Mashabiki 50 Moshi Vijijini wajiandikisha kufungua tawi Weruweru-Chekereni

Kuelekea ufunguzi wa African Football League (AFL) ambao utafanyika Oktoba 20 mwaka huu jijini Dar es Salaam, Mashabiki wa Simba wilayani Moshi Vijijini wameamua kwa moyo wa dhati kujiandikisha kwa ajili ya kufungua tawi ambalo litawawezesha kuanza safari ya kuwa wanachama rasmi wa klabu hiyo.

Akizungumza na mashabiki wa klabu ya Simba wa Weruweru-Chekereni wilayani Moshi Vijijini Katibu wa Simba SC mkoa wa Kilimanjaro Lawrence Monyonyi amesema ili kuwa na uanachama katika klabu hiyo ni lazima kuanzia hatua ya matawi.

Kwa upande wake mwenyekiti wa muda wa mchakato wa kuanzisha tawi hilo Ali Mgaza amesema wameamua kufanya hivyo kwa manufaa ya wapenda soka na Simba kwa ujumla

EATV imezungumza na mashabiki wa Simba katika mkutano huo ambao ulianza na semina namna ya kuwa mwanachama halali kwa mujibu wa Katiba ya Simba Toleo la 2018

Ibara ya Pili  (b)ya Katiba ya Simba SC ya mwaka 2018 kifungu kidogo cha kwanza kinasema malengo ya klabu ni kuwa chombo ambacho wadau wenye tamaduni na itikadi sawa za kimichezo, watakusanyika pamoja, kutengeneza umoja kupitia mfumo wa uanachama, na kupitia umoja huo waweze kuunganisha nyenzo zao na kuwa wamiliki wa hisa katika kampuni ya Simba Sports Club Company Limited.