Bagamoyo Int’l Festival of Arts and Culture 2018

Tamasha la Kimataifa la Sanaa na Utamduni la Bagamoyo linafanyika mfululizo kwa mara ya 37. Kwa mara ya kwanza ilikuwa mwaka 1981. Wasanii mbalimbali kutoka kila pembe ya dunia hujumuika kuonyesha kazi zao za Sanaa na utamaduni.

Read More

TaSUBa ni nini?

Mojawapo ya jambo la kujivunia katika TaSUBa ni ubunifu wa wanafunzi katika sanaa na utamaduni. Picha zote zilichukuliwa wakati wa tamasha la 37 la Bagamoyo International Festival of Arts and Culture Oktoba 20-27, 2018. (Picha zote na Jabir Johnson kwa hisani ya TaSUBa)

TaSUBa ni Wakala wa serikali iliyoanzishwa kwa mujibu wa sheria ya Wakala wa Serikali Na. 30 ya mwaka 1997 kama ilivyofanyiwa marekebisho mwaka 2009, kupitia tangazo la Serikali Na. 220 la Novemba 2, 2007. Taasisi hii inatokana na kilichokuwa Chuo cha Sanaa Bagamoyo ambacho kilianzishwa mwaka 1981 baada ya kuvunjwa kwa kikundi cha Sanaa za Maonesho cha Taifa mwaka 1980.

Rashidi M. Masimbi ndiye aliyekuwa mkuu wa kwanza wa chuo cha Sanaa na Utamaduni Bagamoyo kabla hakibadilishwa na kuitwa TaSUBa kuanzia mwaka 1981-1987 akafutiwa na J. Mwakipesile (1987-1987), R. Mashimbi (1989-1997), P. Nyambasi (1997-2007) na Juma A. Bakari (2003-2007).

Baada ya kuundwa kwa Wizara ya Utamaduni mwaka 1962, kilianzishwa kikundi cha Sanaa za Maonesho cha Taifa ambacho kilianza na fani ya ngoma (1963), Sarakasi (1969) na Tamthilia (1974). Kazi kubwa ya Kikundi hiki ilikuwa kufanya maonesho sehemu mbali mbali nchini ili kukuza mwamko wa kuupenda na kuutukuza utamaduni wa Watanzania ambao mkoloni alijitahidi kwa nguvu zake zote kuukandamiza.

Kazi za kikundi hicho ni kuwahamasisha Watanzania wajivunie utamaduni wao na washiriki kikamilifu kuufufua, kuukuza na kuulinda. Makazi ya Kikundi yalikuwa Shariff Shamba- Ilala, Dar es Salaam, mahali zilipo ofisi za Baraza la Sanaa la Taifa (BASATA). 

Mtendaji Mkuu wa TaSUBa, Dk Herbert Makoye katika mahojiano maalumu na anasema wamejipanga kuhakikisha Taasisi hiyo inakuwa kituo cha mafunzo ya Sanaa na Utamaduni chenye ubora uliotukuka Afrika.

Bango la TaSUBa

Mtendaji Mkuu wa TaSUBa Dkt. Herbert Makoye

Baadhi ya majengo katika taasisi hiyo.

Hivyo ndivyo unaweza kusema kuhusu TaSUBa. Umaarufu wake umekwenda mbali zaidi kwa kutoa manguli katika Sanaa ambao wamesambaa duniani kufanya kazi hizo.

Read More

Watumiaji dawa za kulevya bado tatizo Tanzania

 

Mshauri Nasaha Eusebius Lekewe wa Life and Hope Rehabilitation Organisation iliyopo Bagamoyo, Pwani akizungumza katika warsha kwenye Tamasha la Sanaa na Utamaduni Bagamoyo katika Jukwaa ya Mwembeni kwenye viunga vya TaSUBa.

Jamii imetakiwa kuendelea kuwaelimisha vijana kuhusu matumizi na athari za dawa za kulevya ili kuwaokoa vijana na kutumbukia katika kadhia hiyo hatarishi.

Akizungumza katika Warsha ya Siku Moja kwenye Tamasha la Sanaa na Utamaduni Bagamoyo linaloendelea katika viunga vya TaSUBa; Eusebius Lekewe, Mshauri Nasaha wa Kituo cha Kurekebisha Tabia za Waathirika wa Dawa za Kulevya cha Life and Hope Rehabilitation Bagamoyo mkoani Pwani amesema tatizo linazidi kukua siku baada ya siku hali ambayo inatishia maendeleo ya taifa.

Lekewe amesema vijana ndio nguvu kazi ya taifa, endapo juhudi za makusudi zisipochukuliwa maendeleo itakuwa ni ndoto kwani nguvu kazi itakuwa imepotea.

Aidha ametoa wito kwa mashirika mbalimbali, dini, serikali na kila mmoja kuunganisha nguvu kwani kwa tangu kituo hicho kianze wamepokea waraibu 600 ambapo 570 ni wa kiume na 30 ni wa kike hali ambayo ameiita kuwa ni janga la kitaifa.

Hata hivyo Lekewe amesisitiza kuwa jamii inapaswa kupiga vita michezo ya kubashiri kwani imegeuka kuwa uraibu kwa vijana hali ambayo imekuwa ikiwasababishia madhara zaidi ikiwamo ulevi, wizi na ngono zisizo salama.

Tamasha la Sanaa na Utamaduni Bagamoyo linatia nanga Oktoba 27 mwaka huu.

TaSUBa ni kufupisho cha maneno haya 'Taasisi ya Sanaa na Utamaduni Bagamoyo'.

Washiriki wa warsha kuhusu matumizi ya dawa za kulevya na athari zake kwenye Tamasha la Sanaa na Utamaduni Bagamoyo katika Jukwaa ya Mwembeni, TaSUBa.

Washiriki wa warsha kuhusu matumizi ya dawa za kulevya na athari zake wakifuatilia kwa makini iliyofanyika katika Jukwaa ya Mwembeni, TaSUBa, Oktoba 24, 2018

Washiriki wa warsha kuhusu matumizi ya dawa za kulevya na athari zake wakifuatilia kwa makini iliyofanyika katika Jukwaa ya Mwembeni, TaSUBa, Oktoba 24, 2018

Mshauri Nasaha Eusebius Lekewe wa Life and Hope Rehabilitation Organisation iliyopo Bagamoyo, Pwani akizungumza katika warsha kwenye Tamasha la Sanaa na Utamaduni Bagamoyo katika Jukwaa ya Mwembeni kwenye viunga vya TaSUBa.

Read More