Watanzania watakiwa kuitunza Benki ya Ushirika

Mkuu wa Mkoa Kilimanjaro Nurdin Babu muda mchache baada ya ufunguzi wa mkutano wa 26 wa KCBL uliopitisha mageuzi ya benki hiyo na kuwa Beki ya Ushirika Tanzania (CBT).

 

 

Watanzania nchini wametakiwa kuitunza Benki ya Ushirika Tanzania (CBT) kwa kujiepusha na mikopo isiyo na tija maarufu kama mikopo kausha damu. 

 

Akizungumza kwenye mkutano wa 26 wa Benki ya Ushirika Kilimanjaro, uliobadilisha benki hiyo na kuwa Benki ya Ushirika Tanzania Mkuu wa Mkoa wa Kilimanjaro Nurdin Babu alisema KCBL imejitahidi kufanya mageuzi makubwa ya kimfumo kwa manufaa ya watanzania. 

 

“Benki ya KCBL imefanya mageuzi makubwa katika kipindi hiki kifupi tangu kuanzishwa kwake, sasa inatoa bidhaa lukuki ya mikopo ya biashara, kilimo na pembejeo za kilimo na uzalishaji wa kahawa, njoooni wekezeni hapa,” alisema Babu. 

 

Aidha mkuu huyo wa mkoa kwa niaba ya Waziri wa Kilimo Hussein Bashe aliongeza kuwa taifa kwa ujumla lina matumaini mapya kwa wanaushirika hivyo sio vizuri kujiingiza katika mikopo itakayokuwa na hasara. “Taasisi, makampuni na watu binafsi wanahamasishwa kununua na kumiliki hisa, kiwango cha chini ni hisa 400 ambazo ni sawa na shiligi laki mbili tu,” alisema Babu. 

 

Kwa upande wao wanahisa walitoa wito kwa watanzania wanaopenda kujichukulia mikopo kausha damu waachane nayo kwani inaweza kuwapa msongo wa mawazo 

 

Awali Katibu Tawala wa Mkoa Tison Nzunda alisema taasisi mbalimbali zinapaswa kuinga mkono CBT ili iweze kuimarika kiuchumi ili kutoa huduma bora kwa wanachama wao. “Kwa muda mrefu vyama vya vya uushirika viliendelea kupata changamoto mbalimbali lakini kazi ya serikali ni kuimarisha viongozi wa vya ushirika,” alisema Nzunda. 

Waanzilishi wa KCBL mnamo mwaka 1996 wakiwa katika picha ya pamoja na meza kuu, katika Mkutano wa 26 wa KCBL uliopitisha mageuzi ya kuibadili benki hiyo na kuwa ya Ushirika kwa nchi nzima badala ya mkoa wa Kilimanjaro.

 

 

Read More

Diwani Abuu Shayo atimuliwa kikaoni Baraza la Madiwani Manispaa ya Moshi

 

MSTAHIKI Meya wa Halmashauri ya Manispaa ya Moshi Mhandisi Zubery Abdallah Kidumo, amelazimika kumtoa nje ya kikao cha Baraza la Madiwani, diwani wa kata ya Mjimpya Abuu Shayo, kwa kile kilichoelezwa ni kutaka kuvuruga kikao cha baraza hilo.

 

Kisa cha diwani Abuu kuondolewa kwenye kikao hicho cha Jumatano Julai 26, kimetokana na yeye kutaka hoja zake zilizojadiliwa kwenye vikao vya Kamati kujadiliwa kwenye kikao cha kawaida cha Baraza la madiwani kilichokuwa kinathibitisha mihutasari ya vikao vya kamati za madiwani na watendaji.

 

Akitolea ufafanuzi hatua hiyo Mwanasheria wa Halmashauri ya Manispaa ya Moshi Wakili Msomi  Sifaeli Koyanga, amesema uamuzi huo ulilenga kuondoa mvutano baada ya diwani Abuu Shayo kushindwa kutafsiri kanuni aliyotumia kutaka hoja yake kujadiliwa kwenye kikao hicho.

 

Kwa upande wake Meya wa Manispaa hiyo Mhandisi Zubery Abdallah Kidumo, amesema uamuzi wake umetokana na mjumbe huyo wa Baraza la madiwani kupingana na ufafanuzi wa kanuni uliotolewa na mwanasheria wa halmashauri ya manispaa hiyo.

 

Kuhusu mradi wa ujenzi wa ukuta kuzunguka majengo ya halmashauri hiyo, yaliyotolewa na diwani Abuu, meya ametolea ufafanuzi wa fedha zilizotengwa kwa ajili ya ujenzi huo.

 

Katika hoja zake diwani wa kata ya Mjimpya Abuu Shayo ambaye pia ni mjumbe wa kamati ya mipango miji amekuwa akihoji gharama za ujenzi wa ukuta katika eneo la ofisi za halmashauri utakaogharimu kiasi cha shilingi milioni 920, pamoja na mradi wa ujenzi wa shule ya msingi kwenye kata yake.

 

Read More

Baraza la Madiwani Manispaa ya Moshi 2023

 

Read More

PICHA: Mamia Kwa-Mtei wamlilia mgambo aliyeuawa, azikwa Korogwe-Tanga

 

Read More

Siku ya Mashujaa Julai 25: Mkoani Kilimanjaro

 

Tanzania huadhimisha Siku ya Kuwakumbuka Mashujaa waliopoteza maisha yao wakiutetea, kuupigania na kuulinda uhuru wa Tanzania kila ifikapo Julai 25 ya kila mwaka. 

Siku hii ya kuwakumbuka mashujaa huambatana na shughuli mbalimbali ikiwemo dua na sala maalum ya kuwaombea mashujaa waliopoteza maisha na kuiombea amani nchi kutoka kwa viongozi wa dini. Pamoja na hayo hufanyika gwaride maalum kwa ajili ya mashujaa wetu.

Mashujaa hao walipambana kwa hali na mali kwa ajili ya kuitetea Nchi ya Tanzania wakiwa katika maeneo mbalimbali.Walijizatiti na kujitoa  kwa uzalendo mkubwa kwa kuweka rehani Maisha yao kwa ajili ya Tanzania.

Uongozi na menejimenti ya Wilaya ya Serengeti tunaungana na Watanzania wote kuwakumbuka na kuwaombea kheri kutokana na kujali na kudumisha Misingi ya Amani.

Misingi mizuri na imara iliyojengwa wasisi wa Taifa letu baba wa Taifa  ,Hayati Mwl.Julius Kambarage Nyerere Na Sheikh Abeid Amani Karume, imesababisha Wananchi wa Tanzania kwa muda mrefu kuishi kwa Amani na Utulivu,huku wakifanya mambo yao kwa uhuru bila kuingiliwa na mtu yeyote wa Ndani au Nje.

Amani iliyojengwa na  imewafanya wageni, wakimbizi na watalii kuiona Tanzania kuwa kivutio na kimbilio.

Mkuu wa Mkoa wa Kilimanjaro Nurdin Babu katika siku ya Mashujaa 

Vijana nchini wametakiwa kujitafakari kabla ya kufanya lolote katika kutunza Amani na utulivu wa nchi badala ya kuwa na mihemko ambayo italeta ghasia zitakazorudisha maendeleo nyuma.

Akizungumza katika siku ya Mashujaa Mkuu wa mkoa Kilimanjaro Nurdin Babu amesema mambo yamebadilika  ambapo baadhi wamekuwa wakifanya mambo ambayo hayampendezi Mwenyezi Mungu kutokana na kushindwa kutafakari kwa undani kuhusu madhara yake katika siku za usoni.

“Mambo yamebadilikayamekuwa mabaya watu hawana huruma tena wanafanya mambo ambayo hayampendezi Mungu, Watu wengine wanaweza fikiria tu amani tuliyonayo imekuja hivi hivi, hapana na hasa kwa vijana wa sasa, vijana wa sasa wakiona mambo yanakwenda wanasema hiyo ni haki yetu, haki yenu ipiii?”, amesema Nurdin Babu

Babu ameongeza kuwa wakati Tanzania ikiadhimisha siku ya Mashujaa amewataka kuheshimu mchango wa mashujaa hao ambao waliangalia zaidi maslahi ya taifa kuliko kufanya mambo ya hovyo na kwamba serikali haitaacha kuwachukulia hatua watakaokiuka.

“ Niwaombe tuendelee kuilinda kwa mikono miwili na miguu na macho na masikio amani tulionao, lakini niwaambie hao ninyi mnaofanya fanya mchezo na jambo hili kwenye mkoa, niwape salama kuwa tunataka amani na utulivu kwenye nchi na mkoa wetu wa Kilimanjaro,” amesema Nurdin Babu.

Hata hivyo amewataka wakazi wa mkoa wa Kilimanjaro kushikamana pamoja kuendelea kupiga vita dhidi ya unyanyasaji wa kijinsia ambapo hali inaonyesha sio nzuri hususani  wanaume ambao wamekuwa wakipigwa na wenzi wao na kukaa kimya.

“Niviombe vyombo vinavyohusika tushirikiane kwa pamoja kuhakikisha kwamba haya mambo yanapungua kwenye mkoa unyanyasaji wa kinjinsia, kina mama wanapigwa sana, kina baba nao wanapigwa lakini huwa hawasemi, watoto wanafanyiwa vitendo vibaya,” amesisitiza mkuu wa mkoa

Septemba Mosi, 1969 kwa mara ya kwanza, Tanzania iliadhimisha kwa mara ya kwanza Siku ya Mashujaa; miaka michache baadaye ilibadilishwa baada ya ushindi wa Vita vya Kagera dhidi ya nduli Iddi Amini ambapo Julai 25, 1979 majeshi ya Tanzania yalipokelewa mkoani Kagera baada ya ushindi huo na ndipo tarehe ya kuadhimishwa siku ya Mashujaa ilipobadilishwa kutoka Septemba Mosi na kufanyika kila mwaka  Julai 25.

Read More

Dereva bajaj auwa mgambo Kwa Mtei-Moshi

Jeneza lililobeba mwili wa Marehemu Michael Ngilizu (1967-2023) mnamo Julai 24, 2023 kwa ajili ya Ibada ya kumuaga iliyofanyika nyumbani kwake Kwa Mtei-Mji Mpya.

Mgambo kata wa anayefahamika kwa jina la Michael Ngilizu (54) ameuawa mjini Moshi, mkoani Kilimanjaro kwa kuchomwa na kitu chenye ncha kali wakati akiwa kwenye majukumu yake ya kikazi.

Mauaji hayo yametokea leo majira ya mchana maeneo ya Kwa Mtei katika Kata ya Mji Mpya, Manispaa ya Moshi ambako inadaiwa marehemu alikuwa katika majukumu yake ya kikazi ya kumkamata mtuhumiwa anayefahamika kwa jina la Amdani Mohammed Abdi.

Shuhuda wa tukio hilo Mwanaidi Abdi Omari amesema mtuhumiwa ni mtoto wa dada yake ambaye amekuwa akimsumbua bibi yake kuhusu kumuona baba yake.

“Alianza kumtishia kumwua baba yake wa kambo jana, kwa jitihada tulitafuta msaada tulienda polisi kwenda kuwaambia jamani kuna mtu anamemvamia baba ake mdogo anataka kumwua.,” amesema Mwanaidi Abdi Omari

Wakati mtuhumiwa akitekeleza mauaji hayo inadaiwa kuwa siku ya nyuma yake alikuwa ameingia na vitu vyenye ncha kali na mawe kwa kile ambacho aliwaambia angemwua baba mdogo.

“Anaishi hapa kwa bibi yake, Amdani ni mtoto kibri (ana kiburi) na bibi yake  amekuwa akijaribu kuongea naye, jana tulimuona akija na mawe visu ili 

ampige baba yake mdogo,” amesema Mwanaidi Abdi Omari

EATV imezungumza na rafiki wa marehemu Seif Abbas namna alivyomfahamu Michael Ngwirizu hadi umauti ulipomkuta.

“Nikiwa nyumbani nilipigiwa simu kuwa Michael amechomwa kisu amefariki dunia, nilifika eneo la tukio niliona damu zimetapakaa na nlichokiona kingine ni pikipiki ya marehemu,” amesema Seif Abbas

Kwa upande wake Mwenyekiti wa Mtaa wa Kwa Mtei Mary Elirehem Kimei amesema kuondokewa na mgambo mchapakazi ni jambo ambalo limemhuzunisha sana.

“Katika mtaa wangu kumetokea jambo la kushtua, amekuwa mchapakazi, kwa kwa kweli hakuwa mwoga, ni mvumilivu, na shupavu,” amesema Mwenyekiti Kimei.

Mtuhumiwa wa mauaji hayo ambaye ni dereva wa vyombo vya moto maarufu ‘DEIWAKA’ bado anatafutwa na polisi kwani ametoweka kusikojulikana. Hadi tunaingia studio mama mzazi wa mtuhumiwa, bibi wa mtuhumiwa, baba mdogo wa mtuhumiwa wanashikiliwa na Jeshi la Polisi kituo cha Majengo

Read More

Hospitali ya Kibong’oto yapongezwa matumizi Teknolojia Masafa ufuatiliaji Kifua Kikuu Sugu

Makatibu Wakuu kutoka nchi 12 barani Afrika zinazopambana dhidi ya Kifua Kikuu wakiwa katika picha ya pamoja mbele ya gari ambalo limekuwa likitumika kuifikia jamii; wakati wa ziara yao kutembelea Hospitali ya Afya ya Jamii na Magonjwa Ambukizi ya Kibong'oto nchini Tanzania mnamo Julai 6, 2023. (Picha na Kija Elias)

Mkurugenzi wa Hospitali Maalum ya Afya ya Jamii na Magonjwa Ambukizi ya Kibong’oto, Dkt. Leonard Subi,  amesema hatua ya utoaji wa huduma za matibabu kupitia hospitali hiyo katika ngazi za serikali za mitaa, imesaidia kwa kiasi kikubwa kuendeleza mapambano dhidi ya kifua kikuu sugu nchini. 

Akizungumza wakati akipokea ugeni wa makatibu wakuu barani Afrika hususani zenye maambukizi makubwa ya kifua kikuu zipatazo 12, Dkt. Subi amesema teknolojia ya masafa ambayo huwawezesha kuwafikia wagonjwa wa kifua kikuu sugu wakiwa mbali imekuwa silaha kubwa kudhibiti maradhi hayo. 

“Tumegatua utoaji wa huduma za matibabu katika ngazi za serikali za mitaa, sasa hospitali yetu ya Kibong’oto imekuwa ikitoa mafunzo lakini pia tunajadiliana wenzetu waliopo katika mamlaka zinazohusika za mitaa katika matibabu ya wagonjwa; kwa mwaka 2022 tuliweza kuwahudumia wagonjwa 42 kwa njia ya teknolojia ya masafa, kwa maana tunatoa huduma wakiwa kule mbali,” amesema Dkt. Subi. 

Naye Daktari Bingwa wa Magonjwa ya ndani Hospitali ya Magonjwa Ambukizi Kibong’oto Anna Chongolo, amesema wamekuwa wakipokea wagonjwa wa kifua kikuu wa aina tofauti wakiwemo wale ambao wameathirika baada ya kupona kifua kikuu, sambamba na walioathirika na vumbi la mgodi ambao wengi wao wamekuwa wakikohoa damu. 

“Mara zote tumekuwa tukipima mapafu ufanyaji kazi wake, tunaangalia uwezo wa pafu kufanya kazi tukiona kwamba kuna mapungufu tunaendelea klufanya counseling kwa mgonjwa kwani tutakuwa tukimfuatilia mara kwa mara,” amesema Dkt. Chongolo. 

Kwa upande wake Mkuu wa kifua kikuu kutoka Global Fund, Dkt. Eliud Wandwalo, ameipongeza Hospitali Maalum ya Afya ya Jamii na Magonjwa Ambukizi ya Kibong’oto,  kwa kuwa na mpango wa kuwafuatilia wagonjwa wa kifua kikuu waliopona ili kujua maendeleo ya hali zao tofauti na nchi zingine. 

Aidha amesema ugonjwa wa kifua kikuu unaua watu wengi zaidi duniani hasa nchi maskini ambazo zina watu wengi, ambapo kila mwaka watu zaidi ya milioni 1.6  wanakufa kutokana na kifua kikuu  ambayo ni sawa na wagonjwa 4,000 kwa siku hufariki dunia. 

“Mgonjwa mmoja asipogundulika na kifua kikuu kwa muda wa mwaka mmoja anaambukiza wengine 15 mpaka 20,” amesema Dkt. Wandwalo.

Ugeni huo uliambatana na mwakilishi wa Shirika la Afya Duniani (WHO), madaktari bingwa kutoka India, na wawakilishi kutoka Mfuko wa Kudhibiti Ukimwi, Malaria na Kifua Kikuu (Global Fund).

Taarifa hii imetayarishwa na Kija Elias na Jabir Johnson, Julai 6, 2023

Read More

Tembo wazururaji kurudishwa hifadhini

Waziri wa Maliasili na Utalii Mohammed Mchengerwa amewahakikishia wananchi wa wilaya Same mkoani Kilimanjaro tembo wote wanaozurura nje ya hifadhi ya Wanyamapori Mkomazi wataanza kurudishwa tena hifadhini humo.

Akizungumza na wakazi wa kata ya Kalimawe  wilayani Same; Mchengerwa amesema zoezi hilo linakuja kutokana na idadi kubwa ya tembo kuongezeka katika hifadhi.

“Tembo wote tunawaondoa na kuwarudisha ndani ya hifadhi, tutahakikisha tunatatua kero zote zinazowahusu wananchi hasa wananchi wa Same, kama kulikuwa na tembo wanazurura hovyo hovyo nimekwishatoa maelekezo tembo wote warudi ndani ya hifadhi. Na ninaomba niwadhibitishie kama miongoni mwetu walikuwa wanakata tamaa huu ni wakati wa kujenga matumaini,” amesema Mchengerwa.

Aidha Mchengerwa amesema baada ya zoezi hilo kukamilika serikali itaanza kuwalipa fidia waathirika wa uvamizi wa tembo.

“Mbali na hilo kuna wananchi wanadai fidia mazao yao yameliwa, kuna wananchi wamepoteza maisha niwaambie serikali yenu inawapenda sana wananchi wa Same, inawapenda sana watanzania; Tanzania ndiyo nchi pekee Afrika ambayo tunalipa fedha za fidia, hauikuti Kenya, huikuti Uganda, huikuti sijui wapi; ni Tanzania pekee…fedha ninayo, fedha ipo na niwathibitishie wananchi wa Same tutajitahidi wiki ijayo walipwe fidia, tutajitahidi, “amesisitiza Waziri huyo wa Maliasili na Utalii.

Hata hivyo Mchengerwa amewataka wale waliopata nafasi ya kuitimikia nchi hii katika nafasi mbalimbali kufanya kazi kwa bidii.

“Yeyote aliyepata nafasi ya kufanya kazi afanye kazi kwa bidii; watanzania wanatutegemea na sisi tumepata nafasi hizi ni lazima tuwatumikie tufanye kazi hasa ili kila mmoja wenu awe na furaha na serikali,” amesema Mchengerwa.

Zoezi la kuwarudisha tembo katika hifadhi ya Mkomazi limeanza Julai 7 mwaka huu ambapo Hifadhi za Taifa Tanzania (TANAPA) kwa kushirikiana na taasisi nyingine za uhifadhi wa Wanyamapori zipo wilayani Same kuhakikisha tembo hao wanarudi hifadhini.

Read More

Muuguzi wa Hospitali ya Rufaa KCMC auawa.

KHUDHEIFA CHANGA (26), ENZI ZA UHAI WAKE

Jeshi la Polisi mkoa wa Kilimanjaro linawashikilia watuhumiwa watano kwa tuhuma za kusababisha kifo cha Muuguzi wa hospitali ya KCMC Moshi.

Wamekamatwa watuhumiwa watatu wanaume na wanawake wawili (majina yao yamehifadhiwa kwa sababu wengine wanaendelea kutafutwa) kwa tuhuma za kusababisha mauaji ya mwanaume mmoja aitwaye Khudheifa Changa, (26), Muuguzi katika Hospitali ya rufaa KCMC Moshi huko mtaa wa Malindi, kata ya Mawenzi, wilaya ya Moshi Manispaa usiku wa kuamkia Julai 2, 2023.

Inadaiwa siku ya tukio hilo marehemu alikuwa akipita eneo hilo kwenye njia ya uchochoro ndipo alivamiwa na watu hao kwa nia ya kumpora mali alizonazo.

Katika purukushani hizo marehemu alijeruhiwa kwa kuchomwa na kitu chenye ncha kali kwenye mbavu upande wa kushoto usawa wa moyo na kupelekea kifo chake papo hapo.

Jeshi la Polisi kwa kushirikiana na Raia wema lilifanikiwa kupata taarifa zilizosaidia kukamatwa kwa watuhumiwa hao ambao walitoweka baada ya kutenda unyama huo.

Watuhumiwa watafikishwa Mahakamani upelelezi utakapokamilika.

Mwili wa marehemu umehifadhiwa hospitali ya Rufaa KCMC Moshi kwa uchunguzi zaidi.

Read More