Kinana awaasa WanaCCM Kilimanjaro

Makamu Mwenyekiti wa Chama Cha Mapinduzi (CCM) Bara Abdulrahman Kinana akipeana mkono na Mwenyekiti wa CCM Moshi Mjini Faraji Swai wakati alipowasili katika Ofisi za CCM wilaya ya Hai kwa ajili ya kupokea taarifa ya Utekelezaji wa Ilani ya CCM kutoka Novemba 2020 hadi Oktoba 2023 ya Jimbo la Hai.

BOMANG’OMBE, KILIMANJARO

Makamu Mwenyekiti wa Chama Cha Mapinduzi (CCM) Bara Abdulrahman Kinana amewataka wanachama wa chama hicho kuacha tabia ya kuwania nafasi za uongozi pindi wanapoona aliyepo madarakani anaendelea kufanya vizuri.

Akizungumza na wanachama hao katika Mkutano Maalum wa Jimbo la Hai uliondaliwa na mbunge wa jimbo hilo Saashisha Mafue wa kuwasilisha utekelezaji wa Ilani ya CCM kwa kipindi cha miaka mitatu kutoka 2020 hadi 2022 uliofanyika kwenye Ukumbi wa Dream Park mjini Bomang’ombe, Hai; Kinana amesema kiongozi anayefanya vizuri akiwa madarakani ni faraja na ukombozi kwa wananchi wake.

Awali Kinana aliwasili katika Ofisi za CCM Hai kwa ajili ya kuzungumza na viongozi wa chama hicho mkoa wa Kilimanjaro kabla ya kwenda katika ukumbi wa Dream Park na kuzungumza na hadhira ya wanachama.

Viongozi wa dini na kimila walialikwa katika Mkutano huo Maalum wa Utoaji wa Taarifa ya Utekelezaji wa Ilani ya Chama cha Mapinduzi ya Jimbo la Hai kutoka Novemba 2020 hadi Oktoba 2022.

Kwa upande wake Mbunge Mafuwe amesema kuanzia Novemba 2020 hadi Oktoba 2022 Halmashauri ya Hai ilishapokea jumla shilingi bilioni tatu (3,715,520,202.94) kutoka serikali kuu kwa ajili ya shughuli mbalimbali za maendeleo katika jimbo hilo.

USULI WA JIMBO LA HAI, KILIMANJARO

Jimbo la Hai lipo kanda ya Kaskazini Mashariki mwa nchi ya Tanzania mkoani Kilimanjaro likiwa na ukubwa wa Kilometa za Maraba 1011 sawa na hekta 101,000. Kati ya hizo hekta 73,803 ni eneo la makazi, shughuliza kilimo na ufugaji na hekta 27, 297 ni eneo la msitu na hifadhi ya Mlima Kilimanjaro.

Mstahiki Meya wa Manispaa ya Moshi Mhandisi Zuberi Kidumo akisalimiana na wajumbe wa Chama cha Mapinduzi (CCM) baada ya kuwasili katika Ofisi zaa CCM wilaya ya Hai kusubiri mapokezi ya Makamu Mwenyekiti wa CCM Bara Abdulrahman Kinana.