Gari la Mafuta laua 11 Lagos, Nigeria

Lori la mafuta limelipuka jijini Lagos, nchini Nigeria na kuua watu wasiopungua tisa na zaidi ya magari 50 yakiwamo mabasi matano kuteketea kwa moto.

Mashuhuda wa tukio hilo wamesema lori hilo lilianguka na baadaye kulipuka baada ya mfumo wa breki kushindwa kufanya kazi.

Tukio hilo limetokea Alhamisi Juni 28, 2018 katika barabara ya Lagos - Ibadan ambayo ni miongoni mwa njia kubwa za magari jijini humo.

Wachambuzi wa masuala ya uchumi nchini humo wamekaririwa wakisema milipuko inayotokana na mafuta sio kitu cha kushangaza katika taifa hilo kubwa barani Afrika kwa uzalishaji wa mafuta.

Petrol imekuwa ikisafirishwa katika mfumo mbaya nchini humo kutokana na ubovu wa barabara na vyombo vya usafirishaji.

Rais wa Nigeria Muhammadu Buhari ametoa pole kwa tukio lililotokea.  Msemaji wa Serikali Kehinde Bamigbetan ameongeza kuwa ni lazima zitafutwe njia za kuthibiti malori hayo na madereva  ambao watawajibika.

Read More

Wafahamu watoto 11 wa Joe Jackson

Joe Jackson ni baba wa mwanamuziki mahiri duniani Michael Jackson aliyefariki mwaka 2009. 

Joe Jackson (1928-2018) enzi za uhai wake

Joe alifariki dunia siku mbili baada ya kuadhimisha kifo cha mwanaye. Mzee huyo alifariki dunia Juni 27, 2018 Los Angeles nchini Marekani akiwa na miaka 89. Alizaliwa Julani 26, 1928 mjini Fountain Hill, Arkansas nchini Marekani. 
 
Alizaa watoto 11 (10 kutoka kwa mkewe Katherine Jackson) ambao ni  

1. Maureen Reillette "Rebbie" Jackson (born May 29, 1950) 2. Sigmund Esco "Jackie" Jackson (born May 4, 1951) 3. Toriano Adaryll "Tito" Jackson (born October 15, 1953) 4. Jermaine La Jaune Jackson (born December 11, 1954) 5. La Toya Yvonne Jackson (born May 29, 1956) 6. Marlon David Jackson (born March 12, 1957) 7. Brandon Jackson (March 12, 1957 – March 12, 1957) 8. Michael Joseph Jackson (August 29, 1958 – June 25, 2009) 9. Steven Randall "Randy" Jackson (born October 29, 1961) 10. Janet Damita Jo Jackson (born May 16, 1966) 11. Joh'Vonnie Jackson (born August 30, 1974)

Read More

Xi akutana na Mattis jijini Beijing

Rais wa China Xi Jinping amekuta na Katibu wa Ulinzi wa Marekani James Mattis jijini Beijing. 

Rais wa China Xi Jinping (kulia) akimkaribisha Katibu wa Ulinzi wa Marekani James Mattis Juni 27, 2018 jijini Beijing.

Xi alisema ulimwengu unakwenda kasi katika maendeleo na kwamba mabadiliko ya kiuchumi yamekuwa chachu ya nchi kuwa na mahusiano ya karibu. 

Hata hivyo Xi alisisitiza kuwa China itasalia katika njia yake ya Ujamaa wa Kisasa ambao unaabudu amani na hautaruhusu ukoloni na mabadiliko yake ya kujitanua kwa fujo.

Aidha alisema mahusiano ya nchi yake na Marekani ni miongoni mwa mahusiano muhimu ulimwenguni.

Read More

Moto wateketeza soko Nairobi, 15 wapoteza maisha

Watu  15 wamepoteza maisha na wengine 70 kujeruhiwa katika harakati za kujiokoa kwenye moto uliozuka na kuchoma soko moja nchini Kenya.

Moto ukiwaka katika soko la Gikomba asubuhi ya Juni 28, 2018

Mratibu wa kanda Kangethe Thuku alithibitisha kutokea kwa tukio hilo na kwamba bado wanaendelea na uchunguzi wa chanzo cha moto huo.

Aidha moto huo umesababisha hasara kubwa ya mamilioni ya fedha baada ya kuteketeza kila kitu sokoni hapo.

Mashuhuda walisema moto huo ulitokea saa moja za asubuhi (EAT) katika soko la Gikomba jijini Nairobi.

Majeruhi wa ajali hiyo walikimbizwa katika hospitali ya Taifa ya Kenyatta.

Kaimu Mkurugenzi Mkuu wa Hospitali hiyo Dkt. Thomas Mutie  alithibitisha kupokea kwa wanaume 28, wanawake 42 na watoto 17. 

Kituo cha Televisheni nchini humo cha NTV kimesema maelfu ya pesa yameteketea kwa moto bila kuweka wazi ni kiasi gani kutokana na moto kuteketeza bidhaa sokoni hapo.

Namna moto ulivyotekeza soko la Gikomba, jijini Nairobi

Read More

Ujerumani yaomba radhi kushindwa Kombe la Dunia

Baada ya miamba ya soka Ujerumani kutolewa katika kampeni za kuwania taji hilo mwaka huu, imeomba radhi kwa mashabiki wake na kusema kuwa hawakucheza kama mabingwa.

Thomas Muller akiwa haamini kilichotokea Kazan Arena baada ya kushindwa kufuzu hatua ya makundi

Timu ya Taifa ya Ujerumani katika Uwanja wa Ndege wa Vnukovo, Moscow nchini Russia.

Shabiki wa wa Ujerumani akishindwa kuvumilia na kujikuta akisononeka baada ya miamba hiyo kuzabuliwa mabao 2-0 na Korea Kusini hivyo kuyaaga mashindano hayo.

Ujerumani ilitupwa nje ya mashindano hayo baada ya kuzaliwa mabao 2-0 na Korea ya Kusini katika dimba la Kazan nchini Russia.

Gazeti la udaku nchini Ujerumani la Bild liliandika 'Kichapo' baada ya mabingwa hao kushindwa kuvuka hatua ya makundi na kwamba ni miongoni mwa historia za kufadhaisha.

Timu hiyo ilionekana asubuhi ya Juni 28, katika Uwanja wa Ndege wa Vnukovo jijini Moscow ikijiandaa kurudi nchini Ujerumani

Mashabiki wa timu hiyo katika mtandao wa twitter wameitaka timu hiyo ichunguzwe kwa kina kuhusu namna ilivyocheza katika michuano hiyo.

Read More

Ripoti ya UN: Watoto 1,316 wauawa 2017, Saudia Arabia yashutumiwa

Ripoti ya Umoja wa Mataifa kuhusu Watoto na Madhara yanawakumbwa wakati wa vita imetolewa huku Saudia Arabia ikishutumiwa vikali. 

Msanii wa Uchoraji Haifa Subay alichora picha ya watoto wawili akionyesha hisia zake kuhusu watoto wanaopata taabu kwenye vita ikiwa ni kampeni ya kunyamazisha mapigano jijini Sanaa. (Picha na Khaled Abdullah/Reuters).

Taifa hilo ambalo ni chanzo cha Uislamu duniani linashutumiwa vikali kuwa ndilo lilisababisha vifo na majeruhi kwa watoto katika vita nchini Yemen mwaka 2017. Ripoti hiyo imeweka wazi kuwa vifo vya watoto 1,316 vimetokea katika mataifa ya kiarabu. 

Mwaka 2015 Saudia Arabia na mataifa mengine ya Kiarabu yaliungana katika Kampeni za Kijeshi kuisaidia serikali ya Yemen dhidi ya waasi wa Houthi. Baadaye mataifa mengine yalijiondoa katika kampeni hizo baada ya kugundua kuwa yanalisaidia taifa hilo ambalo linasaidiwa na Marekani. 

Hata hivyo Saudia Arabia na Falme za Kiarabu (U.A.E) yakisalia katika kampeni hizo. Katibu Mkuu wa Umoja wa Mataifa Antonio Guterres aliifikisha ripoti hiyo kwenye Baraza la Usalama Jumatatu usiku (25 Juni 2018). 

Ripoti hiyo imeongeza kuwa ilijiridhisha kuwa watoto 552 waliuawa miongoni mwao wa kiume 398 na wa kike 154. Aidha 370 ni watu wazima na 300 walijeruhiwa.

Read More

China yazindua teknolojia mpya ya Satelaiti

Taifa la China limefanikiwa kurusha chombo hewani katika teknolojia mpya mapema asubuhi ya Juni 27, 2018. 

Teknolojia mpya ya Satelaiti Mbili zilizobebwa katika chombo cha Long March-2C ikizinduliwa Kusini Magharibi mwa China kwenye kituo cha Satelaiti cha Xichang. Uzinduzi huo umefanyika Juni 27, 2018 (Picha na Xinhua).

Uzinduzi huo umefanyika katika mji wa Xichang katika Kituo cha Satelaiti Kusini Magharibi mwa China. Saa 5:30 asubuhi kwa saa za China (sawa na saa 11:30 alfajiri EAT), chombo hicho kilifanikiwa kukaa katika obiti yake. 

Madhumuni ya kupeleka chombo hicho ni kuunganisha mtandao wa satelaiti kwa teknolojia mpya na kutazamwa duniani. Uzinduzi huo ambao taifa hilo limeufanya ni wa 278 katika roketi za Long March.

Read More