, Mtaa wa Uzunguni, Mtaa wa kibaoni, kijiji cha Kyeri, na kijiji cha Foo katika wilaya ya Hai, kijiji cha Lawate na kijiji cha Ngarenairobi katika wilayani Siha.

Kwa mawasiliano zaidi: 

+255 693 710 200; 

Kitengo cha Habari, JAIZMELA

Reina Mrema, mkazi wa Ngarenairobi, Siha

Alan Lucky, Meneja wa Shujaaz

Read More

Kuelekea Uchaguzi Serikali za Mitaa 2024: DC Twange ataka kampeni za siasa zinazozingatia Sheria

Mkuu wa Wilaya ya Hai Lazaro Twange akizungumza na waandishi wa Habari Ofisi kwake, katika mji wa Mdogo wa Bomang'ombe.(Picha na; JAIZMELA)

Mkuu Wa wilaya ya Hai Mkoani Kilimanjaro Lazaro Jakob Twange amewataka wanasiasa watakaonza kampeni kuelekea uchaguzi Wa serikali za mitaa  kuhakikisha wanaendesha siasa zao kwa mujibu Wa Sheria na kanuni za uchaguzi zilizowekwa.

Akizungumza na vyombo vya Habari Twange alisema  shughuli za kuelekea uchaguzi Wa serikali  za mitaa na zoezi la kuchukua fomu zinaendelea na  anawahakikishia wananchi kuwa vyombo vya usalama vipo hivyo Kila mmoja aliejiandikisha ajiandae na itakapofika mwezi novemba 27  wakapige kura .

"Hakuna atakayekuwa tishio kwa mwenzake uchaguzi utakuwa huru,Wa amani na Wa haki hivyo wananchi washiriki uchaguzi kwa hisia na namna wanavyotaka na kwa upande Wa wanasiasa Wa vyama vyote  wakati kampeni zinapoanza wafanye kampeni zao kwa amani na utulivu na vyombo vya ulinzi vipo na vitawalinda kuhakikisha ulinzi na usalama unakuwepo"alisema Mkuu wa Wilaya ya Hai.

Aliongeza kwa kuwataka wananchi kujitokeza kwa wingi na kuwachagua viongozi wanaowataka Wa vijiji,vitongoji na mitaa huku akibainisha kuwa   kabla ya hapo kutakuwa na siku kadhaa za kampeni hivyo wajitokeze kusikiliza Sera za wagombea ili waweze kuchagua viongozi sahihi.

"Hai hakuna hekaheka zozote za uvunjifu wa amani,na ninawashukuru wananchi na wadau wote Wa uchaguzi kwa namna wanavyoendesha   zao kwa amani na utulivu na ninawaomba waendelee hivyohivyo kudumisha amani hadi siku ya uchaguzi na baada ya uchaguzi kwisha". alisema Twange.

Credit to: Elizabeth R. Mkumbo/JAIZMELA

Read More

FITI kitovu cha ajira kwa Vijana Tanzania

Chuo cha Viwanda vya Misitu Tanzania (FITI) kinaendelea kufanya kazi ya kutoa mafunzo ya kiufundi na kitaaluma katika sekta ya misitu, huku kikijitahidi kukidhi mahitaji ya soko la ajira na kuboresha ujuzi wa wafanyakazi.

Tangu kuanzishwa kwake mnamo mwaka 1976 FITI, kimekuwa imekuwa ikitoa mafunzo kwa wanachama wa sekta ya misitu na mbao. Katika kipindi cha miaka ya hivi karibuni, chuo hicho kimepanua program zake na sasa kinatoa vyeti na diploma katika Teknolojia ya Sekta ya Misitu.

Mkuu wa Chuo cha FITI, Dkt. Zacharia Lupala amesema, “Tunaweka juhudi kubwa katika kuboresha vifaa na mafunzo tunayotoa ili kuwajengea uwezo wanafunzi wetu. Lengo letu ni kuhakikisha wanapata ujuzi wa kisasa unaokidhi mahitaji ya tasnia.”

FITI ina maeneo ya mafunzo yenye vifaa vya kisasa na inashirikiana na wadau wa sekta ya misitu ili kuimarisha ubora wa mafunzo. 

Wanafunzi wa FITI wamesema wanafurahia mafunzo wanayopata na wanatumaini kuwa wataweza kutumia ujuzi wao katika kujiajiri au kupata kazi katika sekta mbalimbali zinazohusiana na misitu.

Chuo kinaendelea kuwa chimbuko muhimu la wataalamu katika sekta ya misitu nchini Tanzania, na kinatarajia kuimarisha nafasi yake kama kiongozi katika utoaji wa mafunzo ya viwanda vya misitu. 

Mbali na hilo kuelekea mahafali ya 27 mnamo Novemba 1, 2024 Mwenyekiti wa Kamati ya Maandalizi Cecilia Moses ameweka bayana kuwa Katibu Mkuu wa Wizara ya Maliasili na Utalii Dkt. Hassan Abbas atakuwa mgeni rasmi mbele ya wahitimu 300.

Chuo cha Viwanda na Misitu (FITI) ni taasisi ya umma inayofanya kazi chini ya Wizara ya Maliasili na Utalii. FITI ilianzishwa mwezi Novemba mwaka 1976 kwa msaada wa kifedha kutoka serikali ya Sweden.

Mwanzoni, lengo kuu la taasisi ilikuwa kuwaelekeza wafanyakazi wa kati wanaohitajika katika uendeshaji wa sekta ya miti inayomilikiwa na serikali, inayojulikana kama Tanzania Wood Industries Corporation (TWICO). Mwishoni mwa kipindi cha ufadhili wa Sweden mwaka 1980, FITI ilifanikiwa kupata msaada wa kifedha kutoka Shirika la Maendeleo la Kimataifa la Finland (FINNIDA) kwa kipindi cha mwaka 1980 hadi 1988.

Kuanzia mwaka 1988 hadi sasa, FITI inaendeshwa na serikali ya Tanzania na lengo lake kuu ni kutoa mafunzo maalum ya kiufundi katika sekta ya misitu na huduma katika sekta ya miti. 

Hadi sasa FITI imeendelea kuzalisha wahitimu wengi katika ngazi za astashahada na Stashada.

Read More

Segule Segule: Wananchi wa Rau, acheni shughuli za Kibinadamu kuponya kingo za mto

Mkurugenzi wa Bodi ya Maji, Bonde la Mto Pangani Segule Segule (kushoto) akiteta jambo na Diwani wa Kata ya Mji Mpya Abuu Shayo. (Picha na JAIZMELA)

Mkurugenzi wa Bodi ya Maji Bonde la mto Pangani Segule Segule ameonya na kuwataka wananchi kuacha shughuli za kibinadamu zinazoharibu Kingo za mto Rau Moshi Mkoani Kilimanjaro kwani shughuli hizo ndio chanzo Cha mafuriko kuvamia makazi na kuharibu mashamba ya watu.

Amezungumza hayo wakati akikagua Zoezi la udabuaji maji na kutanua Kingo za maji , kuongeza kina n bdp.a kunyoosha Kona hatarishi zilizopelekea mafuriko kuvamia makazi ya watu wa majengo na msaranga katika kipindi cha mvua zilizonyesha mwezi April 2024.

Segule amewaomba wadau mbalimbali Wa Maendeleo kuungana na Bonde la maji mto Pangani kwa kushirikiana kikamilifu katika zoezi hilo la udabuaji maji na kutengeneza Kingo za mto Rau ili pindi mvua zinaponyesha mafuriko yasivamie makazi ya watu na kuleta maafa.

Sambamba na hayo diwani Wa kata ya msaranga Charles Lyimo ametoa shukrani za dhati kwa uongozi Wa Bonde la maji mto Pangani kwa kuona na kuanza zoezi Hilo litakalosaidia kwa kiwango kikubwa wananchi kuondokana na adha za mafuriko pia kuwataka wananchi kupanda miti na kuacha kufanya shughuli zao Ndani ya mita 60 ya mto huo.

Naye Diwani Wa kata ya mji Mpya Manispaa ya Moshi Abuu Mohammed Shayo amesema mwezi Aprili Kata hiyo ilipata adha kubwa ya mafuriko iliyopelekea watu kupoteza Maisha ,makazi na uharibifu mkubwa Kiasi kwamba baadhi ya wakazi walipoteza matumaini ya kuendelea kuishi katika kata hiyo na kukimbia makazi yao .

Ameongeza kuwa ni jukumu la Kila mwananchi anaeishi pembezoni mwa mto huo kutunza mazingira kwa kupanda miti na kuacha kutupa taka hovyo.

Mvua zilizonyesha mwezi April 2024 Mkoani Kilimanjaro zilisababisha mto Rau kujaa maji na mafuriko kuvamiaa makazi ya watu yaliyopelekea maafa makubwa ya vifo vya watu kadhaaa ,uharibifu kaya zaidi ya 690 na kusababisha jumla ya watu 2400 kuathirika na mafuriko hayo hususani kwa wakazi Wa Mji Mpya na Msaranga Manispaa ya Moshi .

Credit to: Elizabeth R. Mkumbo/JAIZMELA

Read More

Waziri Mkuu Majaliwa aagiza Watu wenye Ulemavu kutambulishwa Serikalini

Serikali nchini imewataka wazazi na walezi kutowaficha watu wenye ulemavu na wanatakiwa kuwatoa na kuwatambulisha kwa serikali ili waweze kupata huduma muhimu na stahiki .

Waziri Mkuu nchini Mhe.Kasim Majaliwa Majaliwa ameyasema hayo Mkoani Kilimanjaro wakati akifunga Maadhimisho ya wiki ya fimbo nyeupe ambayo huadhimishwa Kila mwaka mwezi October na Chama Cha watu wasioona ( TLB).

Amesema kwa mwaka Wa fedha 2023/2024 serikali imeendelea kuboresha mazingira fikivu kwa watu wenye ulemavu hususani Miundombinu ya elimu ili kuongeza Idadi ya wanafunzi walemavu kwa kuongeza na kuhakikisha Kila mlemavu asieona anapata vifaa saidizi .

Ameongeza kwa kuzitaka taasisi zinapojenga majengo ya shule,hospitali na ofisi kuzingatia na kusimamia maelekezo ya serikali kwa kujenga miundombinu rafiki na fikivu itakayowawezesha watu wenye ulemavu kuingia kwenye majengo hayo na kupata huduma.

Awali mkuu Wa mkoa Nurdin Babu amesema Serikali ya Rais Samia Suluhu Hassan imeendelea kutoa pesa nyingi kwa mkoa Wa Kilimanjaro ili kuboresha miundombinu mbalimbali ya Maendeleo yenye kuzingatia pia mahitaji ya watu wenye ulemavu.

Naye kaimu katibu mkuu wa Chama hicho Lomitu Loata ameishukuru serikali kwa kuendelea kutambua na kuendelea kuwaunga mkono ,kusimamia na , kuhakikisha watu wasioona wanapata haki na mahitaji Muhimu.

Credit to: Elizabeth R. Mkumbo/ JAIZMELA

Read More

Unamfahamu Luteni Kanali Paul-Henri Sandaogo Damiba?

Paul-Henri Sandaogo Damiba ni kiongozi wa kijeshi kutoka Burkina Faso ambaye alikamata madaraka baada ya mapinduzi ya kijeshi mwaka 2022.

Kabla ya kuwa kiongozi, alikuwa afisa wa jeshi na alihusika katika masuala ya usalama nchini. Damiba  alipinduliwa na Ibrahim Traoré. Katika utawala wake, Damiba alijaribu kukabiliana na changamoto za kiuchumi na kiusalama, hasa katika kukabiliana na vitendo vya kigaidi vilivyozidi nchini.

Hata hivyo, utawala wake pia umekuwa na changamoto nyingi, ikiwa ni pamoja na malalamiko kutoka kwa raia na hali ngumu ya kisiasa. Damiba alipata umaarufu kwa matendo yake wakati wa waasi wa Jihadi nchini Burkina Faso.

Alitoa wito siku za nyuma kwa serikali ya Burkinabé kuajiri mamluki kutoka Kundi la Wagner la Urusi dhidi ya waasi wa Kiislamu. Serikali ya Roch Marc Kaboré ilipinga vikali pendekezo hilo, kwa misingi kwamba kufanya hivyo kungeitenga Burkina Faso kutoka Magharibi.

Mnamo 2021, Damiba alichapisha kitabu kuhusu mapambano dhidi ya Waislam, Majeshi ya Afrika Magharibi na Ugaidi: Majibu yasiyokuwa na uhakika?

Read More

Ibrahim Traore, Rais mdogo zaidi duniani

 

UTANGULIZI

Ibrahim Traoré ni kiongozi wa kisiasa na mkoa wa kijeshi kutoka Burkina Faso. Alijulikana sana baada ya kuongoza mapinduzi ya kijeshi mwaka 2022, ambapo alichukua madaraka kutoka kwa serikali iliyokuwa inakabiliwa na changamoto za usalama. Anafahamika kwa msimamo wake mkali dhidi ya ugaidi na amejitahidi kuboresha hali ya usalama nchini mwake. Katika siasa, anaonekana kama mtu mwenye maono ya mabadiliko, lakini pia anakabiliwa na changamoto nyingi, ikiwa ni pamoja na matarajio ya raia na hali ya uchumi.

HISTORIA YA IBRAHIM TARORE

Ibrahim Traoré ni afisa wa kijeshi wa Burkinabè ambaye amekuwa kiongozi wa muda wa Burkina Faso tangu mapinduzi ya Septemba 2022 yaliyomwondoa madarakani rais wa mpito Paul-Henri Sandaogo Damiba. Akiwa na umri wa miaka 36, ​​Traoré kwa sasa ndiye kiongozi mdogo zaidi wa jimbo anayehudumu duniani, na rais mwenye umri mdogo zaidi anayehudumu. Ibrahim Traore alizaliwa mnamo Machi 14, 1988 huko Kéra, Bondokuy, Mkoa wa Mouhoun.

Baada ya kupata elimu yake ya msingi huko Bondokuy, alipata elimu ya Sekondari huko Bobo-Dioulasso ambako alijulikana kama "mkimya" na "mwenye talanta nyingi".

Kuanzia 2006, alisomea jiolojia katika Chuo Kikuu cha Ouagadougou. Alikuwa sehemu ya Jumuiya ya Wanafunzi wa Kiislamu na Jumuiya ya Umaksi ya Waburkinabe (ANEB). Ibrahim Traore alijulikana kwa kuwatetea wanafunzi wenzake katika mabishano. Alihitimu kutoka chuo kikuu na kupata heshima.

Traoré alijiunga na Jeshi la Burkina Faso mwaka wa 2009, na kuhitimu kutoka Chuo cha Kijeshi cha Georges-Namoano. Alitumwa Morocco kwa mafunzo ya kupambana na ndege kabla ya kuhamishwa hadi kitengo cha askari wa miguu katika Kaya, mji ulio kaskazini mwa Burkina Faso.

Alipandishwa cheo na kuwa Luteni mwaka 2014, Traoré alijiunga na MINUSMA, kikosi cha kulinda amani cha Umoja wa Mataifa kilichohusika katika Vita vya Mali. Mnamo 2018, alitajwa kuwa mmoja wa wanajeshi wa MINUSMA ambao "walionyesha ujasiri" wakati wa mashambulizi makubwa ya waasi katika Mkoa wa Tombouctou.

Baadaye alirejea Burkina Faso ambako alisaidia katika operesheni dhidi ya uasi unaozidi kuongezeka wa wanajihadi. Traoré alipigana huko Djibo, katika "mashambulizi ya Otapuanu" ya 2019, na operesheni zingine kadhaa za kukabiliana na waasi kaskazini mwa nchi.

Alipandishwa cheo na kuwa Captain mnamo mwaka wa 2020. Traoré baadaye alidai kwamba alikatishwa tamaa na uongozi wa nchi yake wakati huu, kwani aliona ukosefu mkubwa wa vifaa vya askari wa Burkinabe, wakati wanasiasa walikuwa wakipeana "mabegi ya pesa" kwa hongo. Polepole akawa msemaji wa wanajeshi waliokaa kaskazini ambao walikuwa wamechanganyikiwa juu ya serikali yao.

Read More

Kwanini Azania Bank imekubali kudhamini Ligi ya Mkoa wa Kilimanjaro?

Udhamini katika soka una maana ya makubaliano kati ya mdhamini (kama vile kampuni au shirika) na timu, ligi, au tukio fulani la soka ambapo mdhamini hutoa fedha au rasilimali nyingine kwa ajili ya kusaidia shughuli za soka. Kwa upande wake, mdhamini hupata faida, kama vile: **Matangazo**: **Uhusiano wa Umma**: **Kufikia Hadhira pana**: **Kukuza Uhusiano**: Kwa hivyo, udhamini ni njia muhimu ya kusaidia maendeleo ya soka, wakati pia ikilenga faida za kibiashara kwa mdhamini.

Benki ya Azania tawi la Moshi, mkoani Kilimanjaro imeingia udhamini na Chama Cha Soka mkoani humo katika kudhamini Ligi ya Mkoa msimu wa 2024/25 maarufu Ligi daraja la Tatu ngazi ya mkoa.

Umeshawahi kujiuliza Benki inapodhamini soka katika ngazi za chini badala ya ngazi za Juu kama vile Ligi Kuu inakuwa imeona Nini?

Hivyo basi Benki ya Azania tawi la Moshi imeona Mambo yafuatayo katika udhamini wa Soka mkoani Kilimanjaro ambapo Benki hiyo imeweka rekodi ya Kwanza kuwa Benki ya Kwanza kufanya hivyo.

Kuwekeza katika ngazi za chini kunaweza kusaidia kutafuta na kukuza vipaji vipya. Hii inasaidia kujenga msingi mzuri wa wachezaji ambao wanaweza kufika kwenye ligi kuu baadaye.

Benki ya Azania imeanzisha uhusiano mzuri na jamii kwa kusaidia timu za chini, ambazo mara nyingi zinaweza kuwa na ushawishi mkubwa kwenye maeneo yao. Hii inaweza kuongeza uaminifu wa benki na wateja wapya.

Aidha kuweka fedha katika ngazi za chini kunaweza kuonyesha kujitolea kwa benki ya Azania kwa ajili ya maendeleo ya michezo na jamii, na hivyo kuongeza picha nzuri ya kampuni na Benki kwa ujumla.

 Kusaidia timu za chini kunaweza kuanzisha ushirikiano wa muda mrefu, ambapo benki ya Azania inaweza kuwa na fursa ya kujiweka kwenye soko la michezo kwa muda mrefu.

Pia kuweka nguvu katika soka za ngazi za chini kunaweza kusaidia katika kuimarisha ushirikiano wa kijamii na kutoa fursa kwa vijana kushiriki katika shughuli za michezo.

Hafla ya kuingia makubaliano baina ya Benki ya Azania na Chama Cha Soka mkoani wa Kilimanjaro yalifanyika katika Ukumbi wa Mikutano wa Mkoa na kutiliana Saini na Mkuu wa Mkoa Nurdin Babu mnamo

Meneja ya Benki ya Azania tawi la Moshi anasema mkataba huo wameisaini bila kuweka wazi kwa wadau wa Soka kiasi Cha fedha licha ya kutaja maeneo ambayo watadhamini 

"Tuna matarajio makubwa katika udhamini huu katika biashara yetu," alisema Meneja

Hivyo basi udhamini huo utaifanya ligi hiyo ya mkoa kuitwa, "Azania Bank Regional League Kilimanjaro."

Kwa ujumla, udhamini katika ngazi za chini katika Soka kunaweza kuwa na faida nyingi kwa benki husika, ikiwa ni pamoja na kuimarisha jamii, kukuza vipaji na kujenga uhusiano mzuri na wateja.

Read More

Kahawa Festival 2024 kusaidia wakulima kupata mbinu mpya

Mkurugenzi wa Bodi ya Kahawa Tanzania (TCB), Primus Kimaryo, akitoa maelezo kuhusu kahawa kwa mgeni rasmi wa ufunguzi wa Kahawa Festival 2024 msimu wa tano mnamo Septemba 4, 2024; Mkuu wa Wilaya ya Moshi James Kaji. Ufunguzi huo umefanyika katika Kiwanda cha Kukoboa Kahawa (Coffee Curing) mjini Moshi. (Picha na Dani Kazili/ JAIZMELA)

Mkurugenzi wa Bodi ya Kahawa Tanzania (TCB), Primus Kimaryo, amesisitiza umuhimu wa uanzishwaji wa matamasha ya kahawa katika kusaidia wakulima wa zao hilo kupata mbinu bora za kilimo.

Akizungumza katika uzinduzi wa Kahawa Festival 2024, mnamo Septemba 4, 2024  Kimaryo alieleza kuwa matukio haya ni fursa ya kipekee kwa wakulima kujifunza na kuboresha uzalishaji wao.

Kimaryo alisema kuwa matamasha yanatoa jukwaa kwa wakulima kukutana na wataalamu wa kilimo, ambapo wanaweza kupata mafunzo kuhusu mbinu za kisasa za kilimo, usimamizi wa mashamba, na teknolojia mpya.

"Tunaamini kuwa elimu ni msingi wa maendeleo. Wakulima wanapojifunza mbinu bora, wanakuwa na uwezo wa kuongeza uzalishaji na kuboresha ubora wa kahawa yao," alifafanua.

Alisisitiza umuhimu wa ushirikiano kati ya wakulima, serikali, na wadau wengine katika sekta ya kahawa. "Tunaweza kufanikisha mabadiliko makubwa kwa kushirikiana. Matamasha haya ni fursa ya kuungana na kujadili changamoto na fursa zinazokabili sekta ya kahawa," alisema Kimaryo. 

Kimaryo aliongeza kuwa matamasha yanaweza kusaidia kuboresha soko la kahawa nchini. 

"Kwa kutoa elimu na mafunzo, wakulima wataweza kuzalisha kahawa bora, ambayo itavutia wanunuzi na kuongeza thamani ya bidhaa zetu katika masoko ya ndani na nje," alisema. 

“Uanzishwaji wa matamasha ya kahawa ni hatua muhimu katika kusaidia wakulima kupata mbinu bora na kuboresha uzalishaji wa kahawa nchini.

Kimaryo, alisisitiza kuwa elimu na ushirikiano ni muhimu katika kuimarisha sekta ya kahawa na kuhakikisha kuwa wakulima wanapata faida inayostahili kutokana na kazi zao.

Kwa upande wake, Mwenyekiti wa Kahawa Festival, Denis Mahulu, alisema idadi ya watu wanaoshiriki kuonyesha bidhaa zinazotokana na zao la kahawa inazidi kuongezeka kila mwaka ambapo washiriki kutoka maeneo mbalimbali, wamekuwa wakishiriki kuonyesha ubunifu na ubora katika bidhaa zao.

Mahulu alisema kwamba ongezeko la washiriki hao ni dalili nzuri ya ukuaji wa sekta ya kahawa, kupitia Tamasha la Kahawa Festival-2024, wakati tamasha hilo  linaanzishwa mwaka 2019 washiri walikuwa 25 na kwa sasa washiriki wako zaidi ya 40, ambapo tamasha hilo, linatoa fursa kwa wakulima na wazalishaji wa kahawa kuungana, kubadilishana mawazo, na kujifunza mbinu bora za kilimo na usindikaji.

Mgeni rasmi wa ufunguzi wa Kahawa Festival 2024 alikuwa Mkuu wa Wilaya ya Moshi James Kaji ambaye alisisitiza uanzishwaji wa mashindano ya michezo kama vile riadha ili kuimarisha unywaji wa kahawa na kupanua wigo wa zao hilo kwa kila mdau nchini na kimataifa.

Kauli Mbiu ya Kahawa Festival 2024 inasema; “Ushirikiano wa dau kwa Pamoja katika uendelezaji wa tasnia ya Kahawa.”

CREDIT TO: Johnson Jabir, (JAIZMELA Correspondent.)

Read More