Thank God Daily

Witness

Mzee Merinyo

Diana 'Ndugu Mtangazaji'

Anko Tununu 'The Tailor'

My life's attitude is simple: 'Make the best of what you have got. And move to the next. Thank God for what is coming my way and enjoy it completely.'- Abhinav Bindra

I'm just living daily and I thank God for every day that I have.

Read More

Christine Kimaro apata Komunyo ya Kwanza

Christine A. Kimaro baada ya kupokea Komunyo ya kwanza katika Parokia Teule  Jina Takatifu la Maria, Mnazi Mmoja-Moshi mkoani Kilimanjaro. 

Ekaristi Takatifu ni ishara ya Umoja na kifungo cha mapendo, karamu ya pasaka ambamo waamini humpokea Kristo na roho hukazwa neema na kupewa Amana ya uzima wa milele.

Shangwe, nderemo, bashasha na vigelegele vilitawala baada ya Christine Kimaro kupata komunyo yake ya kwanza katika Parokia Teule  Jina Takatifu la Maria, Mnazi Mmoja-Moshi mkoani Kilimanjaro.

Christine mwenye umri wa miaka 11 ni miongoni mwa watoto takribani 50 waliopata komunyo ya kwanza mnamo Desemba 26,2023 katika Kanisa hilo.

Katika hafla hiyo Baba Paroko Ludàsi Retembea aliwapongeza watoto hao na kuwataka kuishi kama Kristo Yesu alivyoagiza na mafundisho waliyoyapata.

Kwa upande wake Padre Mark aliwapongeza watoto hao kwa kupokea komunyo hiyo, na kuwataka kujifunza kumtegemea Mungu.

Aidha hafla hiyo iliendelea kwa mtoto Christine kufanyiwa sherehe ya kumpongeza kutokana na hatua aliyofikia

Ndugu, jamaa na marafiki walimiminika katika ukumbi wa Police Line mjini Moshi ambako walisheherekea pamoja.

Babu, Bibi, mashangazi na wajomba walikuwepo katika hafla hiyo ambapo walimtunuku zawadi mbalimbali mtoto Christine.

Hakika ilifana, mtoto Christine alianza kwa kuwakaribisha ndugu, jamaa na marafiki kisha Wazazi walipata fursa ya kuzungumza na wageni waalikwa.

Pia keki ilikatwa, mtoto Christine aliikata na kuwalisha wageni wote waalikwa  waliokuwepo ukumbi hapo.

Babu wa Christine alitoa shukrani zake za dhati kwa wageni wote

Hata hivyo Majirani wa Familia ya Christine hawakuwa nyuma walimtunuku Christine na Wazazi wake zawadi ambazo hakika zilionyesha ujirani mwema.

Haikutosha muda wa maakuli na matojoro uliwadia Christine aliongoza msururu wa watu kupata kilichoandaliwa kwa ajili yao

Hatimaye baba mzazi wa Christine, Mzee Kimaro alitoa neno la shukrani kwa wageni waalikwa.


Hakika Desemba 26,2023 haitasahaulika katika Kumbukumbu ya wote waliohudhuria hafla ya kumpongeza mtoto Christine kwa kupata Komunyo yake ya kwanza.

Read More

Uhamiaji Tanzania, Uhamiaji China zatiliana saini kuimarisha uhusiano wa kibiashara na ulinzi

Naibu Kamishna wa Jeshi la Uhamiaji la China (NIA)  Li Junjie na mwenyeji wake Jenerali Kamishna wa Uhamiaji Tanzania Dkt. Anna Makakala wakionyesha hati za makubalino baada ya kusaini, kwenye hafla iliyofanyika katika Chuo cha Kikanda cha Uhamiaji (TRITA)  Mosi mnamo Desemba 18, 2023.

Jeshi la Uhamiaji Tanzania na Jeshi la Uhamiaji la Jamhuri ya Watu wa China zimetilia saini hati za makubaliano ili kuimarisha uhusiano wa kibiashara, ulinzi na Uhamiaji baina ya mataifa hayo mawili.

Utilianaji saini baina ya majeshi hayo umefanyika katika Chuo cha Kikanda cha Uhamiaji Tanzania (TRITA) mjini Moshi ambako Naibu Kamishna wa Jeshi la Uhamiaji la China (NIA)  Li Junjie na mwenyeji wake Jenerali Kamishna wa Uhamiaji Tanzania Dkt. Anna Makakala walitilia saini hati hizo za makubaliano.

Akizungumza na vyombo vya habari Naibu Waziri wa Mambo ya Ndani Jumanne Sagini amesema baada ya Rais Samia Suluhu Hassan kuzuru China kilichokuwa kimebaki ni jukumu la wizara husika kufuatilia kwa karibu namna inavyoweza kufaidika na uwekezaji huo wa China nchini Tanzania.

Aidha Dkt. Makakala amesema hati ya makubaliano baina ya Uhamiaji wa mataifa yote mawili ni mwanzo wa mpango thabiti wa kubadilisha uzoefu kwa Nia ya kujenga uchumi.

Kwa upande wake Li Junjie amekaririwa akisema ni hatua adhimu kuwekeza katika Taifa la Tanzania.

Utilianaji saini huo unajiri baada ya Rais wa Jamhuri ya Muungano wa Tanzania kuzuru nchini China ambako alikutana na Xi Jinping kuhusu uwekezaji katika nyanja mbalimbali nchini Tanzania.

Rais wa Jamhuri ya Watu wa China Xi Jinping aliweka bayana kuwa Taifa lake haliwekezi katika mataifa ya Afrika kwenye miradi isiyo na maana bali katika miradi ambayo itayasaidia mataifa hayo ikiwamo Tanzania.

Read More

Zahara is no more. Dies at age of 36

 

Bulelwa Mkutukana (9 Novemba 1987 - 11 Desemba 2023), anayejulikana kwa jina lake la kisanii Zahara, alikuwa mwimbaji wa Afrika Kusini, mtunzi wa nyimbo na mpiga gitaa. Muziki wake uliainishwa kama "Afro-soul", na aliimba kwa Kixhosa, lugha yake ya asili, na pia kwa Kiingereza.

Baada ya kusaini mkataba wa rekodi na TS Records, albamu ya kwanza ya Mkutukana, Loliwe (2011), ilienda mara mbili ya platinamu. Albamu yake ya pili, Phendula (2013), ilitoa nyimbo tatu bora zaidi "Phendula", "Impilo", na "Stay". Albamu ya tatu ya Zahara, Country Girl (2015), iliidhinishwa kuwa platinamu mara tatu. Kufuatia kuondoka kwake kutoka TS Records, alitia saini mkataba wa kurekodi na Warner Music. Albamu yake ya nne, Mgodi (2017), ilikuwa albamu yake iliyouzwa zaidi na iliidhinishwa kuwa platinamu, huku albamu yake ya tano, Nqaba Yam (2021), ikishika nafasi ya 1 kwenye iTunes. 

Tuzo zake ni pamoja na Tuzo 17 za Muziki za Afrika Kusini, Tuzo tatu za Metro FM, na Tuzo moja ya Burudani ya Nigeria.  Zahara alikuwa kwenye orodha ya 2020 ya Wanawake 100 wa BBC. [4] Alionekana kama jaji mgeni katika msimu wa kumi na saba wa Idols Afrika Kusini mnamo 2021.

Alizaliwa kama Bulelwa Mkutukana katika Makazi yasiyokuwa Rasmi ya Phumlani ya East London huko Eastern Cape, Afrika Kusini,  Zahara alilelewa huko na wazazi wake Nokhaya na Mlamli Mkutukana, mtoto wa sita kati ya watoto saba.  

Zahara alianza kuimba katika kwaya ya shule yake alipokuwa na umri wa miaka sita, akawa mwimbaji mkuu huko, na akiwa na umri wa miaka tisa, aliombwa kujiunga na kwaya ya wakubwa kwa sababu ya sauti yake kali.  Jina lake la jukwaa linamaanisha "ua linalochanua" katika Kiarabu. [8] Akiwa mtoto, alijulikana kwa jina la utani "Mchicha" kutokana na kupenda mboga. [10

Read More

Askofu Malasusa, Mhashamu Ludovick Minde wakutana

 

Mkuu wa Kanisa Mteule wa KKKT Askofu Alex Malasusa na Mhashamu Askofu Ludovick Minde wa Kanisa Katoliki wakiteta jambo katika siku ya maziko ya Askofu Mstaafu Erasto Kweka.

Viongozi wa dini wana ustawi wa jamii zao katika moyo. Viongozi wa dini wanahitaji kufahamu mambo mapya kuhusu masuala yanayowakabili waumini wao. Ni wajibu wako kuhakikisha kwamba haki zote za watoto na vijana zinaungwa mkono ili waweze kufanya maamuzi kwa kuwa na taarifa na kwa kuwajibika na kuishi kwa afya, uzazi na maisha yenye ukamilifu.

Read More

MIAKA 62 YA UHURU WA TANGANYIKA: Juma Raibu atoa msaada Kituo cha Watoto Yatima Soweto-Moshi

Mstahiki Meya Mstaafu wa Manispaa ya Moshi Juma Raibu ametoa msaada wa Hali na Mali katika Kituo cha Watoto waishio katika mazingira duni na Yatima cha Upendo Foundation and Child Light.

JR ambaye ni diwani wa Bomambuzi ametoa msaada huo ikiwa ni siku ya kuadhimisha miaka 62 ya Uhuru wa Tanganyika iliyopata kutoka kwa Uingereza.

Juma Rahibu amesema kuwasaidia watoto ni suala la Upendo ambalo kila mtanzania anapaswa kuwa nalo ili kujenga Taifa Bora



Aidha Juma Rahibu amewataka watoto hao na wadau wa kusaidia watoto kuendelea kumwamini Mungu kwani ndiye Mkuu na mwenye uwezo wa kufanikisha mambo yao

“Hakuna cheo kikubwa dunia zaidi ya upendo, hawa watoto mnawendeleza leo mnawasimamia, baadhi hawana wazazi wengine mmewatoa katika mazingira duni mzazi wao yupo ni Mungu Mkuu na mpigie makofi Mungu huyu,” alisema Juma Rahibu.

Katika hafla hiyo ya shukrani kwa Mungu na kwa wadau mbalimbali kituoni hapo Soweto mjini Moshi ilianza kwa NENO la Mungu kutoka kwa Mchungaji Elia Ngayange wa Kanisa la  Moravian 

 
“Ni jambo la thamani mbele za Mungu hasa unapohusika kuyawezesha makundi maalum kufikia malenngo yao, Mungu huwa analithamini sana jambo hilo,” alisema Mchungaji Nyagyange.

 

Katika risala ya watoto kwa Mgeni rasmi wamesema mafanikio wameyapata kutoka kwa watu mbalimbali ikiwamo Elimu bora licha ya kwamba msaada mkubwa unahitajika kwa ajili ya kuwainua zaidi.

Kwa upande wake Mkurugenzi wa Upendo Foundation and Child Light Faith Nelson amesema Kituo chale kimekuwa kikikabiliwa na changamoto ya watoto kukosa bima za Afya hivyo mtoto anapougua inabidi kutafuta pesa kwa ajili ya matibabu.

Kituo hicho cha Watoto waishio maisha duni kina watoto 24 ambao wamekuwa wakilelewa na kupatiwa huduma za malazi, mavazi, chakula na elimu bora.

Kwa upande wake Vanessa Michael amesema Upendo Foundation and Child Light inawasaidia kufikia malengo.

Kiasi cha shilingi milioni moja ikiwamo ahadi kimepatikana katika hafla hiyo ya shukrani, huku Meya huyo Mstaafu amechangia kiasi cha shilingi 520,000/- kwa ajili ya kuunga mkono juhudi za Kituo hicho kulea watoto hao. 

Read More